Zɛnɛse 1:28 - Yálá laawoo hɛɓɛ (dc)

²⁸ Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Yálá laawoo hɛɓɛ

²⁸ Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Bible

²⁸ È lûwa làa dîa ǹyɛɛ diai, “Ka ƃûu ƃó, ká ǹɔii láa fɛ́ɛ ká kɛ́ mɛi. Ka kɛ́ nyɛ̃ɛ-ŋai mɛi da ŋɔni-ŋai é pɛ́lɛ fúlu-sãa kélee dîa.”

Zɛnɛse 1:28 ပူးပေါင်းရင်းမြစ်များ

Zɛnɛse 1:22

Yálá ə lúwɔ́ too diɛ, yɛ diɛ: «Nɔ̨ɔ̨-nɔ̨ɔ̨ hɛnŋąąi di kaa yái, di di kaa, di ɓuwuɓo, di gboloyá laahvɛɛ. Nwɛ̨niɠaa di di kaa, di ɓuwuɓo yələ kwəi.»

Zɛnɛse 17:16

Gáá pai lúwɔ́ tooi mą, ə lon ɉulɔnu hɔlɔɓo. Gáá lúwɔ́ too mą, gaa pai kɛi a híí tamąą di lee, tɔɔɓɛlaa kaa pai kulɔi ɉuwu hu.»

Zɛnɛse 17:20

Yii hvilɛn na Ismaɛlə ɓa, yii ŋɛ̨i ə́ vɛli mą́ą́ mąą mɛ̨nį hu, ŋą́ą́ mɛ̨n. Gáá pai lúwɔ́ tooi mą, ŋį́ ɉuwuhu ɓɛlɛ kpɔ kɛnɛ̨. Tɔɔɓɛlaa pow kɔ́w hveelɛ kaa pai kulɔ Ismaɛlə huwuhu, yaa kpɛli, gaa pai kɛi a nu kpulu tamąą di nąn.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 33:5

Yili pulu, Esau yɛ Ɉakɔbə ɓa: «Gbɛɛ nuą ɓə ə́ pului?» Ɉakɔbə yɛ mą: «Nu kan mɛ̨inɛ̨ɛ̨i Yálá ə gɛ, ə́ wɔ tímun ma, diɛ ka.»

Zɛnɛse 49:25

Ə́ nąn nwɔ Yálá, Ə tɔɔ ə́ pulu, Huwalawala Kəlee Nąmu Yálá Ə lúwɔ́ too yɛ́, lúwɔ́ ə həɠə yələi ə yɛɛ ə́ mɛ̨i, lúwɔ́ ə həɠə lɔi kponɉu ə həli yɛ́, ə́ huwuhu nɛ̨ąą kwəi ə nwun ə́ wɔ taatɛlɛɛɠaai di di kaa.

Zɛnɛse 5:2

Ə hulɔnu da nɛ̨ɛ̨nu di pɛli, Ə lúwɔ́ too diɛ, ə di laa hee a Nu. Ə həɠə di pɛli yələi tii ɓa, di laa ɓaa a: Nu.

Zɛnɛse 6:1

Ɓɛlɔwai nuą di gɔwɔ tɔɔ la diɛ lɔi mɛ̨i laahvɛɛ, diɛ lon nɛ̨ąą hɔlɔɓo,

Zɛnɛse 8:17

Ɉuwɔɠaa da nwɛ̨niɠaai kpɔ kɛ ə́ pɔ gələn ɉu, gəlee kulɔ di hala lɔi mɛ̨i nąą kəlee, di di kaa, di huwu ə ɓɛlɛ.»

Zɛnɛse 9:1

Yálá ə lúwɔ́ too Noe da non ɉinąą diɛ, yɛ diɛ: «Ka ka káá, ka lɔi mɛ̨i laa hvɛɛ.

Zɛnɛse 9:7

«Ka wɛi, ka ka káá, ka huwu ə ɓɛlɛ, ka lɔi mɛ̨i laahvɛɛ.»

Kɔlɔnikɔ Maa-ŋuŋ 26:5

mɛ̨idanąą ɓaa a Amiɛlə, mɛ̨ihveelɛnąą ɓaa a Isakarə, mɛ̨ihaaɓanąą ɓaa a Peuletai; mąąhɔlɔɓo, Yálá ə lúwɔ́ too mą.

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Zôo 39:11

Ə́ kaa mɔ̨ɔ̨ pai ə́ kilitɔɔi nwɔ huwalawala ɓa, yɛ́ ə́ kɛ koló kəlee lɛɛ ma?

Zôo 42:12

Yai-Laa ə pənə ə lúwɔ́ too Ɉobə nwɔ yɛnɛ̨ɛ̨ ɓa, ə tɛɛ dɔlɔɔ ɓa. Ə ɓɛlaa waa pow kɔ́w nąąn ɉɔlɔɓo, ɲɔɔmɛɛ waa mɛ̨ida, Nįŋɛ̨ hilɛ da Nįŋɛ̨ haa waa hveelɛ, hoohvaalən ɉaa nwaa tɔ̨nɔ̨.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Mąątɛ̨nɛ̨ 115:16

Yələ kɔ́lɔn gaa a Yai-Laa nwɔɔ, lɔi nwɛi, ə dɛɛ nu kanŋaa pɔ.

Mąątɛ̨nɛ̨ 69:34

Mąąhɔlɔɓo, Yai-Laa a nwəli tɔɔ mąąwɛli nuą woo ɓa, hva lənə nwɔ nuąi diɛ, ɓɛlɔwai da di hon na kɔ́ hu.

Mąątɛ̨nɛ̨ 8:6

Ə́ gɛ pələ wolo kɛ kpɔlɔɔ yɛ, a kɛ a Yálá, Ə́ mąąwiɛ da lɛlɛ hee nwuɔ̨ a mąą hon ɉɛn.

Mąątɛ̨nɛ̨ 8:7

Yɛ́ ɉee ə́ kɛ kóloɠaa kəlee mɛ̨i, ə́ hɛn gəlee pɛlɛ gɔwɔ mu.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.