Zɛnɛse 19:2 - Yálá laawoo hɛɓɛ (dc)

² Yɛ diɛ: «Nwɔ́ mɛ̨nį nąmįną, gáá nɛ̨ɛ̨mąą hvəi kaa, gɛ́ ka hvaa mą, ka gwə li ɲə́i bɛlɛ́ laaləi, ka ka kɔ́wɔ mąą waa, ka yii laa. Tínąą yələ wala, kaa kɛa li ɓɛi ka káá lii laa.» Nuąi tii diɛ mą: «Kpaa! Ku kaa lii yii gwəli hąąi kɛnɛ̨ ɓa.»

Yálá laawoo hɛɓɛ

² Yɛ diɛ: «Nwɔ́ mɛ̨nį nąmįną, gáá nɛ̨ɛ̨mąą hvəi kaa, gɛ́ ka hvaa mą, ka gwə li ɲə́i bɛlɛ́ laaləi, ka ka kɔ́wɔ mąą waa, ka yii laa. Tínąą yələ wala, kaa kɛa li ɓɛi ka káá lii laa.» Nuąi tii diɛ mą: «Kpaa! Ku kaa lii yii gwəli hąąi kɛnɛ̨ ɓa.»

Bible

² ǹyɛɛi, “Núu-namela, ŋa kákpera fêi ká pá káyee mu-nuui ŋɔpɛ́rɛi mu ká kákɔɔ maa wáa, ká nyii naa. Ka pâi tínaa liî a ɣele-wala pɛpɛ.” Dí mò ma dîyɛɛi, “Kpao! Kwa pâi nyii berei mâ.”

Zɛnɛse 19:2 ပူးပေါင်းရင်းမြစ်များ

Zɛnɛse 18:4

Di pa a yá, ka ka kɔ́wɔ mąąwaa ka hee nwulu nįnįn mu, ka ka hvii tɔɔ.

Zɛnɛse 19:1

Yələwulii pɔ lɔwai, Lɔtə ə kɛ heeni Sodomə taa ɉįi la, malaka hveelɛi tii diɛ pa.

Zɛnɛse 19:3

Kɛlaa, Lɔtə ə kanąn diɛ, ŋąąkpɛɛi, di hvaa mą, da diɛni di li ɲəi bɛlɛ́ laaləi. Lɔtə ə nɛɛ mą ə di nwɛ̨ą kɔ̨nɔ̨n gɛ, ə nwɔmi kɛ yii ləvɛin hvo kɛ ɉu, di mį́i.

Zɛnɛse 24:31

Laban yɛ mą: «Hulɔnu! Ə́ nwun na nɛ̨ɛ̨i, hvá pɛli yii ɓɛ yɛnɛ̨ɛ̨, 'pa, ə́ nwɛ̨ą pɛlɛ kaa ɓɛ. Ŋą́ą́ kɛɛnąą ta pɛli ə́ wɔ ɲɔ̨nwɔ̨mɛ̨ɛ̨ɠaai mąą mɛ̨nį ɓa.»

Zɛnɛse 43:24

yili pulu, da mɛlaa di bɛlɛ gee ɓa diɛ lɔ Ɉosɛfə yəi bɛlɛ́n. Di pa a ya di pɔ, ə gɛ, di di kɔ́wɔ mąą waa, di kala tɛɛ di wɔ hoohvalənŋąąi pɔ.

Samia Veerɛi 11:8

Yili pulu, Davidə yɛ Uri ɓa: «'Li ə́ yəi bɛlɛ́ laaləi, ə́ ə́ kɔ́wɔ mąąwaa.» Uri ə kulɔ lɔ tɔɔmun ɲəi bɛlɛ́n, di laŋąn mą a kɔ̨nɔ̨n yai kulɔ tɔɔmu ɲəi bɛlɛ́n.

Zôo 31:32

Nwɛą hvo kɛi yii yɛnɛ̨ɛ̨ bɔ́ɔ́li, Ŋą́ kɛi nwɔ́ pɛlɛ laa ɓo hiɛ kulɔ mun dɔwɔ.

Hanwon 25:17

'Hvó laŋąn ə́ heeyɔwɔ yəi bɛlɛ́ laaləi a mɔlɔ, əgɛ vįi hvo pa kpɛɛ ə́ mąą mɛ̨nį hu, ə́ wɛli hvo kpɛɛ mą.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!

Lukə 7:44

Yili pulu, Jesus ə tinɛ̨n, ə ɲɛ̨i hee nɛ̨ɛ̨nui tii ɓa, yɛ Simɔn ɓa: «Ə́ kaa nɛ̨ɛ̨nui ŋɛ̨i kaai, ŋą́ą́ pa ə́ yəi bɛlɛ́n, hvo mo li di hvo paa a ya, və́ gɔ́wɔ́ mąą waa. Kɛlaa, nɛ̨ɛ̨nui ŋɛ̨i, aa gɔ́wɔ́ mąą waa a ɲɛ̨iya, ə lɛɛ, aa gɔ́wɔ́ mąątí a nwun-nəɠa.

Ɉaan 13:5

Ə ya pu hɛn ɲąŋą ta hu, yɛ nwɔ kalan nɛai kɔ́wɔ mąąwaa, yɛ di kɔ́wɔ mąą kələ a ɉəɠəi ŋɛ̨i kɛ ɲiliɛ ɉaai.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.