Zɛnɛse 28:18 - Yálá laawoo hɛɓɛ (dc)

¹⁸ Ɉakɔbə ə muhəɠə yələwala pinɛ̨ɛ̨, gwɛni ŋɛ̨i ə naa nwun mu, ə ɉaŋą ə dɔɔ, ə wulɔ pu nwuɔ̨, ə gɛ a nąą kɔ́lɔn ɉɛn.

Yálá laawoo hɛɓɛ

¹⁸ Ɉakɔbə ə muhəɠə yələwala pinɛ̨ɛ̨, gwɛni ŋɛ̨i ə naa nwun mu, ə ɉaŋą ə dɔɔ, ə wulɔ pu nwuɔ̨, ə gɛ a nąą kɔ́lɔn ɉɛn.

Bible

¹⁸ Nya ƃe Zeeka è mu sìɣe a ŋ̀ele-wala pɛpɛi, é gɔnii síɣe nyii è nàa ŋ̀uŋ mu é ŋ̀uŋ láa mɛi, é dɔɔ a Ɣâla-teƃele é wúlɔ pú mà.

Zɛnɛse 28:18 ပူးပေါင်းရင်းမြစ်များ

Zɛnɛse 21:14

Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ.

Zɛnɛse 22:3

Mąą yələ laa ɓoɔ, Abrahamə ə humo, yələ ɓoi bɔ lɔwai ə kwɛi ɓɛla, yii di kaa li ɉaláá hɛn gələn ɉii la. Ə nwɔ hoohvaalən hąą yili, ə nwɔ luwɔ hinąą veelɛ həɠə, di tɛɛ diɛ li ɓɛi ŋɛ̨i di nąą lɛ mą, da Isaakə ni kəlee.

Zɛnɛse 28:11

Kpini ə pɛlɛ mą bələi, ə naai pɛli, ə laa, ə kwɛni laa nwun mu, yɛ yii.

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Zɛnɛse 31:45

Ɉakɔbə ə nɛɛma ə kwɛni ta həɠə ə dɔɔ.

Zɛnɛse 35:14

Ɉakɔbə ə kwɛni laa gɛɛnąąi tii, ə wulɔ pu mą da lɔɔ, ə gɛ, a haláá.

Zɛnɛse 35:20

Ɉakɔbə ə kwɛni laa nɛ̨ą kámą la, háá ɓaa háá, gwɛni tii kaa laa, diɛ kɛ mą: Rasɛlə kámą la kwɛni.

Samia Veerɛi 18:18

Absalɔn kɛɛ vulú kɔ́ɔŋą, ə kwɛni kwɛaa ta tɔɔ tɔɔmun ɲəi ɲa-ɓoloon bɔ, Mąąhɔlɔɓo, ə kɛi kɛ diɛ: «Nwɛ́i lon ɉulɔnu hvo nii ɲə́i yii a náá lɛɛ lɔi mɛ̨i.» Ə naa hee gwɛnii tii ɓa, yai háá ɓa háá, da kɛ lɔ ma: Absalɔn nwɔ kili lɛɛ ɉu kwɛni.

Mąątɛ̨nɛ̨ 119:60

Gáá mą́ą́hulɔi, vá nwų́ɔ̨ wɔlɔ, ə́ wɔ tiɓoɠaai kɛ mɛ̨nį hu.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Azaya 19:19

Mąąi yələi tii, Yai-Laa nwɔ haláá kulɔi ta kaa pai kɛi Eziptə lɔi hɛ̨ąi, Yai-Laa kɔ́ kwɛni ta ə ɓo nɔi ɲɛ̨n ɉu.

Lonon mo 7:1

Ɲələi Moisə ə kpɛɛ la a bɛlɛ́ heɛ gee la, ə nwulɔ mąąhəɠɛɛ hiɛ mą, ə lúwɔ́ too mą, da ɉɛn bɛlɛɛ takpɛliɠaa kəlee, ə mą kɛ ɉaláá kulɔi da gwɛlɛ hɛn gəlee, ə wulɔ hiɛ diɛ, ə lúwɔ́ too diɛ.

Zasua 4:9

Ɉosue ə kwɛni kpuwulu pow kɔ́w hveelɛ kpɔn gee ɓa Ɉurdɛn hąąi ɓɛi tii mįnɛ̨ kəhi həɠə nuą kɔ́wɔ ə kɛ laa hvilɛn ni, háá ɓaa háá, di kaa ni laa.

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»