Zɛnɛse 10:19 - Yálá laawoo hɛɓɛ (dc)

¹⁹ Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Yálá laawoo hɛɓɛ

¹⁹ Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai.

Bible

¹⁹ Keena-ŋai dílɔii ŋɔsu-kɛtɛ è kùla Sidɔŋ nyii gáa Gera taa-leei ma perei, é seri Geza, Sodɔŋ, Gomora, Adama da Zeƃoyiŋ, é seri Lasa.

Zɛnɛse 10:19 ပူးပေါင်းရင်းမြစ်များ

Zɛnɛse 10:18

Arvadə nuą, Semarə nuą, da Hamatə nuą, nu huwuɠaai tii ɓə Kanaan nɔi nuą huwu ə kulɔ ɉu yɛ taɠa taɠa, ɉuwuɠaai tii kəlee di kalaɓɔlɔ ɓaa Kanaan.

Zɛnɛse 10:20

Pələ ɓə Kamə huwuhu nuą di hee kpəlin na ə kɛ la, yɛ pələi di lawoo ə kɛ la, da di wɔ lɔiɠaa.

Zɛnɛse 14:2

di kɔ́ pɛlɛ Sodomə tɔɔmun Bera ɓa, da Gomorə tɔɔmun Birsa, ə mą kɛ, Adma tɔɔmun Sineavə, da Sevoimə tɔɔmun Sɛmevɛrə, ɛlɛɛ, Bera yai da kɛ mą Soarə nwɔ tɔɔmun.

Zɛnɛse 14:3

Di di ŋąąkpɔn Sidimə nɛ̨ŋɛ̨ lɔi hu, gboloyá kwɛlɛ.

Zɛnɛse 18:20

Yai-Laa ə mo Abrahamə ɓa, yɛ mą: «Sodomə taa da Gomorə taa hu nuą kɛ nɛ̨ŋɛ̨n gun aa tɛ aa həli mą́ą́, di wɔ túwɔ́ pələ ɲɔ̨n ɉu a wiɛ.

Zɛnɛse 20:1

Abrahamə ə həɠə Negɛvə lɔi hu, ə li ə hee Kadɛsə taa da Surə taa di lɔwai. Yili pulu nwɔ̨nɔ̨, ə li Gerarə daai.

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Kɔlɔnikɔ Veerɛi 14:12

Asa da nwɔ nuąi di hvilɛn di pulu, di lɛɛ di kpɛi di li di həli Gerarə. Nubinuą paa pələi di di paa la, dɔ̨nɔ̨ kpɛli hvo dɔɔ mɛ̨i. Mąąhɔlɔɓo, di di huwolo Yai-Laa lííla da wɔ kɔlaɠai. Asa da nwɔ nuąi di li a ɉɛnŋąą tamąą tii di ɉon gɔ́ hu.

Kɔlɔnikɔ Veerɛi 14:13

Daaɠaa tii kɛ Gerarə kwɛlɛ, di gəlee kɛlɛ, mąąhɔlɔɓo, Yai-Laa ə ɲɔw pili di hu, Asa da nwɔ nuąi di too daaɠaa tii kəlee mɛ̨i, gbala ə tɔɔ hɛn ə kɛ daaɠaa tii hu kɛnɛ̨.

Zôo 38:20

Yá pɛli di laa kwiɛn ɉii, da lɛɛ lɔ kulɔi. Bələi a li di pɔɔli, ə́ bələ kɔ́lɔn.

Azaya 23:11

Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Azaya 23:4

Nwumɛ̨ aa tɛ a yɛ́, Sidɔn, gboloyá kwɛlɛ taa walawala! Gboloyá kaa kɛi diɛ: «Və́ kwəinwąną kɛ li, və́ lon gaa li, və́ lon ɉinąą kulɔ li ɉu, və́ lon nɛ̨ąą ɲąąkɔn ni.»

Ɉeremi 25:20

Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Ɉeremi 47:1

Yai-Laa wooi həli Yálá kwəi mɛ̨nį hukulɔ mun Ɉeremi ɓa, yɛ hvilɛn na Filisti nuą diɛ, nąąlɔwai, Eziptə tɔɔmun hvo ni kɛ Gaza lɔi hon ni a kɔ́.

Izikiɛ 28:21

«Hulɔnu lon ə́ ɲɛ̨i tinɛ̨n Sidɔn pələ, ə́ gwə́i mɛ̨nį hukulɔ mą.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»

Dutɛrɔnome 2:23

Bələ lɔ ɓə ə naa la Avi nuą diɛ, diɛi tii kɛ di taɠa taɠaa daa pɛlɛɛɠaa hu, ə lɛɛ ɉu ə həli Gaza, Kaftɔrə nuą diɛi həɠə Kaftɔrə di di paa, di hee di heei.

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;

Zasua 19:28

da Avdɔn pələ, Rehɔvə da Hamɔn, ə lɛɛ, Kana, yɛ həli la Sidɔn kɛnɛ̨ ɓa.

Nwun mąąɓo 16:1

Yələ ta, Samsɔn ə li Gaza daai, ə wɛlikɛ nɛ̨ɛ̨nu ta kaa laa; ə li ə yíi bɔɔli.

Nwun mąąɓo 6:4

diɛ di taa pu Israɛlə lɔi hu, diɛ di wɔ hihɛnŋaai kala, diɛ lɛɠɛ la Gaza lɔi ɓa. Di hva kɔ̨nɔ̨n nɔpee ta lɛɛ Israɛlə nuą yəi, da di wɔ ɓɛlaɠaai həɠə, da nįŋɛ̨ɠaa, ɛlɛɛ da ɉoohvaalənŋaa.

Samuɛlə dɔlɔɔ 13:18

Veelɛ naa ə ɉon a Bɛtə-Horɔn pələ, ɉaaɓa naa yaan, ə ɉon a nɔi ɲɛ̨in ɉu pələ. Ɲɛn ŋɛ̨i tɔɔ húlú yɛɛ kɔwɔ moloon mɛ̨i, bɔ pələ, nɔi pun ɉu pələ.