Zɛnɛse 11:4 - Yálá laawoo hɛɓɛ (dc)

⁴ Yili pulu, di mo di kee ɓa diɛ mą: «Ka gu taa tɔ̨nɔ̨ tɔɔ a pɛlɛ, yɛ həli yələkɔlɔn ma, ə gɛ, gu laa ə kɛ mą, ɛlɛɛ, ə gɛ, gu hvo pa taɠa taɠa lɔi mɛ̨i nąą kəlee.»

Yálá laawoo hɛɓɛ

⁴ Yili pulu, di mo di kee ɓa diɛ mą: «Ka gu taa tɔ̨nɔ̨ tɔɔ a pɛlɛ, yɛ həli yələkɔlɔn ma, ə gɛ, gu laa ə kɛ mą, ɛlɛɛ, ə gɛ, gu hvo pa taɠa taɠa lɔi mɛ̨i nąą kəlee.»

Bible

⁴ Dí mò díkîe-ni dîa dîyɛɛi, “Kwaa kú taa tɔ́ kúkpîŋ mɛni mà, kú pɛ́rɛ kɛ́tɛ tɔ́ɔ dôŋ é seri ŋ̀ele-kɔlɔŋ ma, kúlaa é kɛ́ ma a gɛɛ kúfe kɛ̀ nɔ́ a kútaa-taa ǹɔii su gwaa kélee.”

Zɛnɛse 11:4 ပူးပေါင်းရင်းမြစ်များ

Zɛnɛse 6:4

Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Samia Veerɛi 8:13

Davidə laa ə tɛ, ɓɛlɔwai ə pənə la yɛ pa, ɲee a tɛɛ Aramə nuą diɛ; diɛi kɛ a gboloyá kwɛlɛ lɔi hu nuą. Aramə nuą di kɛ a nu waa pow kɔ́w mɛ̨ihaaɓa.

Mąątɛ̨nɛ̨ 107:26

Gələnŋaa tii di kɛi tɛ yələi, diɛ yɛɛ ɲá tooi kpɛa-kpɛa hu, liihɛlɛn ə ɓo ɉu nuą diɛ, diɛ kɛ di haa kpɔ hvąą-hvąą.

Mąątɛ̨nɛ̨ 92:9

Ə́ wɛi, ə́ kaa yələi, yɛ́ lɔ ɓə a Yai-Laa, a yələ kəlee da nwɔɔ!

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Ɉeremi 51:53

Ə mą kɛ, Babilonə aa tɛ yələi, yɛ mąąkpɛ hįį tɔɔ, yii nu hva pɛli tɛi mą, ŋą ɉuwolo nuą ɲąątɔɔ mą, di yee ə lɔ. Ɲą́ą́ Yai-Laa nwóó li!

Danîa 4:11

Ə kɛi tomą kpɔ a nwoo kɛnɛ̨ yɛ kɛ mą: Ka nwului ŋɛ̨i pɔn, ka ɉonwoɠaa hu tee, ka naa kulɔ ma, ka maɠaa hu taɠa-taɠa. Ɉuwɔɠaai da kɛ pɛlɛi mu, di taɠa-taɠa. Nwɛ̨niɠaa diɛ kpɛli, di kulɔ naa hu, di taɠa-taɠa.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Dutɛrɔnome 1:28

Mįnɛ̨ pələ ɓə ku kaa tɛɛi la? Ku nąn nonnii daa gbɛa ku hviikpɛɛ, a kɛi di mo kuɔ: ‹Nuą tii kpɛa-kpɛai, di hvaŋą kɛnɛ̨ guɔ, di wɔ taaɠaa kpɛa-kpɛai, di mąą tinɛ̨n ŋąą a hįį mɛ̨i kwɛaɠaa kpɔ ləɠə ləɠə yɛ tɛ yələkɔlɔn ma, nu huwui ŋɛ̨i da kɛ diɛ Anakə nuą di kaa hɔlɔɔ mun laa.›»

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Dutɛrɔnome 9:1

Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.