Zɛnɛse 19:9 - Yálá laawoo hɛɓɛ (dc)

⁹ Nuąi tii diɛ Lɔtə ɓa: «Həɠə tai laa tɔɔni! Nwɛ̨ą ə həɠə ləi, yɛ kɛ ə tɔ́n ɉee ku mɛ̨i ku pɔ lɔi ɓɛ, yili hva pɛli tii. Mɛ̨nį ku kɛi pa gɛi a nuąi ŋɛ̨i, ku kaa gee mɛ̨i hveelɛ kɛi a yɛ́.» Sodomə nuą di Lɔtə pili a huwalawala, di yili kɛa gbon mą, diɛ kɛ di naa yali.

Yálá laawoo hɛɓɛ

⁹ Nuąi tii diɛ Lɔtə ɓa: «Həɠə tai laa tɔɔni! Nwɛ̨ą ə həɠə ləi, yɛ kɛ ə tɔ́n ɉee ku mɛ̨i ku pɔ lɔi ɓɛ, yili hva pɛli tii. Mɛ̨nį ku kɛi pa gɛi a nuąi ŋɛ̨i, ku kaa gee mɛ̨i hveelɛ kɛi a yɛ́.» Sodomə nuą di Lɔtə pili a huwalawala, di yili kɛa gbon mą, diɛ kɛ di naa yali.

Bible

⁹ Kɛ́lɛ dí mò dîyɛɛi, “Síɣe ƃɛ́.” Díyɛɛi, “Nalôŋ ŋí káa a ŋɔ̃ya, ǹyaŋ a ŋ̀wɛ̂lii é kúmɛni ŋá tée. Kwa pâi tûa nyɔ́mɔɔ kɛ̂i a yá é tɛ́ɛ dîa.” Nya ƃe dí nâa kpɔ̀ŋ La ma duãŋ, dí lí a gɛɛ dí gbôŋ wólo.

Zɛnɛse 19:9 ပူးပေါင်းရင်းမြစ်များ

Zɛnɛse 11:6

Yai-Laa yɛ diɛ: «Nuą kəlee daa kɛ tɔ̨nɔ̨, di lawoo yɛ ɓo tɔ̨nɔ̨, diɛ hį́i woo tɔ̨nɔ̨ ɓo. Akɛ daa góló ɲɔ̨nwɔ̨mąn ŋɛ̨i kɔ́wɔ tɔɔ, hɛn da hva pɛli di yee pɔɔ hukalai, yii lɔpee da di yee too ɉu, gaa pai pɛlii.

Zɛnɛse 13:12

Abramə ə lɛɛ Kanaan lɔi hu. Lɔtə ə li ə nwɔ taai pu Sodomə taa kwɛlɛ, Ɉurdɛn ya kwɛlɛ.

Lɛɛ gbɔwɔ ɓa 2:14

Yili yɛ Moisə ɓa: «Gbɛɛ ɓə ə́ kɛ a ku lɔwai mɛ̨nįɠaa hutɔɔmun? Gaa ə́ kwəi bələi ti wɛi ə́ Eziptə mun ti paa la, ə́ kaa pai báái ti?» Yii kɛa Moisə ə gaa yɛ nuą kili aa pu mɛ̨nįi ti hu, ə ɲɔw.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 17:12

Kwɛ́li-háái daa nonnii kulɔ ɲəi, da nu di kwiɛn ŋąą hviɛlaɓoɔi, ka ɓowomun ka kwiɛn, nwɔ ɓowoi a gulɔ.

Hanwon 27:3

Kwɛni wiaai, ɲɛ̨ąkɔw wiaai, Kɛlaa, ɓowomun nwɔ líiholi mu wiaai gəlee ɓa.

Ikilisiati 10:13

Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą;

Ikilisiati 9:3

Mɛ̨nį ɲąąnwąnąąi gaa lɔi mɛ̨i, ya ɓaa: hɛn gəlee ŋąąkpɛɛi kɛ mɛ̨nį tanɔ̨n. Nuąi da di kpɔwɔ lɔ mɛ̨nį ɲɔ̨n gɛɛ hu, ɛlɛɛ, di liiɓa yɛ ɓo a kilikpɛɛgwəi túwɔ́ ɓoɔ, yii lɔ a lɛɛ nąą pulu, ya lɔ ɓaa a haa.

Azaya 65:5

Diɛ kɛ diɛ: «Ə́ kili kɛ ə́ kpɔwɔ hu, hvo lɛɠɛ mą́ą́, və́ nəi pa ə́ kɛ a mąąhəɠəmun.» Dúwɔ taaleei tii a níí holi, nulu yɛ tɛ ɲɛ̨́i, ə ɓo yɛ nwɔ̨n a túwɔ́ lən ɉii.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Maafîu 7:6

«Ka hvo hɛn mąąhəɠɛɛ tɛɛ yilɛɠaa pɔ, ə gɛ, di hvo pa tinɛ̨n di hvo wolo kaa. Ka hvo ka wɔ hɛniɠaai pu ɓoiɠaa kɔ́wɔ mu, ə gɛ, di hvo pa dan a di kɔ́wɔ, di hvo mąąliɓi.»

Samuɛlə dɔlɔɔ 17:44

Yɛ Davidə ɓa: «'Pa ɓɛ! Ŋą́ ə́ huwɔ tɛɛ yələi nwɛ̨niɠaa da lɔwɔ huwɔɠaa di pɔ.»

Samuɛlə dɔlɔɔ 2:16

Mąą nu a kɛ mą: «Tɔɔ nii di ɉuwɔ wulɔ kələn, yili pulu yii lɔpee ya kɛ bɔ ə ɉəɠə», ə kɛi kɛ mą: «Kpaa, yiihu ɓə mąąnɛ̨ɛ̨ ə dɛɛ la, a wala kɛ tii, ŋą́ ɉəɠə a wea.»

Samuɛlə dɔlɔɔ 25:17

Mɛ̨nį a kɛ tii, hvo kɛli ə́ gɛ pələ kwɛli mą, yii yá pɛli gɛi, ə́ gɛ. Mąąhɔlɔɓo, ku ną́mu da nwɔ pɛlɛ́i kəlee di nwun na pili mɛ̨nį hvo pai ɉəɠəi mą. Nwɛi tii nwɛi, nu kpoloon ni, nu hva pɛli mɛ̨nį ɓoi mą.»