Zɛnɛse 1:3 - Yálá laawoo hɛɓɛ (dc)

³ Nąąlɔwai, Yálá yɛ: «Kɛɛpono ə kulɔ!» Kɛɛpono ə kulɔ.

Yálá laawoo hɛɓɛ

³ Nąąlɔwai, Yálá yɛ: «Kɛɛpono ə kulɔ!» Kɛɛpono ə kulɔ.

Bible

³ Nya ƃe Ɣâla è mò ǹyɛɛ, “Tɔɔ kwaa é pono.” Ǹyaŋ kwaa è pòno.

Zɛnɛse 1:3 ပူးပေါင်းရင်းမြစ်များ

Zɛnɛse 2:4

Pələ ɓə Yálá ə yələkɔlɔn da lɔi di pɛli la. Ɲələi Yai-Laa ə yələkɔlɔn da lɔi di pɛli la tɔlɔɔ,

Zôo 36:30

Ya ɓə a nwɔ yələgbɛnąąi ɓɛla nuą mɛ̨i, ɛlɛɛ, ya ɓə gboloyá kpon ɉee.

Zôo 38:19

Ɓɛ pələi kɛɛ pɔ̨nɔ̨ kaa la, ə́ nąą pələ kɔ́lɔn? Kpini yəi bɛlɛ́n gaa mį?

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 118:27

Yai-Laa ɓə gaa a Yálá, ya ɓə kɛɛ pono tɛɛ ku pɔ, 'ka tɔɔ a ka yɛli gwala laa ə ɓo ka yəi, ə lɛɛ ɉu ka həli ɉaláá kulɔi mįnɛ̨ɠaa diɛ.

Mąątɛ̨nɛ̨ 148:5

Mąąnɛ̨ɛ̨ di Yai-Laa mąątɛ̨nɛ̨, mąąhɔlɔɓo ya ɓə kɛ diɛ, di kɛ yɛnɛ̨ɛ̨; diɛ kɛ laa.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Mąątɛ̨nɛ̨ 33:9

A mɛ̨nį ɓo lɔ, bɔ mɛ̨nį ə kɛ, ə kɛ lɔ diɛ: «'Ka kɛ», gəlee daa mą kɛ.

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Azaya 60:19

Yələ a ɓɔ, hvóló hvo kɛa pai kɛi a ə́ wɔ kɛɛ pɔ̨nɔ̨, kpinį a pɛlɛ, ɲąnin və kɛa pai kɛi lən ɉi ə́ mɛ̨i. Kɛlaa, Yai-Laa ɓə pai kɛi a ə́ wɔ kɛɛ pɔ̨nɔ̨, a yələ kəlee mɛ̨nį, ə wɔ Yálái ɓə pai kɛi a ə wɔ lɛlɛ.

Maafîu 8:3

Jesus ə ɲee pɛlɛ mą; yɛ mą: «Ŋą́ą́ hvaa mą! Ə́ kɔ́lɔi ə pono, ə́ mąą ə həɠə.» Ɲąąɓa, ɉulɔnui tii, nwɔ hvólóɲɔ̨n ə kpɛɛ, mąą ə həɠə.

Ɉaan 1:5

Kɛɛ kaa ponoi kpinį hu, kpinį hva pɛli gɛɛ ponoi tii luwun ɉii.

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Ɉaan 11:43

Yii kɛa ə kpɛɛ a nwooɠaa tii ɓoɔ, ə tómą kpɔ a nwoo kɛnɛ̨ɛ̨ yɛ mą: «Lazarə kulɔ ə́ kámą hu.»

Ɉaan 3:19

Kití tii nwun mąą: kɛɛ pono ə pa yɛnɛ̨ɛ̨ nuą pɔ, di lənə ma, di kpinį wɛli la kɛ; mąąhɔlɔɓo, di túwɔ́ pələɠaa ɲɔ̨nwɔ̨ɔ̨i.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Zɔ̂ŋ Maa-ŋuŋ 1:5

Nwɛlɛɛ lɛlɛɛi ku mɛ̨n Jesus Kristə la, kuɔ naa həli káá ya ka: Yálá kaa a kɛɛ pono, nįnįn danɔ̨n kpɛli hvə ɉu.

Zɔ̂ŋ Maa-ŋuŋ 2:8

Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.