Zɛnɛse 12:7 - Yálá laawoo hɛɓɛ (dc)

⁷ Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Yálá laawoo hɛɓɛ

⁷ Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Bible

⁷ Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i.

Zɛnɛse 12:7 ပူးပေါင်းရင်းမြစ်များ

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 13:17

Li, ə́ hiɛ nɔi nąą kəlee, ə tɛ la, ə́ yɛɛ la, mąąhɔlɔɓo, yɛ́ ɓə gáá pai nɔi tii tɛɛi ə́ pɔ.»

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 13:4

Gɛɛnąąi tii ɓə ta ə haláá kulɔi pɛli laa, yɛ kɛ Yálá laa ɓaa: Yai-Laa.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 17:3

Abramə ə nɛɛmą, ə pɛlɛ nɔi ɓa, Yálá yɛ mą:

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 18:1

Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Zɛnɛse 22:9

Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 26:25

Isaakə ə haláá kulɔi pɛli laa, ə Yai-Laa hvɛli a naa. Ə taa pu laa. Nwɔ luwɔɠaai di yálɔwa tee laa.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 32:30

Ɉakɔbə yɛ mą: «Ə́ laa ɓaa a gbɛɛ?» Yili yɛ mą: «Lə mɛ̨nį ɓa ə́ kaa mą́ą́ninkɛi?» Ə lɛɛ laa, ə lúwɔ́ too Ɉakɔbə ɓa.

Zɛnɛse 33:20

Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.

Zɛnɛse 35:12

Nɔi ŋɛ̨i ŋį́ dɛɛ Abrahamə pɔ, ŋį́ dɛɛ Isaakə pɔ, gáá dɛɛ ə́ pɔ. A tinąą kɛ a ə́ huwu nwɔɔ.»

Zɛnɛse 35:7

Ɉakɔbə ə haláá kulɔi pɛli laa, ə naa hee a: Ɛlə-Betɛlə, mąąhɔlɔɓo, nąą ɓə Yálá ə gbɔwɔ lɛ laa mą, ɓɛlɔwai ə kɛi pu la niɛ tɔwɔ.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Samia Veerɛi 24:25

Davidə ə haláá kulɔi pɛli laa Yai-Laa ɓa. Haláá hɛn da gəlee kələn, da pɔnaa kulɔ haláá, ə gəlee kulɔ laa Yai-Laa ɓa. Yai-Laa ə ɲɛ̨i lɛlɛɛ hee nɔi nuą diɛ, ə ɲɔ̨n ɲɔ̨nwɔ̨ɔ̨ tii mąą kwɛa Israɛlə nuą diɛ.

Tɔɔɓɛlaa dɔlɔɔ 18:32

Eli ə gwɛniɠaai tii pɛli a haláá kulɔi, Yai-Laa laa ɓa. Yili pulu, di lɔwa tee, di ɉaláá kulɔi mąątinɛ̨n a téa kwələ ɲąą hveelɛ pui yá hu.

Kɔlɔnikɔ Maa-ŋuŋ 16:16

Mįnɛ̨i da Abrahamə di ɉəɠə, yaai ə mɛ̨i lɔ Isaakə ɓa;

Kɔlɔnikɔ Maa-ŋuŋ 16:18

Ɓɛlɔwai ə kɛ la mą: «Gáá Kanaan lɔi tɛɛi ə́ pɔ, ka hɔlɔɓo hɛn ni!»

Kɔlɔnikɔ Veerɛi 20:11

Mąą nuąi ka ŋɛ̨i pai, mɛ̨inɛ̨ɛ̨i ku gɛ diɛ, ku hvɛla kulɔ a kɔ́, gɛɛnąą ŋɛ̨i ə dɛɛ ku pɔ, a ku wɔɔ, diɛ di gulɔ ku yəi!

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Lɛɛ gbɔwɔ ɓa 17:15

Moisə ə haláá kulɔi ta pɛli, ə nąą la hee a: «Yai-Laa nwɔ́ kɔ́kuláá.»

Lɛɛ gbɔwɔ ɓa 24:4

Moisə ə Yai-Laa wooɠaa kəlee pɛ̨ɛ̨, ə muhəɠə yələwala pinɛ̨ɛ̨, ə haláá kulɔi pɛli Yai-Laa ɓa, a kwɛni pow kɔ́w hveelɛ, ə di tɔɔ a Israɛlə lonnii pow kɔ́w hveelɛi laa.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Lɛɛ gbɔwɔ ɓa 6:4

Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Lonon mo 26:53

«Nuąi ŋɛ̨i ɓə nɔi ɲąą kaa pai kwɛlɛi di lɔwai, ə kɛ a di kwɛlin. Yɛ pɛli di tamą pələ ɓa.

Lonon mo 32:11

‹Nuąi kpɔ tii kulɔ Eziptə lɔi hu a kwɛlan bow hveelɛ da bulu, nɔi ŋį́ naakwɛlanmo Abrahamə, Isaakə da Ɉakɔbə ni diɛ, di hvo pai gaai; hvo gaai di kaa tɔɔi tai tai di hvilɛn mɛ̨nį ɓa búlu.›

Gɛlaɠaa 7:5

Yálá hvo kpɛli nɔi hu hɛn ta dɛɛ bɔ, ə ma kpɛli kɛ gɔwɔ hvilɛn tɔ̨nɔ̨. Kɛlaa, Yálá ə naakwɛlan mo mą yɛ mą, gaa nɔi ŋɛ̨i tɛɛi bɔ, yaa da ɉuwu, bələi mąn lon və ni kɛ la mą.

Lomaŋ 9:8

Yili mukulaa ɓaa: Lonŋąai da hɔlɔɓo lɔ a kɔ́lɔ liiɓa, diɛ hvəə a Yálá lonni, hvə kɛi yiiɠaai da hɔlɔɓo yɛ bələi Yálá ə naakwɛlanmo la, diɛ ɓə a Yálá lonni leeleeɠaa.

Galatə 3:16

Akɛ yili kaa tii, Abrahamə ɓə di mɛ̨nį laakwɛlanmo mą, ɛlɛɛ, da gwəi lon, hvo kɛli mą: da gwəi lonnii, yɛ a kɛ a nu kpulu mɛ̨nį; kɛlaa, gwəi lon mə, yili ka tii, a Kristə.

Galatə 4:28

Káá kpɛlimąn, ną́n nonnii, ká káá a lonŋaai, di naakwɛlanmo, yɛ bələi Isaakə kaa la.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Dutɛrɔnome 6:10

Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Zasua 22:10

Di həli Gelilotə, Ɉurdɛn yá kwɛlɛ Kanaan lɔi hu; Rubɛn lonnii, Gadə lonnii da Manase huwu bələ tɔ̨nɔ̨i tii, di haláá kulɔi ta pɛli a kwɛni Ɉurdɛn yá kwɛlɛ, a haláá kulɔi kɛnɛ̨, mąąhəɠɛɛ kpɔ a neelee.

Zasua 8:30

Ɉosue ə Yai-Laa Israɛlə nwɔ Yálá nwɔ haláá kulɔi tɔɔ Ebalə yee nwuɔ̨.

Nwun mąąɓo 6:24

Zedeɔn ə nɛɛ mą, ə haláá kulɔi pɛli laa Yai-Laa ɓa, ə ɉaláá kulɔi tii laa hee, a: «Yai-Laa kaa a Líilaa.» Haa ɓaa haa, gɛɛnąąi tii kaa Ofra daai yai a Aviɛzɛrə nu huwu nwɔɔ.

Samuɛlə dɔlɔɔ 7:17

Yili pulu, ə kɛi pənə yɛ pa Rama, naa ɓə ɉeɛ ə kɛ laa, naa ɓə ə kɛi Israɛlə ɲąąwooɓo laa, ə haláá kulɔi pɛli laa Yai-Laa ɓa.