Zɛnɛse 3:6 - Yálá laawoo hɛɓɛ (dc)

⁶ Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Yálá laawoo hɛɓɛ

⁶ Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Bible

⁶ Nɛnîi è ŋ̀úrii kàa a gɛɛ m̀á lɛ̂lɛɛi mii mɛni ma, ǹɛ́lɛɛ núu ŋɛ́i, gɛ́ tela núu tàre. È m̀á da kùla é mii. É da tɛ́ɛ ŋɔsurɔ̂ŋ pɔ́ ǹyaa máŋ é mii.

Zɛnɛse 3:6 ပူးပေါင်းရင်းမြစ်များ

Zɛnɛse 3:12

Nu yɛ Yálá ɓa: «Nɛ̨ɛ̨nu ŋɛ̨i ə́ gɛ a ɉíɛ gee pulu, ya ɓə nwului tii ma ta tɛɛ bɔ́, ɲą́ą́n, ŋį́ mį́i kɛa.»

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Zɛnɛse 39:7

Yələ ta, Ɉosɛfə nwɔ mɛ̨nį nąmu nɛ̨ą ɲɛ̨i ə kulɔ bɔ, yɛ mą: «'Pa gu láá.»

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Tɔɔɓɛlaa dɔlɔɔ 13:19

Yálá nwɔ nui ə yali bulu, da yaa di li, ə kɔ̨nɔ̨n mįi, ə ya kpələ.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Izikiɛ 24:16

«Hulɔnu lon, gáá pai ə́ ɲɛ̨i kɔ́w kwəinɛ̨ɛ̨ hɛn gulɔi ə́ yəi a wea. Hvó túwɔ yɛ haa a too yɛ́, hvó pai ə́ woo laai, hvó pai wɔlɔi.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 24:25

«Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Timote dɔlɔɔ 2:14

Ə lɛɛ, Adamə hvəə di ɲɛ̨i kwɛli, kɛlaa nɛ̨ɛ̨nu ɓə di ɲɛ̨i kwɛli, ɛlɛɛ, ə too dɔ́n galaa hu.

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Nwun mąąɓo 14:17

Samsɔn nɛ̨ą ə wɔlɔ mą, di wɔ hɛli hvóló mɛ̨ihveelɛi tii kəlee yee mu; voló mɛ̨ihveelɛ yələ, ə mukulaa lɛ mą. Mąąhɔlɔɓo, aa kɛ kpɔlu na. Nɛ̨ɛ̨nui tii ə li ə ɉanwon mukulaa lɛ nwɔ nuą diɛ.