Zɛnɛse 17:1 - Yálá laawoo hɛɓɛ (dc)

¹ Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Yálá laawoo hɛɓɛ

¹ Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Bible

¹ Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítua a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Zɛnɛse 17:1 ပူးပေါင်းရင်းမြစ်များ

Zɛnɛse 12:1

Yai-Laa yɛ Abramə ɓa: «Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 16:16

Abramə kaa kwɛlan ə kɛ a kwɛlan bow mɛ̨ihaaɓa kɔ́w mɛ̨ida, ɓɛlɔwai Hagarə ə naayɛɛ la.

Zɛnɛse 18:1

Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Zɛnɛse 24:40

Ə nwóó ŋąąpənə, yɛ mą́ą́: ‹Yai-Laa ŋɛ̨i gáá tíi mą, gaa pai nwɔ malaka tɔɔi ə́ tɔwɔ, ya ɓə pai ɉiɛ nɛ̨ɛ̨i ə́ yəi, əgɛ, ə́ nɛ̨ɛ̨nu hɔlɔɓo ku huwuhu, ną́n ɲəi bɛlɛ́n, ə́ paa la a nón nɛ̨ą.

Zɛnɛse 26:2

Yai-Laa ə gbɔwɔ lɛ Isaakə ɓa, yɛ mą: «Və́ kɛ li yɛ́ li Eziptə lɔi hu, kɛlaa, ɓɛi ŋį́ nąą lɛ yɛ́, li ə́ hee laa.

Zɛnɛse 28:3

«Gɛ́ Huwalawala Kəlee Nąmu Yálá ə lúwɔ́ too yɛ́, Ə ə́ kwəi nwun, ə́ lon damąą kaa, Ə ə́ kɛ a hį́i tamąą di nąn.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Zɛnɛse 5:22

Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą.

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Zɛnɛse 6:9

Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Tɔɔɓɛlaa dɔlɔɔ 2:4

Yili pɔ pələ ɓə, mɛ̨nįi ŋɛ̨i Yai-Laa ə mo mą́ą́, naa a hon na yɛ́; yai ə kɛ mą: ‹Akɛ ə́ lonnii da di hiɛ pələ ɲɛlɛkɛ, di hiɛ ɲɛ̨́i ɓa a ɉaŋąą, a di lii kəlee, da di kpinį kəlee, a tɛ̨ą! Dɔɔkpəlin ŋɛ̨i gaa Israɛlə lɔi hu, ɉu hva lɛɛ a gboloon, nu a hɔlɔɓo ə́ huwuhu, ə hee laa.›»

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Tɔɔɓɛlaa dɔlɔɔ 8:25

Yiihu kɛa, Yai-Laa Israɛlə nwɔ Yálá, nwooi ə mo ną́n Davidə ɓa, bɔ mɛ̨nį kɛ; yai ə́ kɛ la mą: ‹Ə́ huwu hvo pai teei Israɛlə dɔɔkpəlin ɉu, akɛ da hiɛ ɲɛ̨i ɓa, yɛ bələi ə́ hiɛ la ɲɛ̨i ɓa.›

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 11:7

Gaa ə́ kwəi ə́ Yálá kwəi kili kɛnɛ̨ pələ kɔ́lɔn, yɛ́ kɛ ə́ Huwalawala Kəlee Nąmu, nwɔ kiliŋąhiɛɠaa kɔ́lɔn?

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 116:9

Gɛ́ pɛli hiɛi Yai-Laa ɲɛ̨i ɓa, yɛnɛ̨ɛ̨ nuą lɔwai.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Hanwon 10:9

Nui a hiɛ tələnmo pələ mɛ̨i, gaa nɛ̨ɛ̨ hu. Kɛlaa, nui a hiɛ a pələ kpəlaan ŋąą, a kala həɠə gbɔwɔ mɛ̨i.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Lonon mo 24:16

nui a Yálá wooɠaa mɛ̨n, nui Hɛn Gəlee mɛ̨i Mun nwɔ Kilii kaa mɛ̨i. Nui Huwalawala Kəlee Nąmu a mɛ̨nį lɛ mą, yɛ gaa hįį hu pələ, ɛlɛɛ ɲɛ̨i kɔ́w yɛ mɛ̨nį mąąkpɛɛ, nwoo ka.

Maafîu 19:26

Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Dutɛrɔnome 18:13

Mąąnɛ̨ɛ̨ ka pa kanąn Yai-Laa ka wɔ Yálái ɓa kpɔ a ka nwąnąi.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.