Zɛnɛse 28:19 - Yálá laawoo hɛɓɛ (dc)

¹⁹ Ɉakɔbə ə gɛɛnąąi tii laa hee a Betɛlə. Mukulaa ɓaa: Yálá nwɔ pɛlɛ́. Tɔlɔɔ, gɛɛnąąi tii laa ɓaa kɛ Luzə.

Yálá laawoo hɛɓɛ

¹⁹ Ɉakɔbə ə gɛɛnąąi tii laa hee a Betɛlə. Mukulaa ɓaa: Yálá nwɔ pɛlɛ́. Tɔlɔɔ, gɛɛnąąi tii laa ɓaa kɛ Luzə.

Bible

¹⁹ Zeeka è naa láa sèe a Bɛtɛ (zu-kulai ƃa Ɣâla ŋɔpɛ́rɛi, kɛ́lɛ daai láa ƃe kɛ̀ a Luzi a maa-ŋuŋ).

Zɛnɛse 28:19 ပူးပေါင်းရင်းမြစ်များ

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 28:11

Kpini ə pɛlɛ mą bələi, ə naai pɛli, ə laa, ə kwɛni laa nwun mu, yɛ yii.

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 35:14

Ɉakɔbə ə kwɛni laa gɛɛnąąi tii, ə wulɔ pu mą da lɔɔ, ə gɛ, a haláá.

Zɛnɛse 35:15

Ə nąą laa hee a Betɛlə, ɓɛi Yálá ə mɛ̨nį ɓo laa mą.

Zɛnɛse 35:6

Ɉakɔbə da bɔ nuąi kəlee di həli Luzə yai a Betɛlə Kanaan lɔi hu.

Zɛnɛse 35:7

Ɉakɔbə ə haláá kulɔi pɛli laa, ə naa hee a: Ɛlə-Betɛlə, mąąhɔlɔɓo, nąą ɓə Yálá ə gbɔwɔ lɛ laa mą, ɓɛlɔwai ə kɛi pu la niɛ tɔwɔ.

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Tɔɔɓɛlaa dɔlɔɔ 12:29

Ɉeroboamə ə dɔ̨nɔ̨ tɔɔ Betɛlə, ə dɔ̨nɔ̨ tɔɔ Dan.

Tɔɔɓɛlaa veelɛ 2:2

Di lɛɛ lɔ lii, Eli yɛ Elise ɓa: «'Lɛɛ ɓɛ, mąąhɔlɔɓo, Yai-Laa aa dɔ́ɔ́ kpɔ Betɛlə.» Kɛlaa Elise yɛ mą: «Yii kpɔ Yai-Laa kaa a vulú, ɛlɛɛ yɛ́ ɓo a ə́ hvulú, ŋą́ą́ gwɛla gɛ́ vá həɠə ə́ pulu.» Di lɛɛ di kee pɔ de li Betɛlə.

Kɔlɔnikɔ Veerɛi 13:19

Abiya ə hvilɛn Ɉeroboamə pulu, Betɛlə da ɲee mu taaɠaa hon, diɛ ɓaa a: Yesana da gwɛlɛ taaɠaa, Ɛfrɔn da ɲee mu taaɠaa.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Zasua 16:2

Ə kɛi həɠə Betɛlə yɛ həli Luzə, yɛ tɛɛ Arki nuą di wɔ lɔi ɲɛ̨n ma pələ, Atarotə daai.

Zasua 18:13

Di ɲɛ̨n ə kɛi həɠə laa yɛ li Luzə, yɛ laa Luzə yee koo ɓa ɉɛɠɛɛ pələ, ya ka tii Betɛlə pələ. Di ɲɛn ə kɛi yɛɛ Atrotə-Adarə, ɲeei tii Bɛtə-Horɔn ɉɛɠɛɛ, gɔwɔ mu.

Zasua 8:12

Ɉosue ə nu waa lɔɔli ɲɔ̨nwɔ̨mąn ɉəɠə ə di loo Betɛlə da Ai di lɔwai voló tooi pələ.

Nwun mąąɓo 20:26

Israɛlə nuą kəlee, da nɔi nuą, di tɛɛ də li Betɛlə, diɛ wɔlɔ Yai-Laa lííla, di hin nɔ a volói tii, yələwulii pɔ, di haláá huwu hveelɛ kulɔ Yai-Laa ɓa, yii da gəlee kələn, da yii gaa a pɔnaa kulɔ haláá, da Yai-Laa ni di lɔwai.

Samuɛlə dɔlɔɔ 10:3

Ya pa həɠəi laa, ə́ ka pai həlii Tabɔrə nwɔ kpitilii kwɛlɛ, ə́ nu haaɓa kaa diɛ li Betɛlə daa. Ɓooli lon ɉaaɓa kaa pai kɛi dɔ̨nɔ̨ yəi, lɛɠɛ haaɓa ə ɓo dɔ̨nɔ̨ yəi, lɔɔ ɓala ə ɓo ɉaaɓa naa yəi.

Samuɛlə dɔlɔɔ 7:16

Kwɛlan dɛitɛi yee mu, ə kɛi lia tɛɛ daaɠaa hu, Betɛlə, Gilgalə, Mispa, yɛ Israɛlə mąą mɛ̨nįɠaa ɲɛ̨i kulɔ daaɠaai tii hu.