Zɛnɛse 28:13 - Yálá laawoo hɛɓɛ (dc)

¹³ Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Yálá laawoo hɛɓɛ

¹³ Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Bible

¹³ Yâwɛɛ è tɔ̀ɔ délei ŋuŋ túɛ ǹyɛɛi, “Ńyãa ƃa Yâwɛɛ, nyii gáa a ínâŋ Eberaɣɛ̃ɛ da Aise díɣâlai. Ǹɔii íkaa lâa-ni mai, ŋa pâi dɛ̂ɛi ípɔ ká ísuui.

Zɛnɛse 28:13 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 13:17

Li, ə́ hiɛ nɔi nąą kəlee, ə tɛ la, ə́ yɛɛ la, mąąhɔlɔɓo, yɛ́ ɓə gáá pai nɔi tii tɛɛi ə́ pɔ.»

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 31:13

Ɲą́ą́ Yálá, ɲą́ą́ ka tii gbɔ́wɔ́ lɛ yɛ́ Betɛlə, ɓɛi tii ə́ ɉaláá kulɔi tɔɔ laa mą́ą́, ə́ ə́ wóó kwɛlɛ mą́ą́. Yii hu, 'pənə ə́ li ə́ pɔ lɔi, ɓɛi ə́ həɠə laa.›»

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 31:5

Pai di mo ɲɛa, yɛ diɛ: «Ŋą́ą́ gaa gɛ́ diɛ, ka nąn hvo kɛa ɲɛ̨i lɛlɛɛ heei ɲɛ̨́i, yɛ bələi tɔlɔɔ ə kɛ la, kɛlaa, ną́n nwɔ Yálái kaa bɔ́.

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Zɛnɛse 32:9

Ə kɛi kɛ diɛ: «Esau a pɛlɛ bələ tɔ̨nɔ̨ ɓa a kɔ́, dɔ̨nɔ̨ a pɛli ə pu.»

Zɛnɛse 35:1

Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»

Zɛnɛse 35:12

Nɔi ŋɛ̨i ŋį́ dɛɛ Abrahamə pɔ, ŋį́ dɛɛ Isaakə pɔ, gáá dɛɛ ə́ pɔ. A tinąą kɛ a ə́ huwu nwɔɔ.»

Zɛnɛse 35:15

Ə nąą laa hee a Betɛlə, ɓɛi Yálá ə mɛ̨nį ɓo laa mą.

Zɛnɛse 35:17

Yii kɛa gwəinwąną ə kpɔlu, vɛlɛlee kɛ nɛ̨ą, yɛ Rasɛlə ɓa: «Ə́ liikpələ, ə́ lon gaa a hulɔnu nwɔ̨nɔ̨.»

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Kɔlɔnikɔ Maa-ŋuŋ 16:16

Mįnɛ̨i da Abrahamə di ɉəɠə, yaai ə mɛ̨i lɔ Isaakə ɓa;

Kɔlɔnikɔ Maa-ŋuŋ 16:18

Ɓɛlɔwai ə kɛ la mą: «Gáá Kanaan lɔi tɛɛi ə́ pɔ, ka hɔlɔɓo hɛn ni!»

Mąątɛ̨nɛ̨ 105:11

Yɛ kɛ mą: «Gáá Kanaan lɔi tɛɛi ə́ pɔ, ə kɛ a ka kwɛlin, a ka wəlingią lɔi.»

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 4:5

Yai-Laa, yɛ Moisə ɓa: «Yá li, yili ɓə yá gɛ Israɛlə nu huwu ɲɛ̨i ɓa, ya ɓə a gɛ di gɔlɔn diɛ ŋį́ gbɔ́wɔ́ lɛ yɛ́, ɲą́ą́ ŋɛ̨i gáá a di nąnni Abrahamə, Isaakə da Ɉakɔbə di wɔ Yálá.»

Lɛɛ gbɔwɔ ɓa 6:4

Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Izikiɛ 28:25

«Mɛ̨ni kəlee ŋą Hééɓomun Yálá woo ka; yɛ: Ɲələi gaa pai Israɛlə nwɔ pɛlɛ́i mu nuą kulɔi la nɔiɠaai ŋą́ di taɠa taɠa ɉu di lɔwai, gɛ́ ɲąąkpɔn, gáá pai nɛi lɔiɠaa diɛ, gɛ́ kɛ mą́ą́həɠɛɛi. Di kaa pai kɛi di wɔ lɔi hu, yai ŋą́ dɛɛ nwɔ́ tí mun Ɉakɔbə pɔ.

Amɔsə 7:7

Mɛ̨nį Yai-Laa ə nɛ mą́ą́ hįį pələ nwɔ̨nɔ̨, ya ka: Yai-Laa yaa kpinįi, ŋį́ gaa tɔɔni pɛlɛ nwąną ta mɛ̨i, pɛlɛ́ tɔɔ kinɛ̨ kɔ́w yɛ ɓo ɲəi.

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Gɛlaɠaa 7:5

Yálá hvo kpɛli nɔi hu hɛn ta dɛɛ bɔ, ə ma kpɛli kɛ gɔwɔ hvilɛn tɔ̨nɔ̨. Kɛlaa, Yálá ə naakwɛlan mo mą yɛ mą, gaa nɔi ŋɛ̨i tɛɛi bɔ, yaa da ɉuwu, bələi mąn lon və ni kɛ la mą.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.