Zɛnɛse 3:18 - Yálá laawoo hɛɓɛ (dc)

¹⁸ Lɔi kaa pai ɲąąlən da ɲąąlən nwuluɠaa kulɔi ə́ mąą mɛ̨nį ɓa. Tíi kɛɛ ɓə, ə́ kɔ̨nɔ̨n a kulɔ ɉu.

Yálá laawoo hɛɓɛ

¹⁸ Lɔi kaa pai ɲąąlən da ɲąąlən nwuluɠaa kulɔi ə́ mąą mɛ̨nį ɓa. Tíi kɛɛ ɓə, ə́ kɔ̨nɔ̨n a kulɔ ɉu.

Bible

¹⁸ Ŋalêŋ da didi da pâi kulâi ǹɔii ma ímɛni ma. Ƃa pâi ǹɔii ma tuma-laai miî.

Zɛnɛse 3:18 ပူးပေါင်းရင်းမြစ်များ

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

Zôo 31:40

akɛ və́ yili kɛ li tii, mɔ̨nun ŋį́ ɉin, hvo ɓɔn; hihɛn ŋį́ ɉin, hvo ɓɔn, kala tiliin ɲɔ̨nwɔ̨ɔ̨ ə ɓɔn naa. Mɔ̨nun ŋį́ ɉin, hvo ɓɔn kala tiliin ɲɔ̨nwɔ̨ɔ̨ ə ɓɔn naa. Ɉobə hvaa woo kpɛlai ka ti.

Zôo 5:5

Yaai tii, ɉɛn ə ɉɔlɔɓo, ə lɛɛ a nuąi pulu kaa diɛ di kɔ̨nɔ̨n! Bələi mąn ɲąąlən gala tinɛ̨n ŋąą la gwɛlin ma, nuą di ɉəɠə. Pulu koloon ma nuą di gwɛli ɉəɠə.»

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 90:3

Yá nu kan mąąpənə a pɔlɔ, mąąhɔlɔɓo, Yá kɛ diɛ: «Adamə lonnii, ka yali ka pulu ka too pɔlɔ hu!»

Hanwon 22:5

Nui dúwɔ́ pələ hvo haŋą li, ɲąąlən gɔw da ɓaalə di kaa gbaalə hu, nui gaa bɔ ə lamun yɛnɛ̨ɛ̨, a mąą kwɛa mą.

Hanwon 24:31

Ɲąąlən da tumɔ ɲɔ̨nwɔ̨ɔ̨ɠaa daa tiliin ɲɛa naa kəlee, nwɔ tíi mąąkwəli kwɛni, aa pu.

Azaya 32:13

Ɲąąlən gbɔlɔ kaa tɛi, nwɔ́ nu huwui nwɔ lɔi hu, yɛ tɛ gwəinɛ̨ɛ̨ kulɔ pɛlɛ́ɠaa kəlee mɛ̨i, yɛ tɛ ɉɛli pu taa hu.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Azaya 7:24

Di kaa pai huwɔ kpɛi laa a kilɛn, hvó gaai, nɔi kəlee aa lɛɛ a ɓomodiliin da ɲąąlən gbɔlɔ.

Ɉeremi 12:13

Nu a mɔ̨nun ɉin, ə ɓomodiliin ɉɔlɔɔɓo, di kaa lɔ di kpɔɔ hviikpɛɛi kpɛli-kpɛli, hɛn da ɉɔlɔɓo, gaa di yəi a nwumɛ̨, mąąhɔlɔɓo, Yai-Laa liiholiɛ di pɔ.

Ɉeremi 4:3

Yai-Laa woo ka, Ɉuda lɔi hu nuą da Ɉerusalɛmə nuą diɛ; yɛ diɛ: Ka pənə ka ka wɔ tííɠaa pɛli a nɛlɛɛ ka hvo hɛn da hin ɲąąlən ɉu.

Maafîu 13:7

Daɠaa di too yɔw ɲąąlən ɉu, di ɓɔn, kɛlaa ɲɔ̨w kpɔlɔ kpinįn a diɛ di haa.

Lomaŋ 14:2

Nu taɠaa di wɔɔ laa na laa a gɛ, diɛ pɛli hɛn gəlee mįi, daɠaa di wɔɔ hvįikpɛɛlaa yɛ gɛ, pɛlɛ́n gɔ̨nɔ̨n nɔ ɓə a mįi.

Hebreu 6:8

Kɛlaa, akɛi, ŋąąlən gbɔlɔ da kala ɲɔ̨nwɔ̨ɔ̨ɠaa kulɔ mą, mąą lɔi, mɛlɛ hva kɛ mą, da nɛ̨ŋɛ̨n naa, ɛlɛɛ, di gələn.

Zasua 23:13

mąąnɛ̨ɛ̨ ka kili ə pu ɉu kaa diɛ Yai-Laa ka wɔ Yálá kaa pai kpɛlai nu huwuɠaai tii kpɛɛ ɓa ka ɲɛ̨itɔwɔ. Di kaa pai kɛi ka tɔwɔ a hɛlɛn, di ɓo a hvaɠa ka kpanaŋą; diɛ yali ka ɲɛ̨i yɛ ɲąąlən, ə lɛɛ ɉu, nɔi lɛlɛɛ ŋɛ̨i Yai-Laa ka wɔ Yálá ə dɛɛ ka pɔ, ka kpɛɛ ɉu.