Zɛnɛse 30:1 - Yálá laawoo hɛɓɛ (dc)

¹ Ɓɛlɔwai kɛa Rasɛlə ə gaa la yɛ hva pɛli lon ɉɔlɔɓoi, yɛ kɛa tóló kulɔ a niɛ, yɛ ɉilɛ Ɉakɔbə ɓa: «Lón dɛɛ bɔ́ ɲą́ą́ gbɛli, a wala kɛ tii, gáá haai.»

Yálá laawoo hɛɓɛ

¹ Ɓɛlɔwai kɛa Rasɛlə ə gaa la yɛ hva pɛli lon ɉɔlɔɓoi, yɛ kɛa tóló kulɔ a niɛ, yɛ ɉilɛ Ɉakɔbə ɓa: «Lón dɛɛ bɔ́ ɲą́ą́ gbɛli, a wala kɛ tii, gáá haai.»

Bible

¹ Tãi Leesɛ è gàa la a gɛɛ vé lóŋ maa sɔlɔ ƃó ní Zeeka mìi, è nâa kɛ̀ tólo kulâi ǹîa ma. Ńyɛɛ Zeeka mai, “Lóŋ tɛ́ɛ ḿbɔ. À wàla kɛ́ tí ŋa pâi saâi.”

Zɛnɛse 30:1 ပူးပေါင်းရင်းမြစ်များ

Zɛnɛse 29:31

Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Tɔɔɓɛlaa dɔlɔɔ 19:4

Eli yaa kpinįi ə hvóló tɔ̨nɔ̨ hiɛ kɛ yɛ li nɔi pun ɉu. Líi ə mo laa, ə hee ɉenɛ wulu mu. Eli ə hee laa, yɛ haa huhvɛli, yɛ kɛ mą: «Oo kə! Yai-Laa! Víi aa kpɛɛ kpɔ kɛnɛ̨, ɉə́ɠə kɛa yɛnɛ̨ɛ̨, və́ hviɛlaɓo li və́ tɛɛ ną́nni diɛ.»

Zôo 13:19

Gbɛɛ ɓə yɛ ə kiti pɛlɛ mą́ą́? Váái ma ŋį́ mɛ̨́i haa, ŋį́ haa.

Zôo 3:11

Lə mɛ̨nį ɓa, néé yəi hvo kala li kɛ a ɲą́ą́-oo! Lə mɛ̨nį ɓa və́ kɛ haa li lɔ kɛ gáái lɔwai-yoo!

Zôo 5:2

Kilikpɛɛɲəimun a haa a liikələn gwəi; tolo yɛ hupumun baa.

Mąątɛ̨nɛ̨ 106:16

Di kɛɛ bələ pɔ, di tolo kulɔ a Moisə da Aarɔn, a nui tii Yai-Laa ə ɉəɠə ɉu, ə gɛ a nwɔɔi.

Hanwon 14:30

Líílaa kaa a nu kɔlɔi pɔ̨nɔ̨ hɛn, Kɛlaa, tolo kaa a kolo yɛ nu kɔ́w mįi.

Hanwon 30:16

Ɲąmuątaa, kpoma nɛ̨ą, lɔi hva pilɛ yá hu. Nwɔ̨n hva kɛ diɛ: «Aa pilɛ!»

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Lonon mo 11:15

Akɛ bələ ɓə ə́ kaa gɛi la a ɲą́ą́, viɛlaɓoɔi ə́ báá. Bələ ɓə gáá bɔ ə́ ə́ ɲɛ̨i lɛlɛɛ hee la mą́ą́, ŋą́ kulɔ mɔ̨nɔ̨i ŋɛ̨i hu.»

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Ɉaan 4:3

Ɓɛlɔwai Jesus ə nwooɠaa tii mɛ̨n na, ə həɠə Ɉude lɔi hu, yɛ li Galile lɔi hu.

Ɉaan 4:8

Nąąlɔwai, nwɔ kalan nɛai daa kɛ tɛ taai laa mį́į́ hɛn ɲá mɛ̨nį ɓa.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə veelɛ 7:10

Hvo gaai, liikələn gwəi a həɠə Yálá pɔ yɛ həli nu ɓa, a gɛ, nu ə ɉɔn mąąhvalin malo mɛ̨nį ɓa, hva ɲeekpiɛ too na. Liikələn gwəi a həɠə yɛnɛ̨ɛ̨ pɔ, a nu lɔ haa hu.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Samuɛlə dɔlɔɔ 1:10

Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.