Zɛnɛse 12:10 - Yálá laawoo hɛɓɛ (dc)

¹⁰ Pulu kɛnɛ̨ ə too nɔi tii hu, bului tii kpɔlu pələ, Abramə ə həɠə yɛ li Eziptə lɔi hu, bulu mąą kilɛi.

Yálá laawoo hɛɓɛ

¹⁰ Pulu kɛnɛ̨ ə too nɔi tii hu, bului tii kpɔlu pələ, Abramə ə həɠə yɛ li Eziptə lɔi hu, bulu mąą kilɛi.

Bible

¹⁰ Ǹyaŋ puru kɛ́tɛ è tòo ǹɔii tí su. Nya ƃe Eberaŋ è lì Ize a gɛɛ é lɛ́ɛ naa burii é kpɛ́ɛ. Kpɛ́ni fêi, burii è kɛ̀ a ŋánaa ǹɔii su.

Zɛnɛse 12:10 ပူးပေါင်းရင်းမြစ်များ

Zɛnɛse 41:56

Bului tii ə kpɔlu lɔi kəlee hu. Ɉosɛfə ə mo, di gɔ̨nɔ̨n gələɠaai tii kəlee laa ɓo, ə gɛ, diɛ nɔwɔtɔɔ Eziptə nuą diɛ. Bulu ta lɔ ɓə kɛi laa mɛ̨i Eziptə lɔi hu.

Zɛnɛse 41:57

Nuą di kɛi həɠə lɔi takpɛliɠaa hu, diɛ pa diɛ kɔ̨nɔ̨n ɲa Ɉosɛfə yəi Eziptə lɔi hu, mąąhɔlɔɓo, bului tii ə kpɔlu lɔi mɛ̨i kɔ́lɔ kəlee.

Zɛnɛse 42:5

Israɛlə lonnii da nu takpɛliɠaa di bələ kpɔn, diɛ li kɔ̨nɔ̨n ɲai Eziptə lɔi hu, mąąhɔlɔɓo, bului tii ə too Kanaan lɔi hu nąą kəlee.

Zɛnɛse 43:1

Bulu ə kɛi lɔ walawala Kanaan nuą mɛ̨i.

Zɛnɛse 47:13

Bulu kpɔlu pələ, kɔ̨nɔ̨n və kɛa kɛ Eziptə lɔi hu, ə mą kɛ, Kanaan lɔi hu. Eziptə nuą da Kanaan nuą di kɛi kpala a pulu.

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Tɔɔɓɛlaa veelɛ 4:38

Elise ə li Gilgalə ɓɛlɔwai pulu toɔ kɛ la nɔi. Yɛ bələi Yálá kwəi mɛ̨nį hukulɔ nuą di wɔ kalan nɛa di kɛ la laa, di kɛ heeni Elise lííla, Elise ə mo nwɔ tímun mą, yɛ mą: «Nəɠi kɛnɛ̨i tii hee nwɔ̨n ɲą, ə́ kɔ̨nɔ̨n ɲili Yálá kwəi mɛ̨nį hukulɔ nuą di wɔ kalan nɛai mąą mɛ̨nį ɓa.

Tɔɔɓɛlaa veelɛ 6:25

Daa mąątínɛ̨n di mo a kɔ́, yili ə gɛ, pulu kɛnɛ̨ kpɔ ə too Samari, yili ə kpɔlu daa nuą la, diɛ hoohvaalən nwunganin dɔ̨nɔ̨ ya a wali kwələ pow mɛ̨ihaaɓa, kɔ̨nɔ̨n gəgən ɉu hveelɛ ə ɓo a wali kwələ lɔɔli.

Mąątɛ̨nɛ̨ 105:13

Di kɛi tɛɛ, da həɠə nɔi yiihu, di li yiihu, da kulɔ tɔɔlaa yiihu, di li dakpɛli hu.

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Ɉeremi 14:1

Ɓɛlɔwai voló kɛnɛ̨ ə too la, Yai-Laa ə pələ ɓo Ɉeremi ɓa.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 7:11

Ya ɓə, pulu kɛnɛ̨ ə too Eziptə lɔi hu da Kanaan lɔi hu. Bulu kpɔlu pələ, gu kalaɓɔlɔni di hvo kɛi kɔ̨nɔ̨n ɉɔlɔɓo.

Rutə 1:1

Ɓɛlɔwai gulaaɠaa di kɛi tɔɔ la Israɛlə lonnii ɲɛ̨i tɔwɔ, nąąlɔwai, pulu kɛnɛ̨ ə too Israɛlə lɔi hu. Ɉuda taa logolo ta ə kɛ laa diɛ kɛ mą: Bɛtleɛmə, hulɔnu ta ə həɠə daai tii hu, yaa, nɛ̨ą da non ɉinąą hveelɛ; di li Moabə lɔi hu, ɓɛi hihɛn a lɛlɛ laa, di hee ɲɛɛ kɔ́wɔ ta hu.