Zɛnɛse 13:8 - Yálá laawoo hɛɓɛ (dc)

⁸ Nąąlɔwai, Abramə ə mo Lɔtə ɓa, yɛ mą: «Mąą hvo nɛ̨ɛ̨li, hvaa hvo kɛ gwa yɛ́ gu lɔwai, ə mą kɛ daatɛlɛɛ mɛ̨i kaa nuą. Mąąhɔlɔɓo, gu kaa a pɛlɛ tɔ̨nɔ̨ mu nuą.

Yálá laawoo hɛɓɛ

⁸ Nąąlɔwai, Abramə ə mo Lɔtə ɓa, yɛ mą: «Mąą hvo nɛ̨ɛ̨li, hvaa hvo kɛ gwa yɛ́ gu lɔwai, ə mą kɛ daatɛlɛɛ mɛ̨i kaa nuą. Mąąhɔlɔɓo, gu kaa a pɛlɛ tɔ̨nɔ̨ mu nuą.

Bible

⁸ Nya ƃe Eberaŋ è mò La ma ǹyɛɛi, “Laa-saa fé kɛ̀ kwa yá kúloai da kútaa-tulɛ mɛi-kaa-ƃelai, kpɛ́ni fêi, kúkaa a núu tɔnɔ.

Zɛnɛse 13:8 ပူးပေါင်းရင်းမြစ်များ

Zɛnɛse 13:9

Nɔi ŋɛ̨i gu kaa ɉu, ə́ ɲɛ̨i hiɛ nąą kəlee, ɓɛi a nɛɛ yɛ́, ə́ li laa. Gu gu ɓɛlaɓo, ya kɛi tɛ, gɛ́ yɛɛ; ya kɛi yɛɛ, gɛ́ tɛ.»

Zɛnɛse 14:14

Yii kɛa Abramə ə mɛ̨n diɛ mą daa mąnįn ɉon a kɔluwɔ, Abramə ə ɲee pɔ nuą ŋąąkpɔn, hinąą nwun-ɉaaɓa nu pow kɔ́w mɛ̨ihaaɓa, diɛi kɛ ɲəi bɛlɛ́n, di hvilɛn di yowoɠaa pulu, di li kpɔ di həli Dan daai.

Zɛnɛse 45:24

Ə mo niɛni diɛ, yɛ diɛ: «'Ka hvo hvaa kɛ bələi.» Ə tee diɛ, di li.

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Lɛɛ gbɔwɔ ɓa 2:13

Bulu ɓa yələ laa ɓoɔ, ə pa, ə Hebreu hveelɛ kaa, diɛ gɔ́ a di kee. Nui ŋɛ̨i tɛ̨ą hvo kɛ bɔ, yɛ yili ɓa: «Lə mɛ̨nį ɓa, ə́ kaa ə́ kaayɔwɔ kɛlɛi?»

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Hanwon 15:18

Nui a níiholi ɉa, a hvaa too, nui ɲee a pɛli níi ɓa, a kpilɛn ŋąą yɛɛ.

Hanwon 20:3

Nui a ɲee kulɔ hvaa mɛ̨nį hu, ɲɛ̨i a pɔ̨nɔ̨. Kɛlaa, kilikpɛɛgwəi nuą líiholi laa nɛ̨ɛ̨i.

Maafîu 5:9

Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Gɛlaɠaa 7:26

Mąą yələ laa ɓoɔ, Moisə ə pənə ə pa, ə gaayɔwɔɠaa hveelɛ kaa diɛ gɔ́ a di kee, Moisə ə kɛ bɔ ə di ɲąąkwɛlɛ, ə di yee lɔ gee hu, yɛ diɛ: ‹Mɛ́laani, kɛlɛi, ka káá a nąn non danɔ̨n, lə mɛ̨nį ɓa ka káá gɔi a ka kee?›

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Filipə 2:14

'Ká hvo ká woolaa ka kɛ mɛ̨nį lɔpee ta hu, ka hvo hɛatoo.

Tɛsalonikə dɔlɔɔ 4:9

Yii hvilɛn na lee-lon naa wɛlikɛmąą ɓai, ku mą wala mąą mɛ̨nį ta ɓo káá; hvó gaai, ká keeni wɛli la kɛ mɛ̨nį, káá kpinįi káá yili mąąkwɛli Yálá yəi,

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Nwun mąąɓo 9:26

Nąąlɔwai, Evɛdə lon Gaalə, da gaayɔwɔɠaa di kɛi tɛɛ Sisɛmə pələ, Sisɛmə kalanɉonŋaa di di kilitɔɔ mą.