Zɛnɛse 31:10 - Yálá laawoo hɛɓɛ (dc)

¹⁰ Bələi Yálá ə dɛɛ la bɔ́, bələ ka: Ɓɛlɔwai kɛ a daatɛlɛɛɠaa tɛi lɔwai, ŋį́ hįį kaa, daatɛlɛɛ hilɛɠaai kɛi tɛ, di kɛ a di pɛ̨ɛ̨ a ɲɛ̨i pɛlɛɛ, a wala kɛ tii ɲɛ̨i kpɛa kpɛa.

Yálá laawoo hɛɓɛ

¹⁰ Bələi Yálá ə dɛɛ la bɔ́, bələ ka: Ɓɛlɔwai kɛ a daatɛlɛɛɠaa tɛi lɔwai, ŋį́ hįį kaa, daatɛlɛɛ hilɛɠaai kɛi tɛ, di kɛ a di pɛ̨ɛ̨ a ɲɛ̨i pɛlɛɛ, a wala kɛ tii ɲɛ̨i kpɛa kpɛa.

Bible

¹⁰ “Tãi daa-tulɛ-ŋai tɛ́-tãi è sèri lai, ŋá see ƃô ŋá gáa a gɛɛ daa-tulɛi zirɛ-ŋai kɛ̀ tɛ̂i záa-ŋai diai, dí kɛ̀ a dípɔ̃yɛɛ.

Zɛnɛse 31:10 ပူးပေါင်းရင်းမြစ်များ

Zɛnɛse 20:6

Ɉiin tɔ̨nɔ̨i tii hu, Yálá ə Abimelɛkə woo ŋąąpənə, yɛ mą: «Ɲą́ą́ gbɛli ŋą́ gɔlɔn gɛ́ diɛ, hvo kɛ ɉəɠə li a kiliŋąhiɛ ɲɔ̨nwɔ̨ɔ̨. Ɲą́ą́ ɓə hvaa mą, gɛ́ hvo lɛɠɛ nɛ̨ɛ̨nui tii ɓa, ə gɛ, hvo pa kɛ a hɔn mąą mun ɲɛ̨́i ɓa. Mɛ̨nį gɛ və́ hvaa la mą hvo laa la, yaa li.

Zɛnɛse 28:12

Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Zɛnɛse 30:39

Nwulu kpiɛ tii a kɛ tooni ɲai daatɛlɛɛɠaa diɛ tɛ, da di kaa di lonnii pɛ̨ɛ̨, a wala kɛ tii di tɛɠiɛ.

Zɛnɛse 31:11

Ɉįį tii hu, Yálá nwɔ malaka yɛ mą́ą́: ‹Ɉakɔbə! Ŋą́ hvaa.›

Zɛnɛse 31:12

Yɛ nwɔ̨nɔ̨ mą́ą́: ‹Ə́ ɲɛ̨i hee daatɛlɛɛ hilɛɠaai tii tɛi diɛ, di pɛ̨ɛ̨, ɲɛ̨i pɛlɛɛ kaa ɉu, ɲɛ̨i kpɛa kpɛa ə ɓo ɉu. Ɲą́ą́ Yálá, ŋį́ yili kɛ tii, mąąhɔlɔɓo, pələi Laban kaa ə́ hon ɉii la, ŋą́ą́ nąą kaa.

Zɛnɛse 31:24

Kɛlaa, kpinįi, Yálá ə gbɔwɔ lɛ Aramə mun Laban ɓa hįį pələ, yɛ mą: «Hvo kɛ ə́ kaa mɛ̨nį ɲɔ̨n gɛi a Ɉakɔbə.»

Zɛnɛse 31:9

Yálá ɓə, ka nąn nwɔ taatɛlɛɛɠaa kulɔ ɲəi, ə dɛɛ bɔ́.

Zɛnɛse 37:5

Yələ ta, Ɉosɛfə ə hįį kaa, ə ɉukulɔ niɛni diɛ, yili ə nwɔ wɛli kpɛɛ mąą laa ta pɛlɛ mą niɛni yəi.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Dutɛrɔnome 13:1

Dɔnŋąąi gáá dɛɛi ka pɔ, ka tɔɔ a ka nwąnąi, ka gɛ, ka hvo da pɛlɛ mą, ka hvo da kulɔ mą.