Zɛnɛse 20:1 - Yálá laawoo hɛɓɛ (dc)

¹ Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Yálá laawoo hɛɓɛ

¹ Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Bible

¹ Eberaɣɛ̃ɛ è kùla naa é lí Keena lɔii kwára pere é sée Kedɛ da Suu díloai. È kɛ̀ nɔ́ Gera lɔii su a ŋɔ̃ya.

Zɛnɛse 20:1 ပူးပေါင်းရင်းမြစ်များ

Zɛnɛse 10:19

Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Zɛnɛse 12:9

Yili pulu, Abramə ə kɛi tɛɛ ɲɛa kɔ́ɔɠaa hu, yɛ li Negɛvə pələ.

Zɛnɛse 13:1

Abramə ə həɠə Eziptə lɔi hu, yaa, da nɛ̨ą, da di yəi hɛnŋąą kəlee, di pənə di pa Negɛvə lɔi hu Lɔtə yɛ ɓo di pɔ.

Zɛnɛse 14:7

Yili pulu, di pənə di pa Ein-Mispatə, naa takpɛli ɓaa: Kadɛsə. Di Amalɛkə nuą pɔɔli kala, di Amɔrə nuą kɛlɛ, diɛi di kaa heeni kɛ Hasasɔn-Tamarə lɔi hu.

Zɛnɛse 16:1

Abramə nɛ̨ą Sarai hvo kɛ lon gaa li, kɛlaa, Eziptə lɔi hu nɛ̨ɛ̨nu ta, yai naa ɓaa: Hagarə, ə kɛ a Sarai nwɔ luwɔ-nɛ̨ą;

Zɛnɛse 16:14

Yili ɓə gɛ, ɲálowai ŋɛ̨i gaa Kadɛsə da Bɛrɛdə di lɔwai, da kɛ naa ɓaa: Lahai Roi nwɔ yálɔwa.

Zɛnɛse 16:7

Yai-Laa nwɔ malaka ə nɛ̨ɛ̨nui tii kaa Surə pələ kwɛlɛ, yá ton da ɓa,

Zɛnɛse 18:1

Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Zɛnɛse 21:34

Abrahamə ə lamun kpɔ woloɓo Filisti lɔi hu.

Zɛnɛse 24:62

Hvóló tooi lɔwai, Isaakə aa kɛ həɠə Lahai-Roi ɲálɔwa la. Ə kɛ heeni Negɛvə lɔi hu.

Zɛnɛse 25:18

Ismaɛlə lonni di kɛ heeni Hawila da Surə di lɔwai, nąą lɛɠɛɛ Eziptə ɓa, Asurə tənən ma. Ismaɛlə lonnii mąą kwɛa kɛ gaayɔwɔ Isaakə lonnii diɛ.

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Zɛnɛse 26:20

Gerarə daai ɓɛlaa mɛ̨i kaa nuą, di hvaa tee Isaakə nwɛiɠaa diɛ, diɛ kɛ yiliɠaai diɛ: «Ɲai ŋɛ̨i kaa a ku wɔɔ.» Yili ɓə gɛ, Isaakə ə nąą laa hee a: Esɛkə, mukulaa ɓaa: «hvaa». Mąąhɔlɔɓo, di hvaa tee laa diɛ.

Zɛnɛse 26:26

Nąąlɔwai, Abimelɛkə ə həɠə Gerarə, yaa, mɛlan Ahuzatə da nwɔ kɔlaɠa nwun nąmu Pikɔlə, di pa Isaakə pɔ.

Zɛnɛse 26:6

Yili ɓə gɛ Isaakə yɛ hee Gerarə daai.

Mąątɛ̨nɛ̨ 29:8

Yai-Laa woo a lɔi pun ɉu kpɛlin, Yai-Laa woo a Kadɛsə lɔi pun ɉu kpɛlin.

Lɛɛ gbɔwɔ ɓa 15:22

Moisə ə mo Israɛlə lonnii diɛ, di həɠə veegbɔ̨nɔ̨ gboloyá kwɛlɛ, diɛ li Surə nɔi pun ɉu pələ. Di hvóló haaɓa hiɛ kɛ nɔi pun ɉu, di hvo yá kaa.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Dutɛrɔnome 1:19

Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Dutɛrɔnome 32:51

Mąąhɔlɔɓo, ka kulɔ nwóó mu Israɛlə lonnii ɲɛ̨i ɓa; Meriba ya mąą mɛ̨nį hu, yii gaa Kadɛsə Sin nɔi pun ɉu. Ka hvə kɛ mą́ą́həɠə mɛ̨nį kɔ́lɔn ni Israɛlə lonnii ɲɛ̨i ɓa.

Samuɛlə dɔlɔɔ 15:7

Saulə ə Amalɛkə nuą kɛlɛ, ə həɠə Hawila daai, ə həli la Surə daai Eziptə lɔi voló həɠəi pələ.