Zɛnɛse 24:12 - Yálá laawoo hɛɓɛ (dc)

¹² Ə hee, ə Yálá hvɛli yɛ mą: «Yai-Laa, nwɔ́ mɛ̨ni nąmu Abrahamə nwɔ Yálá, hvaa mą, mɛ̨nįi ŋį́ paala Ə́ ɲąąlɔ. Nɛ̨ɛ̨laai ka nwɔ́ mɛ̨nį nąmu Abrahamə ka lɔwai, ɉu mɛ̨inɛ̨ɛ̨ ta kɛ mą́ą́.

Yálá laawoo hɛɓɛ

¹² Ə hee, ə Yálá hvɛli yɛ mą: «Yai-Laa, nwɔ́ mɛ̨ni nąmu Abrahamə nwɔ Yálá, hvaa mą, mɛ̨nįi ŋį́ paala Ə́ ɲąąlɔ. Nɛ̨ɛ̨laai ka nwɔ́ mɛ̨nį nąmu Abrahamə ka lɔwai, ɉu mɛ̨inɛ̨ɛ̨ ta kɛ mą́ą́.

Bible

¹² È mò ǹyɛɛi, “Yâwɛɛ, yái íkaa a ḿɛi-nuui Eberaɣɛ̃ɛ ŋɔɣâlai, ŋá ífɛlìi í kɛ́ ŋ́gɔlɛ sâa, í íwɛli-kɛ́-maai lɛ́ ḿɛi-nuui Eberaɣɛ̃ɛ ma.

Zɛnɛse 24:12 ပူးပေါင်းရင်းမြစ်များ

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 24:21

Ɉulɔnui tii heɛi lɔ kɛ yɛ nąą kaa, yɛ gbɔwɔ mąąnikɛ gwəi pələ, yɛ kɛ mą: «Akɛtii, Yai-Laa aa nwɔ́ hiɛi ŋɛ̨i, nɛ̨ɛ̨ ɓəi; a wala kɛtii gaa ləi?»

Zɛnɛse 24:27

yɛ mą: «Nwɔ́ mɛ̨nį nąmu Abrahamə nwɔ Yálá, yai gaa a Yai-Laa, gɛ́ ə́ hɛɠɛ ə́ mąmą, yáá ə́ wɔ mɛ̨inɛ̨ɛ̨ leelee kulɔ pɔ̨nɔ̨ŋą nwɔ́ mɛ̨nį nąmu ɓa, ɉiɛi ŋɛ̨i hu, Yai-Laa, yáá də́nən dɔɔ nwɔ́ mɛ̨nį nąmu pulu nuą diɛ.»

Zɛnɛse 24:42

Pai ŋį́ mo ɲálɔwa la, ŋį́ kɛ diɛ: ‹Yai-Laa, nwɔ́ mɛ̨nį nąmu Abrahamə nwɔ Yálá, gɛ́, ə́ nwɔ́ hiɛi ŋɛ̨i hu nɛ̨ɛ̨,

Zɛnɛse 24:48

Ŋą́ nɛɛmą, ŋį́ pu gbəlin na, ŋį́ kwɛli hvilɛn Yai-Laa ɓa; ŋį́ Yai-Laa hɛɠɛɛɓo, yai a nwɔ́ mɛ̨nį nąmu Abrahamə nwɔ Yálá, a yaai tɔɔ ɲɛ̨́i tɔwɔ gɛ́ həli nwɔ́ mɛ̨nį nąmu mąnįn gbɔ-kpɔɔ ɓa, yɛ kɛ a non nɛ̨ą.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 27:10

Ə́ ɉəɠə kɛa ə́ li la ə́ nąn bɔ, ə mį́i, ə́ lúwɔ́ too yɛ́, gɛɛ hvo pa kɛ haai.»

Zɛnɛse 27:20

Isaakə yɛ non ma: «Ə́ tɛɛ ləi yɛ́ ɉuwɔi ŋɛ̨i hɔlɔɓo kpɔlɔ tii ɉa?» Ɉakɔbə yɛ nąn ma: «Yai-Laa ə́ wɔ Yálái, ə hvaa mą, ŋį́ kwiɛn a ɉuwɔi ŋɛ̨i, ŋį́ baa.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 32:10

Gɛɛ tii, Ɉakɔbə ə tómą, yɛ mą: «Ee! Ną́n Abrahamə nwɔ Yálá! Ną́n Isaakə nwɔ Yálá! Yɛ́i a Yai-Laa! Yɛ́ ɓə kɛ mą́ą́: ‹Pənə ə́ li ə́ pɔ lɔi, ə́ nąn ɲəi bɛlɛ́n, gáá pai ɲɛ̨́i lɛlɛɛ heei yɛ́.›

Zɛnɛse 32:9

Ə kɛi kɛ diɛ: «Esau a pɛlɛ bələ tɔ̨nɔ̨ ɓa a kɔ́, dɔ̨nɔ̨ a pɛli ə pu.»

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Tɔɔɓɛlaa veelɛ 2:14

Biliɉui ŋɛ̨i kulɔ Eli kpaŋəi ə pu Elise yɛ ɉəɠə, gɛɛ ɲa kɛlɛi la, yɛ mą: «Yai-Laa Eli nwɔ Yálái kaa mį?» Elise yaa kpɛli ə ɲá kɛlɛ la. Ɲá ə tee dɔwɔ, ə tɛɛ.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Mąątɛ̨nɛ̨ 118:25

Ee Yai-Laa! Nɛ̨ɛ̨ yɛ́, ɓálo! Yeetɛɛmąą laa tɛɛ ku pɔ! Yai-Laa nɛ̨ɛ̨ yɛ́, gɔ́ nɛ̨ɛ̨ kuɔ.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 37:5

'Ə́ tínąą mɛ̨nį lɛɛ Yai-Laa yee kɔn ma, 'ə́ kilitɔɔ mą, gaa pai gɛ mɛ̨nį kɛi ɉu.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.