Zɛnɛse 27:41 - Yálá laawoo hɛɓɛ (dc)

⁴¹ Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Yálá laawoo hɛɓɛ

⁴¹ Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Bible

⁴¹ Ǹyaŋ Isɔɔ è nâa Zeeka kpɔ̀ara ǹúwai mɛni ma ǹâŋ è nàa mai. Nya ƃe è mò ǹyɛɛi, “Ńâŋ saa tãi a kɛ́ lɛɣɛ̂i. À sàa, ŋa pâi ńêɣe Zeeka paâi.”

Zɛnɛse 27:41 ပူးပေါင်းရင်းမြစ်များ

Zɛnɛse 27:42

Di Esau wooi tii kəlee hukulɔ Rebeka ɓa. Rebeka yaan ə Ɉakɔbə təli, ə nwoo hukulɔ mą, yɛ mą: «Ə́ liɛ Esau kaa bɔ ə nwąną kulɔ yɛ́, ə ə́ paa.»

Zɛnɛse 32:11

Mą́ą́ hvo nɛ̨ɛ̨li kɛ a mɛ̨inɛ̨ɛ̨ kɛnɛ̨ɛ̨ ŋɛ̨i nąmu. Hvo gaai, gɛ́ɛ́ Ɉurdɛn teen ɉii, gbɔn nɔ ɓə kɛ ɲə́i. Ya ka ŋɛ̨i Yáá ɲéé laahvɛɛ a mɛ̨inɛ̨ɛ̨ kpɛa-kpɛa hveelɛ, gɛ́ pənə gɛ́ paa la ną́n ɲəi bɛlɛ́n.

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.

Zɛnɛse 32:6

Ɉɛnŋąąi ɲəi, diɛ ɓaa: Nįŋɛ̨ɠaa, hoohvaalənŋąą, ɓɛlaaɠaa, ɓoluɠaa, luwɔ hinąą da nɛ̨ąą. Nwɔ́ mɛ̨nį nąmu, nwɛlɛɛi ŋɛ̨i tɔɔ mɛ̨nį nwun maa, ə́ wɔ tímun Ɉakɔbə a pa, ə́ ə́ yee hee mu a nɛlɛɛ.›»

Zɛnɛse 35:29

Isaakə ə pɔlɔ, yɛ tɛɠa lɛɛ laai nąnni kwɛlɛ. Esau da Ɉakɔbə di di nąn now.

Zɛnɛse 37:18

Yiliɠaa di gaa kwɛala, yɛ pa. Gɛɛ hvo həli diɛ, di lɔ mąą kilii, ə gɛ, di baa.

Zɛnɛse 37:4

Ɉosɛfə niɛni di gaa diɛ, di nąn aa di ləɠə wɛli la kɛ aa dɛɛ diɛ. Ɉosɛfə wɛli ə kpɛɛ niɛni diɛ ə tɛɛ gɛi ɓa. Di hvo kpɛli kɛi nwɔ mɛ̨nį lɛlɛɛ ɓo.

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Zɛnɛse 50:15

Ɉosɛfə niɛni di hee, diɛ di kee ɓa: «Yii kɛa gu nąn aa haa, Ɉosɛfə kaa pai tinɛ̨n ɉi, ə ɲɛ̨i ɲɔ̨nwɔ̨ɔ̨ hee guɔ, mɛ̨nį ɲɔ̨n kpɔ gu gɛ la, gaa pai nwɔ kwələ kulɔi.»

Zɛnɛse 50:2

Yili pulu, ɲɔwɔtɔlɔɠaai ŋɛ̨i kɛ Ɉosɛfə yee mu, ə mo diɛ, di nąn bowa pɛli; di Israɛlə powa pɛli.

Kɔlɔnikɔ Veerɛi 35:24

Ɉosiasə nwɔ tínuą di ɉəɠə, di gulɔ nwɔ kɔ-kɔ wotoloi hu, di naa nwɔ wotolo veelɛnąą hu, di li la Ɉerusalɛmə daai. Nąą ɓə ə haa laa, di bow loo nąnni kámą hu. Ɉuda nuą, Ɉerusalɛmə nuą di Ɉosiasə haa wɔlɔɓo.

Mąątɛ̨nɛ̨ 142:3

Gáá nwóólaai níila, gɛ́ gbáán mɛ̨nį hukulɔ mą.

Mąątɛ̨nɛ̨ 35:14

Ŋį́ kɛi lɔ tɔɔ ɲɔ̨ɔ̨-ɲɔ̨ɔ̨, yɛ bələi nu a gɛ la mɛlanmun da mąą mɛ̨nį hu, awala kɛ tii, neelon mąą mɛ̨nį hu, yɛ néé a haa, ɲɛ̨́i mąą mą́ą́wɛliɛ.

Mąątɛ̨nɛ̨ 37:16

Ɉɛn goloi tələnmomun ɲəi, vialaɓɔɔ tɛɛ nɛ̨ŋɛ̨n ɉəɠə nuą du wɔ hɛn gɔwi ɓa.

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

Hanwon 18:19

Kaayɔwɔ hvaa hu hon naa walaai, ə tɛɛ kɔ́ taa walawala hon ŋąą ɓa. Vaa taaləi tii a walawala yɛ kwɛli.

Hanwon 6:14

Mɛ̨nį ɲɔ̨nwɔ̨ɔ̨ kɛ kili ə ɓo lɔ níi hu, gili hvilɛn ŋąą lɔ mɛ̨nį ɲɔ̨n ma a yələ kəlee, yɛ lia hvaa tee.

Ikilisiati 7:9

Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Dutɛrɔnome 34:8

Israɛlə lonnii di Moisə haa wɔlɔ ɓo a hvóló pow haaɓa Moabə ɲɛɛ kɔ́wɔ hu; yili pulu di kpəla mą.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.