Zɛnɛse 17:7 - Yálá laawoo hɛɓɛ (dc)

⁷ Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Yálá laawoo hɛɓɛ

⁷ Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Bible

⁷ “Ŋákpanaŋ-wooi a pâi kɛ̂i kwa yá kúloai. A pâi máŋ kɛ̂i kúloai kwa ísuui nyii pâi lɛ̀ɛi ípôlui da díwɔ suui wɔlɔ-wɔlɔ da wɔlɔ-wɔlɔ. Ŋa pâi kɛ̂i a Íɣâla da ísuui nyii pâi lɛ̀ɛi ípôlui Ŋɔɣâla.

Zɛnɛse 17:7 ပူးပေါင်းရင်းမြစ်များ

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 17:13

Yili ɓa, luwɔ yii hɔlɔɓo ə́ yəi bɛlɛ́n, ə mą kɛ yii ə́ ɲa, ka gəlee hee kɛ́nɛ̨ ɓa, əgɛ, nwɔ́ mįnɛ̨i ə kɛ di kɔ́lɔ ɓa, yɛ mįnɛ̨i kpəla pələi hvo mą.

Zɛnɛse 17:19

Yálá yɛ Abrahamə ɓa: «Ɲą́ą́ ɓə kɛ yɛ́: Ə́ nɛ̨ą Sara kaa pai lon ɉulɔnu ɉɔlɔɓoi, ə́ naa hee a Isaakə. Isaakə tii ɓə nwɔ́ mįnɛ̨i laa kaa pai hon ɉii ɉuwuhu nuą diɛ a yələ kəlee mɛ̨nį.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 6:18

Kɛlaa, ə́ wɛi, gáá nwóó kwɛlɛi yɛ́: Hvó pai lɛɛi ɲánwąnąi tii hu, yɛ́-o, ə́ nɛ̨ą-o, da ə́ lon ɉinąą haaɓai, ə mą kɛ, da di nɛ̨ąni, ka lɔ gələn tii hu.

Zɛnɛse 9:16

Gbəi-mįlįįn gaa pai kɛi yələ kwəi, ŋą́ gaa, mįnɛ̨i ŋɛ̨i gaa, ɲą́ą́ kwa nɔ̨ɔ̨nɔ̨ɔ̨ ɉɛnŋaa kəlee ku lɔwai, nąą kili a too ŋą́.»

Samia Veerɛi 7:24

Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Kɔlɔnikɔ Maa-ŋuŋ 16:13

Kaai ɓaa nwɔ tínuą, Israɛlə nu huwu, kaai a Ɉakɔbə lonnii, kaai ə ka həɠə ɉu, 'ka ká kili lɛɛ Yai-Laa hu!

Kɔlɔnikɔ Maa-ŋuŋ 16:14

Ya ɓə gaa a Yai-Laa, gu wɔɔ Yálá, Ya ɓə a lɔi kəlee ɲąąwooɓomun.

Mąątɛ̨nɛ̨ 81:10

Yálá ta kpɛli hvo kɛ ə́ yəi, 'hvo kwɛli hvilɛn yálá takpɛli ɓa.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 6:4

Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Izikiɛ 28:26

Di kaa pai kɛi laa, liilaa hu, diɛ pɛlɛ́ɠaa tɔɔ, diɛ tííɠaa kɛ. Di ɓo liilaa hu, ɓɛlɔwai gáá pai di kwɛlɛ nuąi kpɔ tii da tɛɠɛɓo di hu, di kiti teei la, da gili kɔ́lɔn, diɛ kɛ, ɲą́ą́ ɓə gáá a Yai-Laa di wɔ Yálá.»

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

Levetekɔ 25:38

Ɲą́ą́ Yai-Laa ka wɔ Yálá ɲą́ą́ ɓə ka kulɔ Eziptə lɔi hu, gɛ́ Kanaan lɔi tɛɛ ka pɔ, gɛ́ pɛli gbɔ́wɔ́ lɛi la tii a ka wɔ Yálá.

Levetekɔ 26:12

Gu kaa pai kɛi gu kee ɓa; Ŋą́ ɓo a ka wɔ Yálá, kaan ka ɓo a nwɔ́ nu huwu.

Levetekɔ 26:44

Di mą kɛ di yowoɠaa di wɔ lɔi hu, və́ pai di pilii, di wɛli hvo pai kpɛɛi mą́ą́, gɛ́ di huwu pu, ɛlɛɛ mįnɛ̨i kwa diɛni ku ɉəɠə, hva ɉəɠə mą, mąąhɔlɔɓo, ɲą́ą́ Yai-Laa, di wɔ Yálá ɓaa Ɲą́ą́.

Levetekɔ 26:45

Mįnɛ̨i kwa di nąnni ku ɉəɠə, a diɛi tii ŋį́ di kulɔ Eziptə lɔi hui, nu huwu takpɛliɠaa ɲɛ̨i ɓa, gɛ́ kɛ a di wɔ Yálá; ŋą́ gíliɲą lɛlɛɛ hiɛ mįnɛ̨i tii ɓa, di mąą mɛ̨nį ɓa, ɲą́ą́ Yai-Laa.»

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Maafîu 22:32

‹Gáá ɓaa a Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.›» Jesus yɛ diɛ: «Yálá kaa a nu huluɠaa di wɔ Yálá; hvo a haaɓɛlaa di wɔ Yálá.»

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Dutɛrɔnome 29:13

Mįnɛ̨i ŋɛ̨i di kaa naa həli kaa diɛ di kwɛla la, gwa gaani lɔ hvəi gáá naai gu lɔwai;

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.