Zɛnɛse 18:1 - Yálá laawoo hɛɓɛ (dc)

¹ Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Yálá laawoo hɛɓɛ

¹ Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Bible

¹ Nya ƃe Yâawɛ è kùla Eberaɣɛ̃ɛ ŋɛ́i tãi è kɛ̀ seeni la Mamera wuru-ŋai mu ŋɔsua kɔlɔ seɣe pɛrɛi láƃelei vóloi ŋái.

Zɛnɛse 18:1 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 17:22

Ɓɛlɔwai Yálá ə kpɛɛ la a mɛ̨nįɠaa ɓoɔ Abrahamə ɓa, da yaa di di ɓɛlaɓo.

Zɛnɛse 18:22

Nwɛ̨ąąi tii veelɛ di tɛɛ diɛ li Sodomə daai pələ, di Yai-Laa da Abrahamə di lɛɛ laa tɔɔni.

Zɛnɛse 20:1

Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Zɛnɛse 26:2

Yai-Laa ə gbɔwɔ lɛ Isaakə ɓa, yɛ mą: «Və́ kɛ li yɛ́ li Eziptə lɔi hu, kɛlaa, ɓɛi ŋį́ nąą lɛ yɛ́, li ə́ hee laa.

Zɛnɛse 35:27

Ɉakɔbə ə li nąn Isaakə pɔ Mamre yai kɛ Kiryat-Arba. Kiriatə-Arba laa ɓaa a Hebrɔn; nąą ɓə wɔlɔ Abrahamə da Isaakə di kɛ laa heeni.

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Kɔlɔnikɔ Veerɛi 1:7

Mąą kpįnįi tii hu, Yálá ə gbɔwɔ lɛ Salomɔn ɓa, yɛ mą: «Ɉɛn ə́ kaa bɔ, vɛli mą́ą́, ŋį́ dɛɛ ə́ pɔ.»

Lɛɛ gbɔwɔ ɓa 4:1

Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Hebreu 11:9

Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»