Zɛnɛse 12:3 - Yálá laawoo hɛɓɛ (dc)

³ Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Yálá laawoo hɛɓɛ

³ Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Bible

³ Ŋa pâi lûwa lâai diai dîa da lûwa làa yâi, ŋa diai náɣaŋ da ínàɣaŋ. Kpɛ́ni fêi, ǹɔii kélee a pâi lûwa sɔlɔ ƃôi ísârai.”

Zɛnɛse 12:3 ပူးပေါင်းရင်းမြစ်များ

Zɛnɛse 18:18

Abrahamə kaa pai kɛi a nu kpulu huwalawalaa tamąą di nąn, Abrahamə pɔ pələ ɓə gáá pai lúwɔ́ tooi la lɔi mɛ̨i hį́iɠaa kəlee diɛ.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 25:11

Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.

Zɛnɛse 26:29

Ə́ kwɛla, yɛ́ hvó pai mɛ̨nį ɲɔ̨n gɛi a kuɔ. Kuɔ kpɛli ku hvo pai mɔ̨nɔ̨ laai yɛ́. Mąąhɔlɔɓo, ku hvo kɛ mɔ̨nɔ̨ lɔ li ə́ pɔ; ku ə́ hon nɔ a ɓɛlɛlaa ə́ həɠə ku pɔɔli liilaa hu. Ə́ kaa a Yai-Laa nwɔ lúwɔ́ lon.»

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Zɛnɛse 30:27

Laban ə nwoo ŋąąpənə, yɛ mą: «Ɉakɔbə, ə́ wəli tɔɔ kpɔ a nɛlɛɛ, nwɔ́ haliɠaai daa nɛ mą́ą́, diɛ: Yálá hvulu aa lúwɔ́ too ɲə́i hɛnŋąą diɛ, ə́ mąą mɛ̨nį ɓa.»

Zɛnɛse 30:30

Gɛɛ kɛ və́ pa, gbulu hu hvo kɛ kɛnɛ̨ li. Yii hu kɛa, ɉu aa kɛnɛ̨, Yai-Laa aa lúwɔ́ too yɛ́, mąąhɔlɔɓo, gáá ə́ yəi bɛlɛ́n. Yili ɓa, mąąnɛ̨ɛ̨ kɛa ɲą́ą́ gbɛli ŋį́ li ŋį́ kóló kɛ nwɔ́ pɛ́lɛ́i ɓa.»

Zɛnɛse 39:5

Ə həɠə kɛa nąąlɔwai ɓa, Ɉosɛfə mąą mɛ̨nį ɓa, Yai-Laa ə Potifarə yəi bɛlɛ́n da ɲəi ɲɛa hɛnŋąą kəlee ŋąą nɛ̨ɛ̨.

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Galatə 3:16

Akɛ yili kaa tii, Abrahamə ɓə di mɛ̨nį laakwɛlanmo mą, ɛlɛɛ, da gwəi lon, hvo kɛli mą: da gwəi lonnii, yɛ a kɛ a nu kpulu mɛ̨nį; kɛlaa, gwəi lon mə, yili ka tii, a Kristə.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.