Zɛnɛse 29:32 - Yálá laawoo hɛɓɛ (dc)

³² Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Yálá laawoo hɛɓɛ

³² Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Bible

³² Nya ƃe Liɛ è koo sîɣe é lóŋ-surɔ̂ŋ maa sɔlɔ ƃó é ǹáa sée a Lubiŋ ǹyɛɛi, “Yâwɛɛ a ŋámɛni-solii káa, mɛni ma ŋásurɔ̂ŋ a pâi ŋ́wɛ̂lii.”

Zɛnɛse 29:32 ပူးပေါင်းရင်းမြစ်များ

Zɛnɛse 16:11

Ə́ kaa pai lon ɉulɔnu hɔlɔɓoi, ə́ naa hee a Ismaɛlə. Mąąhɔlɔɓo, Yai-Laa aa ə́ wɔ laanɔ̨nwɔ̨ kaa.

Zɛnɛse 29:31

Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 35:22

Ɓɛlɔwai di kɛ la laa, Rubɛn ə laa a nąn nɛ̨ą Bilha. Israɛlə kili ə pu ɉu. Israɛlə lonnii di kɛ a nu pow kɔ́w hveelɛ.

Zɛnɛse 35:23

Lea nwɔ lonnii laa ka: Rubɛn ɓə kɛ a Ɉakɔbə lonnii dɔlɔɔ, yili pulu Simeɔn, Levi, Ɉuda, Isakarə da Zabulɔn.

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Zɛnɛse 42:27

Ɓɛlɔwai kpinį ə pɛlɛ la diɛ bələi, di di tiɛ̨ pu, ə gɛ, di yii laa. Nu tɔ̨nɔ̨ ə nwɔ ɓií laa hvólóon, ə gɛ, ə kɔ̨nɔ̨n dɛɛ ɉoohvaalənŋąą pɔ. Ə nwali kaa mií hu.

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Kɔlɔnikɔ Maa-ŋuŋ 5:1

Israɛlə, yai naa ɓa a Ɉakɔbə, non dɔlɔɔ Rubɛn, lonnii laa ka; Rubɛn tii ɓə kɛ a nąn non ɉulɔnu tɔlɔɔ, kɛlaa, ə nąn naa gbin ɓɛlɛtoo. Yili ɓə gɛ, nu pɔlɔ laa ŋɛ̨i kɛ mąąnɛ̨ɛ̨ ə kɛ ɲəi, ə lɛɛ Israɛlə lon Ɉosɛfə nonnii yəi. Ə kɛ kɛa a nui nu pɔlɔ laa aa kulɔ ɲəi nąn ɲəi bɛlɛ́n.

Mąątɛ̨nɛ̨ 106:44

Ə di wɔ mɔ̨nɔ̨i kaa, a ɓɛlɔwai ə di tómą woo mąn na.

Mąątɛ̨nɛ̨ 25:18

Mą́ą́ wɛli pələ kaa, da nwɔ́ mɔ̨nɔ̨ mįi pələ, nwɔ́ nɛ̨ŋɛ̨nŋaai kəlee kulɔ mą́ą́.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Izikiɛ 48:6

Ə həɠə Ɛfraimə nwɔ lɔi ɓa, ə həɠə voló kulɔi pələ, ə həli la gboloyá ɓa, Rubɛn nwɛi li.

Lonon mo 1:5

Nuą pai kpɔnmąą tɛɛi ka pɔ, di laa ka: Rubɛn yəi bɛlɛ́n, Sedeurə lon Elisurə,

Lukə 1:25

«Yii nwɛi, Ną́mu Yálá əgɛ lɔ tii, əgɛ, ə nwumɛ̨ həɠə ɲɛ̨́i nuą ɲɛ̨i ɓa.»

Dutɛrɔnome 26:7

Ku wɔlɔ Yai-Laa ku nąnni di wɔ Yálái ɓa. Yili ə ku wɔlɔ woo mu hon, ə ku wɔ mąąwɛli laa kaa; da mɔ̨nɔ̨i ku kɛi mįi, ə mą kɛ laanɔ̨nwɔ̨i ku kɛ ɉu.

Dutɛrɔnome 27:13

Ɛlɛɛ, nuąi pai tɔɔi Ebalə yee nwuɔ̨, diɛ nɛ̨ŋɛ̨n naa kɛ, diɛ ɓaa: Rubɛn, Gadə, Asɛrə, Zabulɔn, Dan da Nɛftali.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.