Zɛnɛse 1:14 - Yálá laawoo hɛɓɛ (dc)

¹⁴ Yálá yɛ nwɔ̨nɔ̨ diɛ: «Gɛ́ hvələ-hvələ hɛnŋaa di kɛ yələ kwəi, əgɛ, diɛ yələ ɓɔɔ da kpinį di ɓɛlaɓo, ɛlɛɛ, di kɛ a hvólóɠaa kiliin ɉɛn da kwɛlanɠaa, ə mą kɛ, hɛli hvólóɠaa.

Yálá laawoo hɛɓɛ

¹⁴ Yálá yɛ nwɔ̨nɔ̨ diɛ: «Gɛ́ hvələ-hvələ hɛnŋaa di kɛ yələ kwəi, əgɛ, diɛ yələ ɓɔɔ da kpinį di ɓɛlaɓo, ɛlɛɛ, di kɛ a hvólóɠaa kiliin ɉɛn da kwɛlanɠaa, ə mą kɛ, hɛli hvólóɠaa.

Bible

¹⁴ Ɣâla è mò ǹyɛɛ, “Tɔɔ kwaa ponoɔɔ é kɛ́ ŋ̀elei su a gɛɛ é ŋ̀ele-ƃɔɔi da gbínii ŋáa kɔ́lɛ, ǹyaŋ da pâi kɛ̂i a ŋɛi-kɛ-maa-ŋa ŋ̀ele kûu-ŋai da góraŋ-ŋai é pɛ́lɛ díkuu-kɛ-ɣele-ŋai dítãi-ŋai mɛni ma.

Zɛnɛse 1:14 ပူးပေါင်းရင်းမြစ်များ

Zɛnɛse 1:13

Yələwulii ə kɛ, yələwala ə kɛ, yili ɓə kɛ a voló ɉaaɓa.

Zɛnɛse 1:15

Vələ-hvələ hɛnŋaa tii di kɛ yələ kwəi, diɛ lən, diɛ lɔi ɓa pɔ̨nɔ̨!» Yili ə kɛ tii.

Zɛnɛse 8:22

«Bələi lɔ yɛnɛ̨ɛ̨ kaa pai lamui la, tíi kɛɛ da mɔ̨nun deɛ, wə́leen da kwɛlɛ, hvóló laa teɛ da hamą lɔɔ, yələ pɔɔ da, kpinį, di hva kpɛɛ.»

Zɛnɛse 9:13

«Gáá nwɔ́ gbəi-mįlįįn naai yələ kwəi, yili ɓə pai kɛi a mįnɛ̨i ŋɛ̨i kwa yɛnɛ̨ɛ̨ nuą ku lɔwai, gili kɔ́lɔn ɉɛn.

Zôo 25:3

Nu a pɛli mɔ̨ɔ̨ nwɔ kɔlaɠai lonon ɉii? Gbɛɛ ɓə nwɔ kɛɛ ponoi hva ɓɛla mɛ̨i?

Zôo 25:5

Yálá ɲɛ̨i ɓa, ɲąnin voló hvo ɉu, pɛmɛ̨lɛ̨n gɔwɠaa mąą hvo həɠə li.

Zôo 3:9

Gbinii ti hvo yələ ɓɔi pɛmɛ̨lɛ̨n gɔw kaa. Ə kɛɛ pɔ̨nɔ̨ mąą pulu həɠə, hvo ɉɔlɔɓo. Hvo yələɓɔi lɔwai kaa.

Mąątɛ̨nɛ̨ 119:91

Bələi lɔ ə́ mo la, bələ lɔ ɓə hɛn gəlee kaa nií la, aa lɛɛ ɉu, haa kəlee yələ aa həli. Mąąhɔlɔɓo, yɛnɛ̨ɛ̨ kəlee pilɛɛ geemɛ̨i, a tí yɛ́.

Mąątɛ̨nɛ̨ 148:3

Hvóló ka ɲąnin! 'Ka mąątɛ̨nɛ̨, Pɛmɛ̨nɛ̨n-gɔwɠaa kəlee! 'Ka mąątɛ̨nɛ̨ a ka hvələ pələ.

Mąątɛ̨nɛ̨ 148:6

Ə di pɛli a yələ kəlee mɛ̨nį, ə tɔnŋaa laa, di hvo pai mąą tɛɛi.

Mąątɛ̨nɛ̨ 150:1

'Kánikookwəi! 'Ka Yálá mąątɛ̨nɛ̨ nwɔ pɛlɛ́ mąąhəɠɛɛi mu, 'ka mąątɛ̨nɛ̨ yələ kɔ́lɔn ɉu, ɓɛi a vaŋą hee pɛlɛ́.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Ɉeremi 10:2

Yai-Laa yɛ diɛ: «Ka hvo ka hiɛ pələ kɔ́ɔn lɔi takpɛliɠaa di wɛi ɓa! Ka hvo ka kpɔɔ ɓowo a yələ kwəi hɛnŋaa. Lɔi takpɛliɠaa ɓə da di kpɔɔ ɓowɔ a yiliɠaa.

Ɉeremi 31:35

Gbɛɛ ɓə hvóló kulɔ, yɛ kɛɛ pɔ̨nɔ̨ kulɔ a yələ ɓɔɔ, ə ɲąnin da pɛmɛ̨lɛ̨n-gɔwɠaa kɛ, a kpinį hu pɔ̨nɔ̨ hɛnŋaa, gəlee da nwɔ kɛ pələ; a yaai a gboloyá tumo, yɛ nwoo kulɔ? Ɲálái tii mɛ̨nįɠaa kɛ, naa ɓaa: Yai-Laa Mɛ̨nį Kəlee ŋą Hééɓomun. Ɲálái tii nwoo ka, yɛ diɛ:

Ɉeremi 33:20

«Yai-Laa woo ka, yɛ diɛ: Akɛ, ka yee a pɛli mą, ka ku lɔwai mįnɛ̨ hu kala; kwa yələ ɓɔɔ da kpinį, yələ ɓɔɔ da kpinį di hva kɛa pɛli pai a di pai lɔwai,

Ɉeremi 33:25

Ɲą́ą́ ŋɛ̨i kwa hvóló da ɲąnin kwaa mįnɛ̨ həɠə, gɛ́ yələkɔlɔn da lɔi di hee kpəlin na kɛ; gɛ́ di tí a di kɛ mɛ̨nį, ɲą́ą́ Yai-Laa nwóó li!

Izikiɛ 46:1

Mɛ̨nį kəlee ŋą Hééɓomun Yálá woo ka, yɛ: Bɛlɛ́n bələ, ɲiman mu, kpon tii ɲɛ̨i heɛ voló kulɔi pələ, naa a kɛ a gbulɔɔ, góló kɛ hvóló mɛ̨idai yeemu; kɛlaa, da naaɓo a vįitɔɔ yələ. Da naaɓo lɔ nwɔ̨nɔ̨ a ɲąnin dɔɔ nįnɛ̨.

Izikiɛ 46:6

Ɲąnįn nįnɛ̨ yələ nwɛi, a gɛ a nįŋɛ̨ hilɛ gbɔn, yii kpɛɠii hva kɛ mą.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Amɔsə 8:9

Yai-Laa yɛ diɛ: Volói tii a həli, kpinį a pɛlɛ a hvóló ŋą ɉə-ɉə, kɛɛ ə tɛɠi lɔi mɛ̨i nąą kəlee.

Maafîu 2:2

Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Markə 13:24

«Kɛlaa, nąąlɔwai mɔ̨nɔ̨ kɛnɛ̨i tii tɛɛ pulu, hvóló a tɛɠi, ɲąnįn hva kɛa hvóló.

Lukə 23:45

Nąąlɔwai, hvóló hvo kɛ yələi, ɉəɠə mɛla kɛnɛ̨ɛ ŋɛ̨i kɛi Yálá hee pɛlɛ́ ɓɛla ɓo ɉu hveelɛ, ɉu ə ɓɛla ɉamai ə həɠə yələi ə yɛɛ nɔi ɓa.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

M̀ɛni-lɛɛi 8:12

Malaka nąąn nąą ə nwɔ tului hvɛɛ, hvóló ɓɛlaɓoɔ ɉu haaɓa, bələ tɔ̨nɔ̨; ɲąnįn ɓɛlaɓoɔ ɉu haaɓa, bələ tɔ̨nɔ̨, da pɛmɛ̨lɛ̨n-gɔwɠaa ɓɛlaɓoɔ ɉu haaɓa, bələ tɔ̨nɔ̨, di di kɛlɛ, di hu ə tɛɠi; yələɓoɔ ə hvɛɠɛ a ŋą kɛɛpono ɓɛlaɓoɔ ɉu hvaaɓa, bələ tɔ̨nɔ̨, ə mą kɛ, kpinį yaa kpɛlimąn.

M̀ɛni-lɛɛi 9:2

Ə nowa kpon gweaa laa ɓo, ɛlɛɛ, lulu ta yɛ kulɔ laa, yɛ hulun gɛnɛ̨ ta hu lulu. Ə́ vóló hu tɛɠi, ɛlɛɛ da hvaŋą.