Zɛnɛse 28:12 - Yálá laawoo hɛɓɛ (dc)

¹² Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Yálá laawoo hɛɓɛ

¹² Ə heen mo, ə goto ta kaa heen bələ, dɔɔ nɔi ɓa, gwɛa kpɔ, yɛ tɛ yələkɔlɔn ma. Ə Yálá nwɔ malakaɠaa kaa diɛ tɛ, diɛ yɛɛ gotoi tii ɓa.

Bible

¹² Nya ƃe è see ƃô é déle káa bîlaŋɔɔ ǹɔii ma, ŋ̀uŋ tɛ́ɛ ŋ̀ele-kɔlɔŋ su. Ɣâla ŋɔkéla-ŋai dí kɛ̀ tɛ̂i díkɛ yèŋ.

Zɛnɛse 28:12 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 15:12

Hvóló kɔ́w tooi lɔwai, yii kɛnɛ̨ ə tɛɛ a Abramə, ɲɔw kɛnɛ̨ ə yɛɛ la.

Zɛnɛse 20:3

Kɛlaa, kpinįi, Yálá ə gbɔwɔ lɛ Abimelɛkə ɓa hįį pələ, yɛ mą: «Nɛ̨ɛ̨nui ŋɛ̨i ə́ ɉəɠə, hilɛ kaa mą, ya wala nɛɛ laa, ə́ kaa pai haai mąą mɛ̨nį ɓa.»

Zɛnɛse 41:1

Kwɛlan veelɛ tɛɛ pulu, hvóló ta, Eziptə tɔɔmun ə hįi kaa. Ɉįi tii hu, ə gbɔwɔ kaa tɔɔni Nilə ya lee kwɛlɛ.

Tɔɔɓɛlaa dɔlɔɔ 19:5

Yili pulu ə laa nwulu nįnįn mu, yíi ə tɛɛ la. Kɛlaa, malaka ta ə nwun, yɛ mą: «'Ə́ muhəɠə, ə́ kɔ̨nɔ̨n mįi, ə́ ə́ kpələ.»

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Danîa 7:1

Bɛlsasarə ŋɛ̨i kɛ a Babilonə tɔɔmun, nwɔ tɔɔlaa gwɛlan dɔlɔɔ hu, Daniɛlə ə hįi kaa, ɓɛlɔwai ə kɛ la laani ɲəi gbinŋa, mɛ̨nį walawalaɠaai kɛ ɉįi tii hu, ə bɛ̨ɛ̨, ə ɉukulɔ, yɛ diɛ:

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?