Zɛnɛse 19:38 - Yálá laawoo hɛɓɛ (dc)

³⁸ Nokolo laamun yaa kpɛli ə naayɛɛ a hulɔnu, ə naa hee a Bɛn-Ami. Bɛn-Ami ɓə kɛ a Amɔn lɔi hu nuą di kalaɓɔlɔ.

Yálá laawoo hɛɓɛ

³⁸ Nokolo laamun yaa kpɛli ə naayɛɛ a hulɔnu, ə naa hee a Bɛn-Ami. Bɛn-Ami ɓə kɛ a Amɔn lɔi hu nuą di kalaɓɔlɔ.

Bible

³⁸ Nèɣe-ɣelei è lóŋ surɔ̂ŋ maa sɔlɔ ƃô máŋ é ǹáa sée a Bɛnami. Ǹyaa ƃé kɛ̀ a Amɔŋ-ŋai dínâŋ é seri sâa ma.

Zɛnɛse 19:38 ပူးပေါင်းရင်းမြစ်များ

Zɛnɛse 20:1

Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Mąątɛ̨nɛ̨ 83:9

Ə mą kɛ, Asiri nuą, aa too di pɔ, yɛ kpɔnmąą tɛɛ Lɔtə lonnii pɔ.

Azaya 11:14

Ɛfraimə huwu da Ɉuda huwu, da pɛlɛ di kee ɓa di yee lɔɔ geei, di hee Filisti nuą pumún ŋą, di too voló həɠəi pələ nuą mɛ̨i, diɛi a: Edɔmə nuą da Moabə nuą, ɛlɛɛ, di hee Amɔn nuą mɛ̨i.

Sofoni 2:8

Yai-Laa yɛ diɛ: Nalan Moabə ə bili, aa too nwə́lii. Ɛlɛɛ, nwoo ɲɔ̨n Amɔn lonnii di ɉaa nwɔ nu huwui ɓa, a nalan di bili aa nwąną mąą; a lɔi di mo Israɛlə nwɔ lɔi hu.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Dutɛrɔnome 2:19

Ə́ həli hiɛ li Amɔn lonnii di wɔ lɔi hu. Hvó kɔ́ pɛlɛ diɛ, hvó hvaa kwɛli diɛ. Mąąhɔlɔɓo, Amɔn lonnii di wɔ lɔi hu, və́ pai hɛn da tɛɛi ə́ pɔ nąą. Lɔtə lonnii ɓə ŋį́ nɔi tii tɛɛ di pɔ a di hee lɔi.»

Dutɛrɔnome 2:9

Yai-Laa yɛ guɔ: «Ka hvo kɔ́ pɛlɛ Moabə ɓa, ka hvo hvaa tee mą, və́ nwɔ lɔi hu hɛn da tɛɛ li ka pɔ a ka wɔɔ. Mąąhɔlɔɓo, Lɔtə lonnii ɓə ŋį́ Arə lɔi tɛɛ di pɔ a di kwɛlin.

Dutɛrɔnome 23:3

Wɛlilon va lɔ Yai-Laa nwɔ haláá ɲąąkpɔn ɉu, ə mą kɛ, mąnįn bulu mąnįnŋąą daa kɛ pow, di hva lɔ Yai-Laa nwɔ haláá ɲąąkpɔn ɉu.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.