Zasua 9:9 - Yálá laawoo hɛɓɛ (dc)

⁹ Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;

Yálá laawoo hɛɓɛ

⁹ Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;

Bible

⁹ Dí mò ma dîyɛɛi, “Kú kùla kwaa kóyaa ma. Kú pà, kpɛ́ni fêi, kú mɛnii mɛni Káɣâlai Yâwɛɛ è gɛ̀ Ize lɔii sui,

Zasua 9:9 ပူးပေါင်းရင်းမြစ်များ

Tɔɔɓɛlaa dɔlɔɔ 8:41

«Ə mą kɛ nui hvo a ə́ wɔ nu huwui Israɛlə mun da, a həɠə lɔi takpɛli hu kwɛaa la, ə́ laa wɛli ɓa;

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Mąątɛ̨nɛ̨ 148:13

'Ka Yai-Laa laa mąątɛ̨nɛ̨, mąąhɔlɔɓo naa kɛnɛ̨i, yaa tanɔ̨n gbən, Mąąɲįnɛ̨n ɉeɛi lɔi da yələ kɔ́lɔn di mɛ̨i!

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 78:12

Ə kpalo mɛ̨nį kɛnɛ̨ kɛ di nąnni ɲɛ̨i ɓa, Eziptə lɔi hu, Tanisə yɛɛ kɔwɔ hu.

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Lɛɛ gbɔwɔ ɓa 15:14

Hį́i takpɛliɠaa da mɛ̨nį ŋɛ̨i bələ mɛ̨n, di mąą a kpɛlin, liihɛlɛn aa too Filisti nuą diɛ.

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Lonon mo 14:15

Akɛ ya nuąi ŋɛ̨i kəlee nwun na pili lɔ tanɔ̨n, nɔiɠaai daa ə́ mąą mɛ̨nį bələ mɛ̨n, di kaa pai kɛi diɛ:

Lonon mo 20:14

Di lɛɛ Kadɛsə, Moisə ə nuą tɔɔ Edɔmə tɔɔmun bɔ, yɛ mą: «Ə́ nąn non Israɛlə woo li, mɔ̨nɔ̨ɠaai kpɔ laa kuɔ, gbaɠala kaa yɛ́.

Gɛlaɠaa 8:7

Ɲįnɛ̨nŋaa di kɛli həɠə nuą pulu, diɛ tomą kpɔ kɛnɛ̨. Kpɛlɛɠɛlɛn ɲɔ̨n gɛ nuą tamąą, da kɔ́wɔ nwąną ɲɔ̨n gɛ nuą tamąą diɛ həɠə diɛ tɔɔ.

Dutɛrɔnome 20:11

Da hvaa mą, da di wɔ taa kponŋąą laaɓo ka tɔwɔ, nui lɔpee a kɛ daai tii hu, a lɛɛ kɛa ka yee mu a kóló kɛ nuą.

Dutɛrɔnome 20:15

Daaɠaai kpɔ tii di mąą kwɛa kaa, bələ ɓə ka káá pai di hon ɉii la, ə mą kɛ yiiɠaai di hvo a nɔi tii hu taaɠaa.

Zasua 9:10

Ɛlɛɛ mɛ̨nįi ə naa Amɔrə tɔɔɓɛlaa diɛ Ɉurdɛn pulu, ku bələ mɛ̨n; diɛ ɓaa: Hɛsbɔn tɔɔmun Sihɔn, da Basan tɔɔmun Ogə, yai kɛ Astarotə daai.

Zasua 9:16

Yaan, da diɛni di wɔ mįnɛ̨ həɠɛɛ tɛɛ pulu, hvóló haaɓa kulaa ɉu, Israɛlə nuą di gbaɠala kaa, diɛ kɛ nuą tii kaa kɛ lɔ laa, di kwɛlɛ nɔi.

Zasua 9:17

Israɛlə lonnii dəli hvóló haaɓa kulaa ɉu, di lɔ di wɔ taa kpɛa kpɛaɠaai hu, diɛ kɛ a Gabaɔn, Kefira, Beerotə da Kiriatə-Yearimə.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.