Zɛnɛse 10:5 - Yálá laawoo hɛɓɛ (dc)

⁵ Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

Yálá laawoo hɛɓɛ

⁵ Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.

Bible

⁵ Yúo koo-ma-ƃelai dí kùla ǹûai ŋí kponôi. Zafɛ ǹônii-sinaai ƃe kɛ̀ a ǹûai nyii-ŋai díkaa dílɔii-ŋuŋ-ŋai su a dísîi-woo tɛi-tɛi-ŋai, yɛ̂ɛ berei dísuu-ŋai da dílɔii-ŋuŋ-ŋai káa lai.

Zɛnɛse 10:5 ပူးပေါင်းရင်းမြစ်များ

Zɛnɛse 10:20

Pələ ɓə Kamə huwuhu nuą di hee kpəlin na ə kɛ la, yɛ pələi di lawoo ə kɛ la, da di wɔ lɔiɠaa.

Zɛnɛse 10:25

Ebɛrə ə lon ɉinąą hveelɛ hɔlɔɓo, dɔlɔɔ laa ɓaa: Pɛlɛgə, mąąhɔlɔɓo, nwɔ lɔwai hu ɓə di lɔi ŋąąkwɛlɛ la. Pɛlɛgə nəɠə laa ɓaa: Yɔktan.

Zɛnɛse 10:32

Pələ ɓə nu huwuɠaai kulɔ Noe lonnii hu, di hee kpəlin na ə kɛ la, da di wɔ lɔiɠaa. Diɛi tii ɓə di lonnii di lɔi laahvɛɛ ɲánwąną tɛɛ pulu.

Zɛnɛse 10:4

Yavan lonnii laa ka: Elisa, Tarsisə, Kitimə da Rodanimə.

Zɛnɛse 10:6

Kamə lonnii laa ka: Kusə, Misraimə, Putə da Kanaan.

Zɛnɛse 9:19

Noe lon ɉinąą haaɓai tii ɓə di lonnii di lɔi mɛ̨i kəlee laa hvɛɛ.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 40:15

Lɔiɠaa kaa lɔ yɛ yai a ɓɔ kɔ́wɔ wolo ɓa, yɛ hvilɛn tən tən; di kaa yɛ munuun gbala, a gboloyá hɛ̨ąi lɔiɠaa kpəŋə ɲee ŋą, yɛ bili yələi, yɛ munuun.

Azaya 41:5

Gboloyá hɛ̨ąi lɔiɠaa da gaa, diɛ ɲɔw, lɔi kpon ɉeei yɛ kpɛlin, da di ɲɛ̨i hee mą, diɛ nąą mąąkpɛɛ, diɛ kɛ ɉuwu ɉuwu.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Azaya 49:1

Gboloyá hɛ̨ąi lɔiɠaa, 'ka ka wəli tɔɔ nwóó ɓa, kwɛala lɔiɠaa, 'ka ka wəli tɔɔ kpɔ a nɛlɛɛ, Ŋą́ lɛɛ néé kwəi, Yai-Laa ə də́li, ŋį́ kɛ nii néé kwəi, náá ə ɓo na.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 59:18

Bələi lɔ da túwɔ́ la, bələ lɔ ɓə da di hvɛla kulɔ la, ə líiholi hee nuąi da tɔɔ na diɛ, yɛ nwąną kulɔ ɲowoɠaa diɛ. Gaa pai nwąną kulɔi gboloyá hɛ̨ąi lɔiɠaa diɛ.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Izikiɛ 26:15

Mɛ̨nį kəlee ŋą Hééɓomun Yálá woo ka, Tirə lɔi ɓa: ə́ too tin a pa tɔɔi, nu lɛɠɛɠaa diɛ ɲiŋɛ́, baa ɓoi ti di kaa pai gɛi ə́ hu; gboloyá hu lɔiɠaa di hvo mɔ̨ɔ̨ pai kpɛlin ɉin?

Izikiɛ 26:18

Yii hu, gboloyá hu lɔiɠaa kaa kpɛlin ɉii a ə́ pu yələ. Gboloyá hu lɔiɠaa daa ɲɔw kɛnɛ̨ ə́ too mɛ̨nį ɓa.

Danîa 11:18

Yili pulu, gaa pai ɲɛ̨i tinɛ̨n ɉii ə ɉee ɲa kwɛlɛ taaɠaa diɛ, ə damaa həɠə, ə lɛɛ la ɉu, nwea kɔ́kuláá ta ə pa ə nwɔ huɲąŋą kɛnɛ̨ laa di kulɔ ɲəi, ə vɛla hɔlɔɓo.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;