Zɛnɛse 23:6 - Yálá laawoo hɛɓɛ (dc)

⁶ «Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Yálá laawoo hɛɓɛ

⁶ «Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»

Bible

⁶ “Kúnuu-namui, kúwoo mɛni. Íkaa a kâloŋ kɛ́tɛ kúsama. Ƃɛ́i ƃa ŋ̀wɛ̂lii í ísaai lóo naai, nòo naa. Núu da fé kúsama nyii va pɔ̂ri fâai é lɔii kpua tɛ̀ɛ ípɔ saa loo mɛni ma, kpaa máŋ é íkpera ísaai loôi.”

Zɛnɛse 23:6 ပူးပေါင်းရင်းမြစ်များ

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Zɛnɛse 14:14

Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Zɛnɛse 18:12

Sara ə yɛlɛ gwəi pələ, yɛ kɛ mą: «Mą́ą́ nɛ̨ɛ̨golo, ŋą́ pɛli kɛa lon ɉɔlɔɓoi kwa nwɔ́ mɛ̨nį nąmu Abrahamə yaa kpɛli, bɔlɔɔ?»

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zɛnɛse 21:22

Gwɛlan dɔ̨nɔ̨ tii hu, Abimelɛkə, da nwɔ kɔ́kuláá nwun nąmu Pikɔlə, di pa Abrahamə pɔ. Abimelɛkə yɛ Abrahamə ɓa: «Gílí kaa ɉu, gɛ́ diɛ: Mɛ̨nįɠaai ya ə́ yee too ɉu, Yálá kaa ə́ pɔ gəlee hu.

Zɛnɛse 23:5

Hɛtə huwuhu nuą di nwoo ŋąąpənə, diɛ mą:

Zɛnɛse 23:7

Abrahamə ə nɛɛmą, ə li, ə mąąyɛɛ Hɛtə huwuhu nuą kɔ́wɔ mu, diɛi kɛ nɔi tii hu.

Zɛnɛse 24:18

Rebeka yɛ mą: «Nwɔ́ mɛ̨nį nąmu, ə́ kpələ.» Rebeka ə ɲa hee ɲee kɔ́nwɔ̨n ɉu, ɉulɔnui tii ə gbələ.

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 31:35

Rasɛlə yɛ nąn ma: «Ną́n, ya gaa və́ muhəɠə li və́ tɔɔ, ŋą́ lɛɛ heeni, mąąhɔlɔɓo, nɛ̨ą ɲɔ̨n gaa mą́ą́.» Laban ə ɲɛ̨i laa, hvo nwɔ haliɠaai kaa.

Zɛnɛse 32:18

Ɉakɔbə yɛ nwɔ tímun dɔlɔɔ ɓa: «Ka níɛ Esau ka kwiɛn, a kɛ yɛ́: ‹Gbɛɛ ŋą nu ɓaa yɛ́? Ə́ kaa lii mį? Gbɛɛ nwɔɔ ɓaa daatɛlɛɛ kpului ŋɛ̨i ə́ tɔ́wɔ́i?›

Zɛnɛse 42:10

Ɉosɛfə niɛni diɛ mą: «Kpaa-o! Ku wɔ mɛ̨nį nąmu, ku pa lɔ kɔ̨nɔ̨n ɲai.

Zɛnɛse 44:5

Lə mɛ̨nį ɓa ka nwɔ́ mɛ̨nį nąmu nwɔ kpələkɔwɔi nwuɔ̨ yai a kɛ nwɔ Yálá mɛ̨nį kɛi ɉui? Mɛ̨nį tii kaa gɛ, ka hvə gɛ li a nɛlɛɛ.›»

Zɛnɛse 44:8

Pai ku mo ɓɛ tɔlɔɔ, nwalii lɛɛ ku yəi míiɠaa hu, ku pənə ku pa a yiliɠaai kəlee. Akɛtii, kwa tɛɛ pələ kɛ ləi kuɔ wali kwɛli hɛn da a wala kɛ tii hɛni hɛn da nwuɔ̨ ə́ wɔ́ mɛ̨nį nąmu yəi bɛlɛ́n?

Lɛɛ gbɔwɔ ɓa 32:22

Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Rutə 2:13

Rutə ə mo kɛa Boozə ɓa nąąlɔwai, yɛ mą: «Nwɔ́ mɛ̨nį nąmu, nwɔ́ nu lɛlɛɛ kpɔkpɔɔ ɓaa a yɛ́. Mąąhɔlɔɓo, nwɛlikɛmąą woo ŋɛ̨i yáá mo mą́ą́, yili aa váŋąlɔ; ɲą́ą́ ŋɛ́i kwa ə́ wɔ tínɛ̨ąąi ta ku hvo kpɛli pɛli li.»