Zɛnɛse 24:35 - Yálá laawoo hɛɓɛ (dc)

³⁵ Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Yálá laawoo hɛɓɛ

³⁵ Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Bible

³⁵ Yâwɛɛ a lûwa láa ḿɛi-nuui ŋí ma a zu kɛ́tɛ, a kɛ́ a núu kɛ́tɛ. A ƃála suu tɛɛ bɔ́ da taa-tulɛ támaa. A sɛŋ-kao támaa tɛ́ɛ bɔ́ da gôo, da yée mu-sinaa támaa, é pɛ́lɛ yée mu-nɛyaa dîa, soo-fáleŋ-ŋa da wɛlɛ-sôo-ŋa.

Zɛnɛse 24:35 ပူးပေါင်းရင်းမြစ်များ

Zɛnɛse 12:16

Nɛ̨ɛ̨nui tii mąą mɛ̨nį ɓa, tɔɔmun ə ɲɛ̨i lɛlɛɛ hee Abramə ɓa. Ə taatɛlɛɛɠaa tɛɛ bɔ: ɓɛlaa, ɓolu da nįŋɛ̨, ə mą kɛ luwɔ hinąą da luwɔ nɛ̨ąą, ə bɛlɛ nwɔ̨nɔ̨ hoohvaalən ɉilɛɠaa da ɉaaɠaa diɛ, da ɲɔ̨nwɔ̨mɛ̨ɛ̨ɠaa.

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Zɛnɛse 24:1

Abrahamə pɔlɔɔi kpɔ kɛa kɛ a mɔlɔ, Yai-Laa ə lúwɔ́ too mą mɛ̨nį kəlee hu.

Zɛnɛse 25:11

Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.

Zɛnɛse 25:5

Hɛn kpɔ kɛ Abrahamə yəi, ə gəlee tɛɛ Isaakə pɔ.

Zɛnɛse 30:43

Ɓələ ɓə Ɉakɔbə ə taatɛlɛɛ kpulu kɛnɛ̨ hɔlɔɓo la, ɓɛlaaɠaa diɛ ɓo ɲəi, ɓoluɠaa, ɲɔ̨nwɔ̨mɛ̨ɛ̨ɠaa, hoohvaalənŋąą, ɛlɛɛ luwɔ hinąą da luwɔ nɛ̨ąą.

Zɛnɛse 49:25

Ə́ nąn nwɔ Yálá, Ə tɔɔ ə́ pulu, Huwalawala Kəlee Nąmu Yálá Ə lúwɔ́ too yɛ́, lúwɔ́ ə həɠə yələi ə yɛɛ ə́ mɛ̨i, lúwɔ́ ə həɠə lɔi kponɉu ə həli yɛ́, ə́ huwuhu nɛ̨ąą kwəi ə nwun ə́ wɔ taatɛlɛɛɠaai di di kaa.

Zôo 1:3

Ɓɛlaa waa mɛ̨ihveelɛ ə kɛ ɉulɔnui ti yəi, da ɲɔ̨nwɔmɛ̨ɛ̨ waa haaɓa, ə lɛɛ, nįŋɛ̨ heei hveelɛ hveelɛ nwun nɔɔli, hoohvaalən ɉaa nwun nɔɔli, koló kɛ nu kpulu kɛnɛ̨ ə ɓo ɲəi. Ɉulɔnui ti ə kɛ a nu kɛnɛ̨ dɛɛ hvóló kulɔi pələ nuą kəlee diɛ.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Mąątɛ̨nɛ̨ 112:3

Ɲəi bɛlɛ́n ɉɛnŋąą ɓaa yeelahvoloon hɛn gɔw da nwun na nɛ̨ɛ̨, nwɔ tələnmolaa ɲɛ̨n və mą.

Mąątɛ̨nɛ̨ 18:35

A ɲééɠaa huwalawala, kɔ́ kɔ́ mɛ̨nį ɓa, ɛlɛɛ, yɛ gɛ ɲéé kɔ̨nwɔ̨n yɛ kwɛli kilɛn bili.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Lukə 12:45

Kɛlaa, akɛ, góló kɛmun tii a giliŋąhiɛ, yɛ kɛ mą: ‹Námu hvo pai pai ɉa.› Ə pɛlɛ kɛa mɛlaa koló kɛ nuą diɛ, yɛ di kɛlɛ, yɛ nąą mį́į́ yɛ pilɛ, yɛ gbələ yɛ ɓo a lɔɔ hon.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?