Zɛnɛse 1:26 - Yálá laawoo hɛɓɛ (dc)

²⁶ Yálá yɛ nwɔ̨nɔ̨ diɛ: «Ka gu nu pɛli, ka gu mąą nįnįn ɉu, ə kɛ a gu kulɔmąą, ə tɔɔlaa kɛ gboloyá hu hɔwɔleeɠaa mɛ̨i, yələi nwɛ̨niɠaa da taatɛlɛɛɠaa, ə mą kɛ, lɔwɔ huwɔɠaa da tala huwɔɠaa; ə tɔɔlaa kɛ gəlee mɛ̨i.»

Yálá laawoo hɛɓɛ

²⁶ Yálá yɛ nwɔ̨nɔ̨ diɛ: «Ka gu nu pɛli, ka gu mąą nįnįn ɉu, ə kɛ a gu kulɔmąą, ə tɔɔlaa kɛ gboloyá hu hɔwɔleeɠaa mɛ̨i, yələi nwɛ̨niɠaa da taatɛlɛɛɠaa, ə mą kɛ, lɔwɔ huwɔɠaa da tala huwɔɠaa; ə tɔɔlaa kɛ gəlee mɛ̨i.»

Bible

²⁶ Nya ƃe Ɣâla è nâa mò ǹyɛɛ, “Kwaa kú núu-kpune kpɛtɛ a kúƃoloŋ maa é kɛ́ nyɛ̃ɛ-ŋai mɛi, ŋɔni-ŋai, daa-tulɛ-ŋai, é kɛ́ ǹɔii kélee mɛi da tɔara-sãa kélee.”

Zɛnɛse 1:26 ပူးပေါင်းရင်းမြစ်များ

Zɛnɛse 11:7

Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Zɛnɛse 2:19

Ɉuwɔɠaa da nwɛ̨niɠaai Yai-Laa ə di kulɔ, ə pa a gəlee nu lííla, əgɛ ə gaa, bələi nu kaa pai di laa heei la, əgɛ, naai tii ə lɛɛ diɛ.

Zɛnɛse 3:22

Yili pulu, Yai-Laa yɛ gbɔwɔ ɓa: «Nu ka ŋɛ̨i aa kɛ kɛa yɛ gu ta, mɛ̨nį ɲɔ̨nwɔ̨ɔ̨ da mɛ̨nį lɛlɛɛ di kɔ́lɔn ŋąą hu. Yii hu kɛa, mąą hvo nɛ̨ɛ̨li kɛa, hvo ɲɛnɛ̨ɛ̨ kɛ wulu ɓa ta mį́i, akɛ a da mį́i, hva kɛa haa.»

Zɛnɛse 5:1

Adamə huwuhu nuą laa ka: Ɲələi Yálá ə nu kan bɛli la, ə nu pɛli Yálá mąą nįnįn ɉu.

Zɛnɛse 9:6

«Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Zôo 35:10

Kɛlaa, nu ta hva kɛ diɛ: «Bɛ́li Yálá kaa mį? Yaai a kɛ wələ lɛi kuɔ kpinį,

Zôo 39:11

Ə́ kaa mɔ̨ɔ̨ pai ə́ kilitɔɔi nwɔ huwalawala ɓa, yɛ́ ə́ kɛ koló kəlee lɛɛ ma?

Zôo 5:23

Mąąhɔlɔɓo, ka lɔwɔi kwɛniɠaa ka mįnɛ̨ həɠə, ɛlɛɛ da, ka huwɔ nwɔ mɛ̨nį ɲɔ̨nwɔ̨ɔ̨ɠaa, ka ka lɔwai pɔn naa pu.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Ikilisiati 7:29

Yii woloi lɔ ŋą́ gaa, ya ɓaa: Yálá ə nu pɛli a ɉaŋąą, hvo gbɛlaan. Kɛlaa, nu kpinįi ɓə gbɔwɔ mąą mɛ̨nį nwun bili.

Wɛli 1:11

Ku kaa wəlii kwɛli pɛlii yɛ́ a hɛni, ku wali kwɛli hɛlɛn mą.

Azaya 45:18

Gaa tii, bələ ɓə Yai-Laa ə mo la, yələkɔ́lɔn bɛlimun, yai a Yálá, ya ɓə lɔi kulɔ, ə bɛli, ə ɉee kpɔ tin-tin, tumun və mą, hvo nɛɛ a vowolo, Kɛlaa, ə bɛli, yɛ nuą di kɛ ɉu. Ɲą́ą́ ɓa a Yai-Laa, dakpɛli hvo laa.

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Ɉeremi 27:6

Yii hu, ɲą́ą́ ɓə nɔiɠaai tii kəlee too nwɔ́ tímun Babilonə tɔɔmun Nabukodonosorə yee kɔ́nma, ə mą kɛ, nɔwɔ huwɔɠaa ɓə, gáá di tɛɛi bɔ, diɛ tí

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 5:17

Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Gɛlaɠaa 17:20

Mąąhɔlɔɓo, ə́ kaa ku wəlii woo ɲąąnwąnąi a nwɛ̨ą mɛ̨nįɠaa, ɛlɛɛ, ku kaa kpɔ bɔ, ku mukulaa kɔlɔn.»

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Korɛntə dɔlɔɔ 11:7

Hulɔnu nwɛi, mąą hvo nɛ̨ɛ̨li hvo ɓɔlɔ pɛlɛ nwuɔ̨, mąąhɔlɔɓo, gaa a Yálá mąąnįnįn da nwɔ mąąwiɛlaa, kɛlaa nɛ̨ɛ̨nu nwɛi gaa a hulɔnu nwɔ mąąwiɛlaa.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ifisiɛŋ 4:24

'Ká lɔ nu nįnɛ̨ kɔlɔ hu, yai Yálá ə bɛli tələnmolaa hu, da mąąhəɠəlaai a kulɔ tɛ̨ą hu.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Zĩi 3:7

Nu kan ɲee a pɛli huwɔ lɔpee gəlee ɓa, ə golohoɓo, ə kɛ a nwɛ̨nį, ə mą kɛ, a tala huwɔ, ə kɛ, a yái-huwɔ lɔpee.

Zĩi 3:9

Gu nɛn danɔ̨n tii lɔ ɓə, gwa gu Ną́mu da gu Nąn mąąwiɛ la, yaa lɔ ɓə nwɔ̨nɔ̨ gwa nuą nɛ̨ŋɛ̨n naa la, a diɛi di kaa a Yálá mąąnįnįn.

Zɔ̂ŋ Maa-ŋuŋ 5:7

Di kaa haaɓa diɛ mɛ̨nįi tii mąą kɛla hvaa ɓo,