Zɛnɛse 29:31 - Yálá laawoo hɛɓɛ (dc)

³¹ Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Yálá laawoo hɛɓɛ

³¹ Yii kɛa Yai-Laa ə gaa yɛ Ɉakɔbə aa Rasɛlə wɛli la kɛ aa dɛɛ Lea ɓa, ə Lea kwəi nwun, ə Rasɛlə kɛ a kpomąnɛ̨ą.

Bible

³¹ Tãi Yâwɛɛ è gàa la a gɛɛ Zeeka a Liɛ kpɔarai, è lóŋ tɛ̀ɛ bɔ́, kɛ́lɛ Leesɛ è kɛ̀ a kpóma nɛni.

Zɛnɛse 29:31 ပူးပေါင်းရင်းမြစ်များ

Zɛnɛse 11:30

Lon və kɛ Sarai ɓa, ə kɛ a kpomąnɛ̨ą.

Zɛnɛse 16:1

Abramə nɛ̨ą Sarai hvo kɛ lon gaa li, kɛlaa, Eziptə lɔi hu nɛ̨ɛ̨nu ta, yai naa ɓaa: Hagarə, ə kɛ a Sarai nwɔ luwɔ-nɛ̨ą;

Zɛnɛse 20:18

Mąąhɔlɔɓo, Yai-Laa ə Abimelɛkə nɛ̨ą kɛ a kpomąnɛ̨ą da ɲəi bɛlɛ́n nɛ̨ąąɠaa kəlee, Abrahamə nɛ̨ą Sara mąą mɛ̨nį ɓa.

Zɛnɛse 25:21

Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 29:30

Ɉakɔbə da Rasɛlə di lɔ pɛlɛ́n, Rasɛlə wɛli ə too Ɉakɔbə ɓa ə tɛɛ la Lea ɓa. Ɉakɔbə ə pənə ə kwɛlan mɛ̨ihveelɛ kɛ Laban pɔɔli, yɛ Rasɛlə mąą kóló ɓo.

Zɛnɛse 29:32

Lea ə koo həɠə, ə lon ɉulɔnu kaa, ə naa hee a: Rubɛn. Lea yɛ mą: «Yai-Laa aa ɲɛ̨́i mąąwɛli kaa. Nwɛ́li kaa kɛa pai tooi ɉílɛ ɓa.»

Zɛnɛse 30:22

Nąąlɔwai, Yálá ə giliŋąhiɛ Rasɛlə ɓa, ə gwəi nwun.

Zɛnɛse 35:23

Lea nwɔ lonnii laa ka: Rubɛn ɓə kɛ a Ɉakɔbə lonnii dɔlɔɔ, yili pulu Simeɔn, Levi, Ɉuda, Isakarə da Zabulɔn.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Malasi 1:3

ɛlɛɛ, ɲee ɓa lɔiɠaa ŋɛ̨i Edɔmə nuą kaa heeni ɉu, ŋą́ di kpɛ laa, kilitɔɔmąą hvo kɛa laa, ŋą́ą́ di wɔ lɔi kwɛlɛ nɔi pun ɉu lɔwɔ-yilɛɠaa diɛ.

Maafîu 10:37

Nui a nąn da nee di wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta. Nui a non ɉulɔnu a wala kɛ tii non nɛ̨ɛ̨nu wɛli la kɛ ə tɛɛ mą́ą́, a kɛ tii hvo ɓaa nwɔ́ nui ta.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Lukə 1:7

Kɛlaa, lon və kɛ diɛ. Mąąhɔlɔɓo, Elisabɛtə ə kɛ a kpomąnɛ̨ą, ə lɛɛ di nu hveelɛi di pɔlɔɔ kɛa kɛ.

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Ɉaan 12:25

Nui a nwɔ yɛnɛ̨ɛ̨ wɛli la kɛ, yɛ viɛlaɓo Yálá ɓa; a kulɔ ɲəi. Kɛlaa, nui a gili kulɔ ɲɛnɛ̨ɛ̨ ŋɛ̨i hu Yálá mąą mɛ̨nį ɓa; a ɉɔlɔɓo ɲɛnɛ̨ɛ̨i kpɛɛ hvo mą ɉu.

Gɛlaɠaa 7:8

Yili pulu, Yálá da Abrahamə di mįnɛ̨ həɠə, mįnɛ̨i ti kɔlɔn ɉɛn maa kɛ́nɛ̨ mɛ̨nį. Yili ɓə gɛ, Abrahamə ə Isaakə hee kɛ́nɛ̨ ɓa a voló mɛ̨i haaɓa yələ. Isaakə yaa kpɛli, pələ lɔ ɓə ə gɛ la a Ɉakɔbə, Ɉakɔbə yaa, ə gɛ, ti a gu kalaɓɔlɔ pow kɔ́w hveelɛi.

Dutɛrɔnome 21:15

Hulɔnu nɛ̨ani da kɛ hveelɛ, dɔ̨nɔ̨ wɛli ə ɓo mą, dɔ̨nɔ̨ wɛli hvo mą; nɛ̨ąą hveelɛi da lon ɉinąą kaa; ɛlɛɛ, nonŋąą tii nu pɔlɔ laamun ə ɓo a nɛ̨ɛ̨nu yii nwɛli hvo mą non,

Rutə 4:13

Boozə ə Rutə həɠə a nɛ̨ą. Yai-Laa ə lúwɔ́ too Rutə ɓa, ə koo həɠə, ə lon ɉulɔnu hɔlɔɓo.

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.

Samuɛlə dɔlɔɔ 1:27

Nokoloi ŋɛ̨i ɓə ŋą́ kɛi vɛli Yai-Laa ɓa, yaan, yii ŋą́ vɛli mą. Ə dɛɛ bɔ́.

Samuɛlə dɔlɔɔ 1:5

Kɛlaa, ə kɛi Anə nwɛi kɛ a ɉeei tɔ̨nɔ̨, yɛ mɛlɛ lɔ ɉu, mąąhɔlɔɓo nwɛli ə kɛ mą. Bələi mąn, Yai-Laa aa kɛ Anə kɛ la a kpomąnɛ̨ą.

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.