Zasua 8:8 - Yálá laawoo hɛɓɛ (dc)

⁸ Ka yee a pɛli daa ɓa, ka nwɔ̨n bili daai, ka gɛ kpɔlɔɔ yɛ bələi Yai-Laa ə mo la. Yili ɓə gáá ka tí la.»

Yálá laawoo hɛɓɛ

⁸ Ka yee a pɛli daa ɓa, ka nwɔ̨n bili daai, ka gɛ kpɔlɔɔ yɛ bələi Yai-Laa ə mo la. Yili ɓə gáá ka tí la.»

Bible

⁸ Ǹyaŋ à kɛ̀ kà daai sîɣe, ka ǹaa kéreŋ yɛ̂ɛ berei Yâwɛɛ è mò la kâai. Dɔ̂ŋ-ŋai ká ŋí ŋa dɛ̀ɛ kápɔi.”

Zasua 8:8 ပူးပေါင်းရင်းမြစ်များ

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Dutɛrɔnome 20:16

Kɛlaa nu huwuɠaai ŋɛ̨i Yai-Laa ka wɔ Yálái kaa di wɔ taaɠaai tɛɛi ka pɔ a ka hee taa, nąąɠaa lɔ ɓə mąą hvo nɛ̨ɛ̨li ka hvo nu kan da lɔpee lɛɛ la a vulú.

Zasua 1:16

Di kəlee diɛ Ɉosue ɓa: «Yiiɠaai kpɔ ə́ mo kuɔ, ku yee kaa gəlee mu, ku kaa gɛi; ɓɛi lɔpee ya ku tɔɔ la, kwa li laa.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 6:24

Yii ɓaa daa nwɛi, di nwɔ̨n nɔ ɉu, di gəlee kələn, hvo kɛ li: wali, da hɛni, ɛlɛɛ, da ɉɛnŋąąi kɛ a ɓala kwɛli, da kwɛli kpɔ-kpɔɔ, di yiliɠaa pu Yai-Laa nwɔ hɛn gɔw kəhii hu ɲəi bɛlɛ́n.

Zasua 8:13

Gɔkuláá yiiɠaa tii di di wɔ kɔlaɠai pɛlɛ daa ɲələi pələ. Bələ ɲąątɛ nuą di ɓo di pulu voló tooi bələ daa pulu. Mąą kpinįi tii, Ɉosue ə li nɛ̨ŋɛ̨ lɔi hąąi.

Zasua 8:2

Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Zasua 8:22

Israɛlə nuą tii nwɔ̨n nɔ Ai daai, di pənə kɛa diɛ pa Ai nuą laakwiɛn ɉii a kɔ́. Ai nuą di lɛɛ gbulu hveelɛi tii lɔwai. Israɛlə nuą di tínɛ̨n diɛ, di Ai nuą paa kpɔ di hvo dɔ̨nɔ̨ kpɛli lɛɛ a vulú, dɔ̨nɔ̨ kpɛli hvo kulɔ a di yee wolo.

Zasua 8:28

Ɉosue ə Ai taa kələn, ə nąą lɛɛ a taa kpoloon, ə nąą kɛ a kɛɛnąą yii nu hva pɛli heei laa, háá ɓa háá nąą kaa tii.

Zasua 8:7

Nąąlɔwai, ka kulɔ ka loo pələi, ka daa hon, Yai-Laa ka wɔ Yálá aa dɛɛ ka pɔ.

Zasua 8:9

Ɉosue ə di tɔɔ, də li ɓɛi kɛ mąąnɛ̨ɛ̨ di di loo laa. Di hee Betɛlə da Ai di lɔwai, Ai voló tooi pələ. Mąą kpinįi tii, Ɉosue da nwɔ kulaa yiiɠaa tii ɓə yíi kɛɛnąą tɔ̨nɔ̨.

Nwun mąąɓo 4:6

Debora ə Avinoamə lon Barakə təli, yai kɛ a Kɛdɛsə, Nɛftali lɔi hu mun. Yɛ mą: «Yai-Laa Israɛlə nwɔ Yálá, yii ə mo ya ka, yɛ: ‹Ə́ li ə́ nu waa pow ŋąąkpɔn Tabɔrə yee ɓa, ya di həɠə Nɛftali lonnii da Zabulɔn lonnii di lɔwai.