Zɛnɛse 25:23 - Yálá laawoo hɛɓɛ (dc)

²³ Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Yálá laawoo hɛɓɛ

²³ Yai-Laa yɛ mą: «Hį́i hveelɛ ka tii ə́ kwəi, nu huwu hveelɛ ka tii gɔi a di kee, ɉuwu hveelɛi tii di kaa pai di ɓɛlaɓoi. Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma. Nu pɔlɔ laamun gaa pai kɛi nokolo laamun ɲee mu.»

Bible

²³ Nya ƃe Yâwɛɛ è mò ma ǹyɛɛi, “Lɔii-ŋuŋ feerɛ káa íkponôi. Núu sîi feerɛ, nyii-ŋai ƃa pâi dímaa sɔlɔ ƃôi, da pâi kɛ̂i a díŋaa kɔlɛ́ɛ. Dɔnɔ a pâi kɛ̂i a ŋ̀wála-walaa é tɛ́ɛ m̀arâŋ ma. Ǹia-nuui a pâi kɛ̂i a ǹeɣe-nuui yée mu-nuu.”

Zɛnɛse 25:23 ပူးပေါင်းရင်းမြစ်များ

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 17:4

«Nwóói gáá gwɛlɛi yɛ́, ya ka: ə́ kaa pai kɛi a hį́i tamąą di nąn.

Zɛnɛse 25:24

Ɓɛlɔwai Rebeka laa yɛɛi lɔwai ə həli la, hea hvo kɛ ɉu, yonŋąą ɓə ə gaa.

Zɛnɛse 25:27

Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi.

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Zɛnɛse 27:33

Isaakə kwəi ə pili mą kpɔ kɛnɛ̨, nąą kəlee yɛ kpɛlin, ə pənə ə mąąnikɛ, yɛ mą: «Kɛtii, gbɛɛ ɓə kan paa a gɔ́nɔ̨n, yai ŋį́ mįi kpɔlɔ yɛ́ lɔ? Núwɔ́i kɛ ná, ŋą́ą́ gbɛa doo mą, nwɔɔ li kɛa.»

Zɛnɛse 27:37

Isaakə yɛ mą: «Ŋą́ą́ gbɛa gɛ a ə́ wɔ mɛ̨nį nąmu, ŋą́ą́ gaayɔwɔɠaa kəlee lɔ ɲee mu, mɔ̨nun da lɔɔ di kaa pai kɛi ɲəi kɛnɛ̨. Hɛn da hvo laa və́ gɛ yɛ́, nón.»

Zɛnɛse 27:40

Kulaalaa lɔ ɓə yá ə́ wɔ yɛnɛ̨ɛ̨ kɛ ɉu, yá kɛ a ə́ ləɠə nwɔ tímun, Kɛlaa yələ ta, ə́ kaa pai tɔi a ə́ nwąnąi ə́ kulɔ ɲee mu.»

Zɛnɛse 32:6

Ɉɛnŋąąi ɲəi, diɛ ɓaa: Nįŋɛ̨ɠaa, hoohvaalənŋąą, ɓɛlaaɠaa, ɓoluɠaa, luwɔ hinąą da nɛ̨ąą. Nwɔ́ mɛ̨nį nąmu, nwɛlɛɛi ŋɛ̨i tɔɔ mɛ̨nį nwun maa, ə́ wɔ tímun Ɉakɔbə a pa, ə́ ə́ yee hee mu a nɛlɛɛ.›»

Zɛnɛse 33:3

Yaa kpinį ə hvilɛn nuą kəlee ɲɛ̨i tɔwɔ. Ɓɛlɔwai ə kɛi pa həlii la niɛ ɓa, ə pɛlɛ nɔi ɓa gee mɛ̨i mɛ̨ihveelɛ, ə lɛɛ ɉu yɛ həli niɛ ɓa.

Zɛnɛse 36:31

Tɔɔɓɛlaai wɔlɔ kɛi tɛɛ Edɔmə gɛɛ Israɛlə hvo kɛ tɔɔɓɛlaa hɔlɔɓoi, di laa ka:

Zɛnɛse 48:19

Kɛlaa, nąn ə lənə mą, yɛ mą: «Nón, gíli ka ɉu. Yaa kpɛli mąn gaa pai kɛi a huwu nwun gulɔi. Kɛlaa, ə mą kɛ tii, nəɠə kaa pai kɛnɛ̨i ə tɛɛ mą.»

Samia Veerɛi 8:14

Davidə ə lɔi ɲąąwooɓo nuą hee Edɔmə lɔi nwun na, ə nwun nąmįną hee Edɔmə lɔi kəlee nwun na. Edɔmə nuą kəlee di lɛɛ Davidə yee mu. Bələ ɓə Yai-Laa ə kɛi kɔ́ nɛ̨ɛ̨ la Davidə ɓa ɓɛi lɔpee a li laa.

Tɔɔɓɛlaa dɔlɔɔ 22:47

Ɉaláá wɛli kɛ nuą kpəliɠaai lɛɛ Ɉosafatə nąn Asa nwɔ yələ, ə gəlee kpɛ nɔi.

Kɔlɔnikɔ Maa-ŋuŋ 18:13

Ə lɔi nwun nąmįną hee Edɔmə, di kəlee di lɛɛ Davidə yee mu, a Davidə nwɔ tínuą. Ɓɛi lɔpee Davidə ə kɛi li laa, Yai-Laa ə kɛi kɔ́ nɛ̨ɛ̨ mą.

Abdiasə 1:21

Di kaa pai yeetɛɛmąą kɛi di Siɔn yee tumun, nąą ɓə di kaa pai heei laa; Esau huwu nwɔ yeeɠaa ə lɛɛ di yee mu. Nąąlɔwai, tɔɔlaa a kɛ a Yai-Laa nwɔɔ.

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Dutɛrɔnome 2:4

'Mo nuą diɛ, yɛ́ diɛ: «Ka kaa pai tɛɛi ka kaayɔwɔɠaa di wɔ lɔi hu, diɛi ɓaa Esau lonnii diɛi heeni Seirə yeeɠaa diɛ. Di kaa pai ɲɔwi kaa, kɛlaa ka gɛ a nɛlɛɛ;

Dutɛrɔnome 2:8

Kɛi ə mo tii, gu tɛɛ gu kaayɔwɔɠaa pɔɔli pələ Seirə lɔi hu, ɓɛ pələi tii Esau huwuhu nuą kaa la heeni; gu tɛɛ Ɉurdɛn ɲá-ɓoloon bɔ pələ, bələi tii a tɛɛ Eilatə da Esiɔn-Gɛvɛrə; gu tinɛ̨n gu ɉon a Moabə nɔi pun ɉu pələ.

Samuɛlə dɔlɔɔ 17:14

Davidə ɓə kɛ nąn nonnii lɔwai a nogolo laamun. Niɛni haaɓai tii ɓə kɛ Saulə pɔ.