Zɛnɛse 23:2 - Yálá laawoo hɛɓɛ (dc)

² Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo.

Yálá laawoo hɛɓɛ

² Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo.

Bible

² Seera è sàa Kiria Aba (nyíi da dòli máŋ a Iburɔŋ), Keena lɔii su. Nya ƃe Eberaɣɛ̃ɛ è lì a gɛɛ é Seera maa wɔ̂lɔ kɛ́.

Zɛnɛse 23:2 ပူးပေါင်းရင်းမြစ်များ

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 23:1

Sara kaa kwɛlan ə kɛ a kwɛlan nwundɔ̨nɔ̨ kwɛlan bow hveelɛ kɔ́w mɛ̨ihveelɛ.

Zɛnɛse 23:19

Yili pulu, Abrahamə ə nɛ̨ą Sara powa loo Makpela díi hu, gwɛni wolo hu, Mamre kwɛlɛ, Hebrɔn Kanaan lɔi hu.

Zɛnɛse 24:67

Isaakə da nɛ̨ą Rebeka di lɔ nee Sara yəi bɛlɛ́n. Isaakə ə nɛ̨ą Rebeka wɛlilakɛ. Da yaa di di kee liilaa Isaakə nee Sara haa pulu.

Zɛnɛse 27:41

Ə həɠə ɲələ ɓa, Esau da Ɉakɔbə di hvo kɛ nɛ̨ɛ̨li, núwɔ́ nwuɔ̨ mɛ̨nįi tii ɓa. Esau ə gili tee gwəi pələ yɛ: «Ną́n a pa kulɔi taai, ɉaa mɛ̨i ɓə ŋą Ɉakɔbə paa laa.»

Zɛnɛse 35:27

Ɉakɔbə ə li nąn Isaakə pɔ Mamre yai kɛ Kiryat-Arba. Kiriatə-Arba laa ɓaa a Hebrɔn; nąą ɓə wɔlɔ Abrahamə da Isaakə di kɛ laa heeni.

Zɛnɛse 37:14

Ɉakɔbə ə pənə yɛ Ɉosɛfə ɓa: «'Li ə́ ə́ liɛni mɛ̨i kaa da daatɛlɛɛɠaa, bələi di kaa gɛi la, ə́ pa ə́ ɉukulɔ mą́ą́.» Ɉakɔbə ə Ɉosɛfə tɔɔ, ə həɠə Hebrɔn nɛ̨ŋɛ̨ lɔi hu, yə li Sisɛmə.

Zɛnɛse 50:1

Ə kɛ lɔ tii, Ɉosɛfə ə wolo nąn ma, ə wɔlɔ kpɔ kɛnɛ̨, ɲɛ̨iya yɛ pu nąn ɲɛ̨ilaa, ə yələwala too nąn ma.

Zɛnɛse 50:10

Di həliɛ kɛa Atadə gwɛni gbaha ŋą ɲąąləngbɔlɔ hu, Ɉurdɛn pulu pələ, di pənə nwɔ̨nɔ̨ di Ɉakɔbə haa wɔlɔ ta ɓo laa a mąąwiɛ pələ. Ɉosɛfə ə hvóló mɛ̨ihveelɛ kɛ laa, yɛ nąn ɉaa wɔlɔ ɓo.

Samia Veerɛi 1:12

Saulə da Ɉonatan, da Yai-Laa nwɔ nu huwui, da Israɛlə nwɔ nuąi tii lɛɛ a gɔ́ kɔ́ ɓɔwa kɔ̨nɔ̨n, di di haa wɔlɔ ɓo, di hin nɔ, ə lɛɛ la ɉu yələ ə wulu.

Samia Veerɛi 1:17

Davidə ə nwələi ŋɛ̨i too, yɛ wɔlɔ la Saulə da Ɉonatan di ha mɛ̨nį hu.

Samia Veerɛi 2:11

Kwɛlan mɛ̨ihveelɛ ɲąnin mɛ̨ida ɓə Davidə ə gɛ dɔɔlaa hu Ɉuda nwɔ pɛlɛ́i nwun na Hebrɔn daai.

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Samia Veerɛi 5:5

Dɔɔlaa yii ŋɛ̨i ə gɛ Ɉuda lɔi hu Hebrɔn daai ə kɛ a kwɛlan mɛ̨ihveelɛ ɲąnin mɛ̨ida. Davidə ə tɔɔlaa kɛ Israɛlə lɔi da Ɉuda lɔi nwun na a: kwɛlan bow haaɓa kɔ́w haaɓa Ɉerusalɛmə.

Kɔlɔnikɔ Maa-ŋuŋ 6:57

Isakarə nwɔ pɛlɛ́i: Kɛdɛsə da gwɛlɛ lɔi, Daveratə da gwɛlɛ lɔi,

Kɔlɔnikɔ Veerɛi 35:25

Ɉeremi ə wələ ta pɛli, ə doo Ɉosiasə mɛ̨i. Nwələ too hinąą da nwələ too nɛ̨ąą di Ɉosiasə laa too a wələ di wɔɔ wələ woo hu, háá ɓaa háá, yili ə lɔ Israɛlə nuą yii pələ hu. Di nwələɠaa tii too mąąwɛli wələɠaa lɔwai.

Nehemi 11:25

Yii hvilɛn na daa pɛlɛɛɠaa diɛ nɔwɔ mu, Ɉuda nu huwu taɠaa di kɛ heeni Kiriatə-Arba da gwɛlɛ taaɠaa. Daɠaa di ɓo Divɔn da gwɛlɛ taaɠaa hu, ə mą kɛ Yekavseɛlə da gwɛlɛ taaɠaa hu.

Ɉeremi 22:10

Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Lonon mo 13:22

Di tɛɛ nɛɠɛ lɔi hu pələ, di həli Hebrɔn, ɓɛi Ahiman, Sesai da Talmai di kɛ laa heeni, Nuąi tii di kɛ a Anakə lonnii. Di Hebrɔn taa tɔɔ, kwɛlan mɛ̨ihveelɛ tɛɛ pulu, di hvo teɠa Tanisə taa tɔɔ Eziptə lɔi hu.

Lonon mo 20:29

Nuą kəlee di gaa diɛ kɛ Aarɔn aa haa; Israɛlə pɛlɛ́ɠaa kəlee di Aarɔn haa wɔlɔ ɓo hvóló pow haaɓa yee mu.

Ɉaan 11:31

Ɉuifəɠaa ŋɛ̨i kɛ bɛlɛ́n diɛ Mari lii laa, yii kɛa di ɲɛ̨i ə lɛɛ ma ə muhəɠə yɛ li, di həɠə di hvilɛn bulu, ə kɛ di kwəi gaa li mąąhulɔnu kámą la yɛ wɔlɔ.

Ɉaan 11:35

Jesus ə wɔlɔ.

Gɛlaɠaa 8:2

Nuąi kɛi ɲɔw Yálá ɓa, di Etiɛnə powa həɠə di noo, di ɉaa wɔlɔ ɓo kpɔ kɛnɛ̨.

Dutɛrɔnome 34:8

Israɛlə lonnii di Moisə haa wɔlɔ ɓo a hvóló pow haaɓa Moabə ɲɛɛ kɔ́wɔ hu; yili pulu di kpəla mą.

Zasua 10:39

Di daa hon da ɉu tɔɔmun, da gwɛlɛ taaɠaa kəlee. Di nu kəlee kɛ a kɔ́ kɔ́ ɓɔwa kɔ̨nɔ̨n; nuąi kpɔ kɛ laa di di kɛ a haláá Yálá ɓa, Ɉosue hvo nu ta lɛɛ a vulú. Di Devirə taa da ɉu tɔɔmun di hon bələ kɛ yɛ bələi di gɛ la a Hebrɔn taa, yɛ Livna taa da ɉu tɔɔmun.

Zasua 15:13

Di lɔi tɛɛ Yefunɛ lon Kalɛbə pɔ Ɉuda lonnii lɔwai, yɛ bələi Yai-Laa ə mo la Ɉosue ɓa Kiriatə-Arba yii gaa Hebrɔn. Arba ə kɛ a Anakə lon, ɉee taa.

Zasua 15:54

Humeta, Kiriatə-Arba, ya ka tii a Hebrɔn, Siɔrə; taa kpɛa-kpɛaa mɛ̨inąąn da di wɔ taa pɛlɛɛɠaa.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zasua 21:11

Daaɠaai di dɛɛ di pɔ, diɛ ka: Kiriatə-Arba, Hebrɔn laa ta li kɛ, yii gaa Ɉuda nwɔ yeei ɓa, da gwɛlɛ kpomóɠaa. Arba ə kɛ a Anakə nąn.

Nwun mąąɓo 1:10

Yili pulu, Ɉuda ə li ə kɔ́ pɛlɛ Kanaan nuąi kɛ Hebrɔn diɛ, ɓɛi kɛ nąą laa ɓaa a: Kiriatə-Arba, di yee ə tɛɛ Sesai ɓa da Ahiman, ə mą kɛ Talmai diɛ.

Samuɛlə dɔlɔɔ 20:31

Mąąhɔlɔɓo, yii kpɔ Ɉɛse lon gaa ni a vulú lɔi mɛ̨i, hvo pai kɛi liilaa hu, ə mą kɛ ká ə́ wɔ tɔɔlaai. Aa həli yɛ́! Mo di ɉon di paa la bɔ́ aa ɉɔn gɛ, mąąnɛ̨ɛ̨ ə haa.»

Samuɛlə dɔlɔɔ 25:1

Samuɛlə haa pulu, Israɛlə nuą di di ŋąąkpɔn, di ɉaa mɛ̨nį kɛ, di noo bɔ taai Rama. Davidə ə muhəɠə ə li Paran nɔi pun ɉu.

Samuɛlə dɔlɔɔ 28:3

Samuɛlə aa kɛ haa, Israɛlə nuą kəlee daa kɛ ɉaa mɛ̨nį kɛ. Ə lɛɛ, daa kɛ noo bɔ taai Rama. Saulə aa kɛ tɔlu kpɛ nuą da ɲąmuątaa tɔlukpɛ nuą kəlee kpɛ lɔi hu.