Zɛnɛse 19:14 - Yálá laawoo hɛɓɛ (dc)

¹⁴ Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Yálá laawoo hɛɓɛ

¹⁴ Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Bible

¹⁴ Nya ƃe La è lì é mó zinâai dîa, nyii-ŋai kɛ̀ pâi ǹônii-nɛyãai kulâi a dínɛyâai, ǹyɛɛi, “Ka kámu síɣe ká kúla ƃɛ́, kpɛ́ni fêi, Yâwɛɛ a kɛ́ pâi daai ŋí su karâi.” Kɛ́lɛ è kɛ̀ nɔ́ díŋɛi a pêle.

Zɛnɛse 19:14 ပူးပေါင်းရင်းမြစ်များ

Zɛnɛse 19:15

Yələɓɔi kpinį mu, malakaɠaa di Lɔtə mąą wəleen, ə gɛ, ə kulɔ nąą daai, di kɛi kɛ mą: «Ə́ muhəɠə ɉa, ə́ nɛ̨ą da ə́ lonnii nɛ̨ąą hveelɛi ŋɛ̨i həɠə ka kulɔ ɓɛ daai, ə gɛ, ə́ nwun na hvo pa pili daa ŋɛ̨i nwɔ mɛ̨nį ɲɔ̨n ɉu.»

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Zɛnɛse 19:22

Li a gilɛ ɉa-ɉa, ə́ ə́ mąą kilɛ laa, mąąhɔlɔɓo, ya wala ni həli daai tii hu, və́ pai pɛlii mɛ̨nį ta kɛi.» Mɛ̨nįi gɛ diɛ kɛ daa lon tii laa ɓaa Soarə yaa li.

Kɔlɔnikɔ Veerɛi 30:10

Nwɛlɛɛɓo nuą di tɛɛ daaɠaa hu, Ɛfraimə lɔi hu da Manase lɔi hu, di həli kpɔ Zabulɔn. Kɛlaa, di kɛi yɛlɛ diɛ, diɛ di kaa yɛ ɓowonuą.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Lɛɛ gbɔwɔ ɓa 12:31

Mąą kpinįi ti hu, tɔɔmun ə nɛɛmą, ə Moisə da Aarɔn di təli, yɛ diɛ: «'Ka ka muhəɠə! 'Ka kulɔ nwɔ́ nuąi lɔwai, kaa ka Israɛlə lonnii. 'Ka li ka kwɛli hvilɛn Yai-Laa ɓa, yɛ bələi ka mo la.

Lɛɛ gbɔwɔ ɓa 9:21

Nuąi di hvo Yai-Laa wooi ti kaa a mɛ̨nį walawala, di di wɔ tínuą da di wɔ taatɛlɛɛɠaai lɛɛ ɲɛɛkɔwɔ hu, di hvo di nwun mąą kilɛ.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 43:1

Ɉeremi kpɛɛ kɛa a nwoo laa kulaa nuą ɲɛ̨i ɓa, a Yai-Laa di wɔ Yálái, wooɠaai ɓoɔ, a yai Yai-Laa di wɔ Yálái ə mo mą, ə gəlee laa həli.

Ɉeremi 43:2

Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Lonon mo 16:21

«Ka həɠə nuąi tii kwɛlɛ, gáá di hukalai kpɔlɔ yiihu.»

Lonon mo 16:26

Moisə ə mo nuą diɛ, yɛ diɛ: «Ka ka mąą kwɛa nu ɲɔ̨nwɔ̨ɔ̨ɠaai ŋɛ̨i di wɔ pɛlɛ́ɠaai diɛ. Ka hvə tunwɔ̨n di yəi hɛn da ɓa, ka hvo nee pa haa di wɔ nɛ̨ŋɛ̨nŋąąi mąą mɛ̨nį ɓa.»

Maafîu 1:18

Bələi di Jesus Kristə hɔlɔɓo la bələ ka. Nee Mari hilɛtai kɛɛ kɛ Ɉosɛfə ɓa, kɛlaa di hvo nii kɛ lɔ li pɛlɛn. Mari ə koo həɠə a Kili-Mąąhəɠɛɛ kɛ mɛ̨nį.

Maafîu 9:24

Jesus ə mo diɛ yɛ diɛ: «'Nu kəlee di kulɔ! Nɛ̨ɛ̨non hvo haa li, gaa yii.» Nuą tii kəlee di yɛlɛ Jesus ɓa.

Lukə 24:11

Kɛlaa, Jesus nwɔ kɛlaɠaa tii di kɛi nɛ̨ą tii woo kaa yɛ ɓowo woo, di hvo kpɛli laa di woo la.

Lukə 9:42

Yii kɛa nokoloi tii mąą ə kpuɔ Jesus ɓa, ɲįnɛ̨n ə nokoloi tii hu kpɛlin kpɔ a nwąną lɔɔ pələ. Kɛlaa, Jesus ə haŋą ɲįnɛ̨n tii ɓa a nwala-walaa, ə gbɛ nokoloi tii pulu, gɔlɔi ə pono, ə dɛɛ nąn bɔ.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.