Zɛnɛse 1:6 - Yálá laawoo hɛɓɛ (dc)

⁶ Yálá yɛ nwɔ̨nɔ̨ diɛ: «Gɛ́ hɛn da ə kɛ yələ kwəi, ə yələi pələ yáɠaa da lɔi ɓa yáɠaa di ɓɛlaɓo!»

Yálá laawoo hɛɓɛ

⁶ Yálá yɛ nwɔ̨nɔ̨ diɛ: «Gɛ́ hɛn da ə kɛ yələ kwəi, ə yələi pələ yáɠaa da lɔi ɓa yáɠaa di ɓɛlaɓo!»

Bible

⁶ Nya ƃe Ɣâla è mò ǹyɛɛ, “Tɔɔ sɛŋ da é tɔ́ɔ ǹyá-ŋai loai é díŋaa kɔ́lɛ.”

Zɛnɛse 1:6 ပူးပေါင်းရင်းမြစ်များ

Zɛnɛse 1:14

Yálá yɛ nwɔ̨nɔ̨ diɛ: «Gɛ́ hvələ-hvələ hɛnŋaa di kɛ yələ kwəi, əgɛ, diɛ yələ ɓɔɔ da kpinį di ɓɛlaɓo, ɛlɛɛ, di kɛ a hvólóɠaa kiliin ɉɛn da kwɛlanɠaa, ə mą kɛ, hɛli hvólóɠaa.

Zɛnɛse 1:20

Yálá yɛ nwɔ̨nɔ̨ diɛ: «Gɛ́ yáɠaa di huwɔ huwu tamąą kulɔ, ɛlɛɛ, nwɛ̨niɠaa di koon yələ kwəi!»

Zôo 26:13

Naa hvaŋą a yələ kwəi pɔ̨nɔ̨, Ɲįnɛ̨n gaa pɔ ə tɛɛ a gilɛ, ɲee yɛ ɓɔ ɉu.

Zôo 37:11

Yələɓoɔ lɛlɛɛ a pa a tulɔ kpinįn, yɛ tulɔ kpinįn daɠa taɠa gee ɓa, da mąną-mąną.

Zôo 37:18

Yá pɛli ə́ yee haŋąi yɛ́ tulɔ kpinįn ɉiɛ voló ɲɛ̨i nąąlɔwai, yɛ da kɛi kwɛli ɓɛla hiɛ ɲɛ̨i?

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 148:4

Yələ kɔ́lɔn mɛ̨i pələɠaa! 'Ka mąątɛ̨nɛ̨! Yáɠaa kaai yələ kɔ́lɔn mɛ̨i pələ! 'Ka mąątɛ̨nɛ̨!

Mąątɛ̨nɛ̨ 150:1

'Kánikookwəi! 'Ka Yálá mąątɛ̨nɛ̨ nwɔ pɛlɛ́ mąąhəɠɛɛi mu, 'ka mąątɛ̨nɛ̨ yələ kɔ́lɔn ɉu, ɓɛi a vaŋą hee pɛlɛ́.

Mąątɛ̨nɛ̨ 19:1

Nwələ ɲɛ̨itɔwɔ mun. Davidə nwɔ wələ.

Mąątɛ̨nɛ̨ 19:2

Yələkɔlɔn ɉu hɛnŋaa da Yai-Laa mąąwiɛ pələ noloɓo, yələ kwəi hɛnŋaa diɛ gɛ kólóɠaa ɲɛ̨i lɛ.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Ikilisiati 11:3

Tulɔ kpinįn ɲa a kɛ mą, ya ɓə a tulɔ pu. Wulu a too, ə too ɉɛgɛɛ pələ, ə too yánwuɔ̨ pələ, yii mą a tɛ̨ą, ya ɓaa: ɓɛi kɛa a laa la, hva kɛa tinɛ̨n gbɔwɔ ɓa.

Azaya 40:22

Ɉɛn ŋɛ̨i pɛlɛ ni lɔi nwun mɛ̨i, yili mɛ̨i pələ ɓə gaa laa heeni, a nɔi ŋɛ̨i ɉu nuą kaa yɛ peeləɠaa. Ə yələkɔlɔn ɉɛlɛn yɛ həɠə ɓɛla, ə ɉu lɛan, nuą diɛ pɛlii di taa tɔɔi mu.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Piɛrə veelɛ 3:5

Yii da kɛ lɛ̨ąi mą, ya ɓaa: Yálá aa wɔlɔ yələkɔlɔn da lɔi di pɛli, a naa woo, ɉu aa kwɛa, lɔi ə kulɔ yai, di bɛli a ya.