Zɛnɛse 21:16 - Yálá laawoo hɛɓɛ (dc)

¹⁶ Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.»

Yálá laawoo hɛɓɛ

¹⁶ Yili pulu, Hagarə ə mąą tɛ tɔwɔ da yaa di lɔwai ə kwɛa gee ɓa, ə hee. Mąąhɔlɔɓo, ə kɛi giliŋąhiɛ yɛ kɛ mą: «Və́ bɔ, və́ nón ɉaai kaa.»

Bible

¹⁶ È lì é sée kwaa kôya ma, ƃɛ́i ŋɔkôya è kɛ̀ a yée kɔni pilìi. È mò ǹyɛɛi, “Fé ŋ̀wɛ̂lii a gɛɛ ŋá ńoŋ saâi káa.” Tãi nɛnîi è kɛ̀ seeni la naai, ǹôloŋ è wɔ̀lɔ a ŋ̀óo su kɛ́tɛ.

Zɛnɛse 21:16 ပူးပေါင်းရင်းမြစ်များ

Zɛnɛse 21:15

Yii kɛa di lɛɛ lii, kpələ ya ə kpɛɛ di yəi, Hagarə ə non naa wulu logolo ta mu.

Zɛnɛse 27:38

Esau ə hvɔlɔɔ nąn ma, yɛ mą: «Ną́n, lúwɔ́ tɔ̨nɔ̨ lɔ ɓə kɛ ə́ la? 'Lúwɔ́ too mą́ą́ ɲą́ą́ gbɛli.» Esau ə lɛɛ lɔ yili ɓoi, ə pola a wɔlɔ.

Zɛnɛse 29:11

Ɉakɔbə ə Rasɛlə nɛ̨nɛ̨ɓo, yɛ wɔlɔ.

Zɛnɛse 44:34

Vá pɛli búlu pənəi, və́ li ku nąn bɔ, akɛ kwa nokoloi ŋɛ̨i ku hvo li li. Níí hva pɛli kpələi, ɲɛ̨́i heɛ ku nąn ma, mɛ̨nį nwąnąą yɛ laa mą.»

Tɔɔɓɛlaa dɔlɔɔ 17:12

Nɛ̨ɛ̨nui yɛ Eli ɓa: «A tɛ̨ą, yɛ bələi Yai-Laa kaa la vulú! Lɛɠɛ hvo ɲə́i! Lɛɠɛ hunwɔ logolo tiikpə ɓə ɲə́i nəɠi kpon ŋą, ɛlɛɛ wulɔ logolo tiikpə ɓə ɲə́i múluun ɉu. Yili nwɔ kwɛi wolo lɔ ka ŋɛ̨i ŋą́ kɛi gwɛli, ŋą́ li, ŋą́ ɲili, kwa nón kwa mįi kɛa, kuɔ haa mąą kpɔn.»

Tɔɔɓɛlaa dɔlɔɔ 3:26

Nɛ̨ɛ̨nui ŋɛ̨i non maa kɛ a nokolo hvulú, níi ə ɓɛla mą non mąą mɛ̨nį ɓa, yɛ tɔɔmun ma: «Nwɔ́ mɛ̨nį nąmu, nɛ̨ɛ̨mąą ɓə gáá vəi yɛ́; nokolo hvulú ŋɛ̨i tɛɛ mɛ́lan bɔ, hvó kɛ ə́ kaa nokolo paai.» Nɛ̨ɛ̨nu yii tii nwɔ wooi lɔ ɓaa: «Hvaa lɛɛ ə́ yəi, hva lɛɛ ɲə́i, ka ɉu tee.»

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Lukə 15:20

Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Nwun mąąɓo 2:4

Ɓɛlɔwai Yai-Laa nwɔ malaka ə kpɛɛ la a nwooɠaai tii ɓoɔ, Israɛlə lonnii kəlee di di woo kulɔ, diɛ wɔlɔ.

Rutə 1:9

Yai-Laa, ə hvaa mą ka hinąą lɛlɛɛ hɔlɔɓo, ka heei ə lɛlɛ ka mɛ̨inɛ̨ɛ̨ hɔlɔɓo di yəi bɛlɛ́n.» Naomi ə naa pɛlɛ di laa ɓa, nɛ̨ą tii di bumą a wɔlɔ, di wɔlɔ kpɔ a mɔlɔ,

Samuɛlə dɔlɔɔ 24:16

Gɛ́ Yai-Laa ə mɛ̨nįi ŋɛ̨i hutɔɔ, ə tɛ̨ą ɓo gwa yɛ́ gu lɔwai, ə mą́ą́ mɛ̨nį hu kpɛɛ, yɛ mą́ą́kɔ̨nwɔ̨, ə nwɔ́ tɛ̨ą kulɔ pɔ̨nɔ̨ŋą, a gúlɔi a mo ə́ yee ɲąi.»

Samuɛlə dɔlɔɔ 30:4

Davidə da nwɔ nuąi di pola a wɔlɔ, diɛ tomą, di lɛɛ wɔlɔi, ə lɛɛ ɉu hvaŋą ə kpɛɛ di yəi.