Zɛnɛse 13:13 - Yálá laawoo hɛɓɛ (dc)

¹³ Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Yálá laawoo hɛɓɛ

¹³ Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Bible

¹³ Ǹyaŋ Sodɔŋ-ƃelai dí kɛ̀ a ŋwana-lɔɔ-ƃela. Dí ƃò ŋɔnɔ a sɔnyɔ̂ŋ-ƃela Yâwɛɛ ŋɛ́i.

Zɛnɛse 13:13 ပူးပေါင်းရင်းမြစ်များ

Zɛnɛse 10:9

Nɛmrodə ə kɛ a huwɔ kpɛmun gɛnɛ̨ Yai-Laa ɲɛ̨i ɓa. Yili ɓə gɛ, nuą da kɛ kɛi mą: «Ə kɛ a huwɔ kpɛmun gɛnɛ̨ Yai-Laa ɲɛ̨i ɓa yɛ Nemrɔdə.»

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Zɛnɛse 19:13

Ku kaa pai ɓɛ nɔi kələn ɉi, mąąhɔlɔɓo, nɔi ŋɛ̨i hu nuą kɛ nɛ̨ŋɛ̨n gun aa həli Yai-Laa ɓa, ə ku tɔɔ, ə gɛ, ku ɓɛ kələn.»

Zɛnɛse 38:7

Ɉuda lon Ɛrə túwɔ́ pələ wɛli hvo kpɔ kɛ Yai-Laa ɓa. Yai-Laa ə baa.

Zɛnɛse 39:9

Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Zɛnɛse 6:11

Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔɔ mɛ̨nį lɔ ɓə kɛ lɔi mɛ̨i nąą kəlee.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Maafîu 9:10

Di kɛɛ Matie yəi bɛlɛ́n, kɔ̨nɔ̨n mį́į́ kɛi lɔwai, Jesus da nwɔ kalan nɛai, ə mą kɛ, nįįhɔ̨nwɔ̨ kulɔ nuą, da túwɔ́ pələ ɲɔ̨n gɛ nuą di hee taɓali ɓa diɛ kɔ̨nɔ̨n mį́į́.

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Ɉaan 9:24

Ɉulɔnui tii kɛ ɲɛ̨ipuɔ, Farisiɛ̨ɠaa di pənə nwɔ̨nɔ̨ di də li, diɛ mą: «Yálá mąąwiɛ. Mąąhɔlɔɓo, ku wɛi ku gɔlɔn kuɔ gaa a nɛ̨ŋɛ̨n ɉəɠəmun.»

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Lomaŋ 1:27

Bələ lɔ ɓə ɉinąą diɛ kpɛli da gɛ la, da di nɛ̨ąni lɛɛ laa nɛ̨ąwɛli yɛ di kələn yɛ nwɔ̨n; diɛ laa a di kee ni. Tɔlɔi bɛliɛ di túwɔ́ pələi ti ɓa, ya ɓə da ɉɔlɔɓo.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.