Zasua 9:1 - Yálá laawoo hɛɓɛ (dc)

¹ Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Yálá laawoo hɛɓɛ

¹ Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Bible

¹ Gâloŋ-ŋai kélee kɛ̀ vóloi liî-pere Zɔdiŋ Ya-leei pôlu pere nyíi-ŋai kɛ̀ ǹyée pɛlɛ-pɛlɛɛi da ǹyée kpaya-kpaya lɔii sui dí m̀ɛnii kélee m̀ɛni Eezuɛ-ŋai dí gɛ̀i. Gâloŋ-ŋai kɛ̀ Mɛditɛrenia Yuoi ma-pere da Lɛƃanɔŋ lɔii sui dia máŋ dí m̀ɛni. Gâloŋ-ŋai ŋí ƃa Ita-ŋai, Amora-ŋai, Keena-ŋai, Periza-ŋai, Iva-ŋai da Zɛbusa-ŋai díkâloŋ-ŋai.

Zasua 9:1 ပူးပေါင်းရင်းမြစ်များ

Samia Veerɛi 24:7

Di lɔ Tirə gɔ́ taa hu, da Hivi nuą pɔ taai, ə mą kɛ Kanaan nuą pɔ taai. Yili pulu, də li Ɉuda lɔi ɉɛɠɛɛ pələ, Beɛrə-Seva daai.

Lɛɛ gbɔwɔ ɓa 23:23

«‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Lɛɛ gbɔwɔ ɓa 23:31

Gáá pai ka wɔ lɔi hu kɛnɛ̨i, ə həɠə veengbɔ̨nɔ̨ gboloyá ɓa, ə həli la Filisti nuą diɛ, ə həɠə nɔi pun ma, ə həli la ɲá lee kɛnɛ̨ ɓa; ɓɛlɔwai gáá pai nɔi ti hu nuą lɔi la ka yee mu, ka di kpɛ ka tɔwɔ.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Lonon mo 34:6

«Voló tooi pələ, gboloyá kɛnɛ̨ ɓə pai kɛi a ka ɲɛn.

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Dutɛrɔnome 3:25

Hvaa mą ŋį́ tɛɛ ɲá pulu pələ, nɔi lɛlɛɛi tii Ɉurdɛn pulu pələ ŋį́ ɲɛ̨́i tɔɔ mą, da ɲee lɛlɛɛi tii Liban.»

Dutɛrɔnome 4:49

bɛlɛɛ Ɉurdɛn ɲá-ɓoloon bɔ kəlee ɓa voló kulɔi pələ, Ɉurdɛn ɲələi pələ, ə lɛɛ ɉu, ə həli la Ɉurdɛn ɲá-ɓoloon bɔ gboloyá ɓa, Pisga yee kɔ́wɔ mu.

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 1:15

ə lɛɛ ɉu, Yai-Laa ə hvįįtɔɔ tɛɛ di pɔ, yɛ kaa, di di wɔ lɔi hɔlɔɓo diɛ kpɛli. Nɔi ŋɛ̨i Yai-Laa ka wɔ Yálá ə dɛɛ ka pɔ ɉu. Yili pulu, ka pənə ka pa, ka hee ka wɔ lɔi hu, ɓɛi Yai-Laa nwɔ tímun Moisə ə nąą tɛɛ ka pɔ a ka wɔɔ Ɉurdɛn yá pulu voló həɠəi pələ.»

Zasua 1:4

Ə́ həɠə kpɔ ɓɛ Liban nɔi pun ma, ə həli la Eufratə ɲá lee ɓa; Hɛtə nuą di wɔ lɔi kəlee ə həli la gboloyá kɛnɛ̨ ɓa voló tooi pələ, yili ɓə pai kɛi a ka wɔ lɔi.

Zasua 10:23

Di dɔɔɓɛlaa lɔɔlii tii kulɔ gwɛni wolo hu, də li a diɛ Ɉosue pɔ: Ɉerusalɛmə tɔɔmun, Hebrɔn tɔɔmun, Yarmutə tɔɔmun, Lakisə tɔɔmun da Ɛglɔn tɔɔmun.

Zasua 11:17

Ə həɠə Halakə yee ɓa, yaai tɔɔni Seirə pələ, ə həli la Baalə-Gadə ɓa, Liban yɛɛ kɔ́wɔ hu, Hɛrmɔn yee kɔ́wɔ mu. Ə nąą tɔɔɓɛlaa kəlee hon, ə di paa a ɓɔwa.

Zasua 13:5

Gevalə nuą di wɔ lɔi, da Liban lɔi kəlee voló ɓɛlai pələ. Ə həɠə Baalə-Gadə ɓa, Hɛrmɔn yee koomu, ə həli la Lebo-Hamatə ɓa.

Zasua 15:12

Voló tooi pələ, ɲɛ̨n ə kɛ a gboloyá kɛnɛ̨ da gwɛlɛ lɔiɠaa, Ɉuda lonnii di wɔɔ lɔi ka tii, ɉeekpəlin na kɛɛ a gwəliɠaa laa; nɔi ɲɛ̨n gəlee ka tii.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Zasua 22:7

Moisə ə wɔlɔ lɔi tɛɛ Manase huwu bələ tɔ̨nɔ̨ pɔ, Basan lɔi hu. Ɉosue ə lɔi tɛɛ Manase huwu bələ tɔ̨nɔ̨i tii lɛɛ bɔ, di nąn nonnii lɔwai Ɉurdɛn yá pulu voló tooi pələ. Diɛ kpɛli mąn, ɓɛlɔwai Ɉosue ə di tɔɔ la bələi, ə lúwɔ́ too diɛ.

Zasua 23:4

Kaa kpinįi ka ɲɛ̨i ɓa mɛ̨nį li, kaa diɛ, nu huwuɠaa ŋɛ̨i kɛ heeni ɓɛ, ŋą́ą́ di heeiɠaa ɲąąkwɛlɛ ka huwuɠaa diɛ, diɛi ŋį́ di huwolo a kɔ́, ə həɠə Ɉurdɛn ɓa, ə həli la gboloyá kɛnɛ̨ ɓa, voló tooi pələ.

Zasua 24:11

Ka Ɉurdɛn teen, ka həli Ɉeriko, Ɉeriko tɔɔɓɛlaa di kɔ́ pɛlɛ kaa, diɛ ɓaa: Amɔrə nuą, Perizi nuą, Kanaan nuą, Hɛtə nuą, Girgasə nuą, Hivi nuą, da Ɉebusə nuą. Kɛlaa, ŋį́ di lɔ ka yee ŋą.

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Zasua 3:17

Ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi, di kɛ tɔɔni ɲá kɔ́w ɓa, Ɉurdɛn hąąi, ɲá hvo kɛa kɛ laa. Nąąlɔwai, Israɛlə nuą kəlee di ɲá teen kpɔ tɛ̨ɛ̨tɛ̨ɛ̨? Di kɔ́wɔ mąą kpalaa. Yili pulu ɓə ɉaláá laa həli nuą di ɲa teen na.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Zasua 6:27

Yai-Laa ə kɛ Ɉosue pɔ, naa ə tɛ, mąą tin ə too nɔi nąą kəlee.

Zasua 9:7

Israɛlə lonnii diɛ diɛ: «Ka káá kiɛ ɓɛ lɔ ku kwɛlɛ; gwa kaa ni gwa pɛli mįnɛ̨ həɠə pələ kɛi ləi?»