Zɛnɛse 16:2 - Yálá laawoo hɛɓɛ (dc)

² Sarai ə mo ɉilɛ ɓa, yɛ mą: «Ə́ ɲɛ̨i kaa mą, Yai-Laa hvo hvaa li mą və́ kɛ a lon gaa mun, yili ɓa, gbəli hu kiɛ, nuwɔ nɛ̨ɛ̨nui ŋɛ̨i, a lon ɉɔlɔɓo, a kɛ a nón. Ɉəɠə, ə́ gɛ a ə́ nɛ̨ą.» Abramə ə hva nɛ̨ą nwɔ kiliŋąhiɛ tii ɓa.

Yálá laawoo hɛɓɛ

² Sarai ə mo ɉilɛ ɓa, yɛ mą: «Ə́ ɲɛ̨i kaa mą, Yai-Laa hvo hvaa li mą və́ kɛ a lon gaa mun, yili ɓa, gbəli hu kiɛ, nuwɔ nɛ̨ɛ̨nui ŋɛ̨i, a lon ɉɔlɔɓo, a kɛ a nón. Ɉəɠə, ə́ gɛ a ə́ nɛ̨ą.» Abramə ə hva nɛ̨ą nwɔ kiliŋąhiɛ tii ɓa.

Bible

² Nya ƃe Serai è mò Eberaŋ ma ǹyɛɛi, “Gáa Yâwɛɛ fé gɛ́ ní a gɛɛ ŋá lóŋ maa sɔlɔ ƃó. Ńyee mu-nɛnii síɣe é kɛ́ íyêei. Tãi da ŋa pâi nîa-pɛlɛɛ maa sɔlɔ ƃôi zârai.” Nya ƃe Eberaŋ è ŋɔnɛnîi wóo sìɣe a tɔ̃yâ.

Zɛnɛse 16:2 ပူးပေါင်းရင်းမြစ်များ

Zɛnɛse 11:30

Lon və kɛ Sarai ɓa, ə kɛ a kpomąnɛ̨ą.

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 18:10

Nwɛ̨ąąi tii tɔ̨nɔ̨ ə mo Abrahamə ɓa yɛ mą: «Gwɛlan tii pai, ɓɛlɔwai nwɔ̨nɔ̨, gáá pənəi ŋą́ pa ɓɛ, ə́ nɛ̨ą Sara gaa pai lon ɉulɔnu hɔlɔɓoi.» Sara ə kɛ tɔɔ ni bɛlɛ́ laaləi Abrahamə pulu, ə nwooɠaai tii mɛ̨n.

Zɛnɛse 19:31

Hvóló ta, Lɔtə lon nɛ̨ɛ̨nu nu pɔlɔ laamun, ə mo nəɠə ɓa, yɛ mą: «Gu ną́n pɔlɔi, ɓɛi ŋɛ̨i gu kaa laa, hulɔnu ta hvo ɓɛ gu pɔ yii a gu həɠə a nɛ̨ą, yɛ pələi mąąnɛɛ la.

Zɛnɛse 20:18

Mąąhɔlɔɓo, Yai-Laa ə Abimelɛkə nɛ̨ą kɛ a kpomąnɛ̨ą da ɲəi bɛlɛ́n nɛ̨ąąɠaa kəlee, Abrahamə nɛ̨ą Sara mąą mɛ̨nį ɓa.

Zɛnɛse 25:21

Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə.

Zɛnɛse 3:12

Nu yɛ Yálá ɓa: «Nɛ̨ɛ̨nu ŋɛ̨i ə́ gɛ a ɉíɛ gee pulu, ya ɓə nwului tii ma ta tɛɛ bɔ́, ɲą́ą́n, ŋį́ mį́i kɛa.»

Zɛnɛse 3:17

Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.

Zɛnɛse 30:22

Nąąlɔwai, Yálá ə giliŋąhiɛ Rasɛlə ɓa, ə gwəi nwun.

Zɛnɛse 30:6

Rasɛlə ə naa hee a Dan. Mąąhɔlɔɓo, Rasɛlə yɛ mą: «Yálá aa ɲɛ̨i lɛlɛɛ hee mą́ą́, aa nwóó mɛ̨n, aa lon dɛɛ ɲą́ą́ gbɛli bɔ́.»

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Lɛɛ gbɔwɔ ɓa 21:4

Akɛ dolaa honmun a nɛ̨ɛ̨nu tɛɛ dolaa hulɔnu pɔ, a lon gaa mą, nɛ̨ɛ̨nu da nonnii da lɛɛ a dolaa honmun nwɔɔ; ɉulɔnu yaa tɔ̨nɔ̨ lɔ ɓə a li.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.