Zasua 8:33 - Yálá laawoo hɛɓɛ (dc)

³³ Israɛlə huwu hu nuą di wɔ nu pɔlɔ pɔlɔɠaa, da di ɲąąwooɓo nuą, di kɛ tɔɔni mįnɛ̨ kəhi gwɛlɛ nąą kəlee, di ɓo Levi lonnii lííla, diɛi kɛ a Yai-Laa nwɔ mįnɛ̨ kəhi həɠə nuą. Nwɛ̨ąą da goló kɛ nuą di kɛ tɔɔni bələ tɔ̨nɔ̨, Garizimə yee ɓa, bələ tɔ̨nɔ̨ ə ɓo Ebalə yee ɓa; yɛ bələi Yai-Laa nwɔ tímun Moisə ə mo la diɛ, ə gɛ, di lúwɔ́ too tɔlɔɔ Israɛlə nuą diɛ.

Yálá laawoo hɛɓɛ

³³ Israɛlə huwu hu nuą di wɔ nu pɔlɔ pɔlɔɠaa, da di ɲąąwooɓo nuą, di kɛ tɔɔni mįnɛ̨ kəhi gwɛlɛ nąą kəlee, di ɓo Levi lonnii lííla, diɛi kɛ a Yai-Laa nwɔ mįnɛ̨ kəhi həɠə nuą. Nwɛ̨ąą da goló kɛ nuą di kɛ tɔɔni bələ tɔ̨nɔ̨, Garizimə yee ɓa, bələ tɔ̨nɔ̨ ə ɓo Ebalə yee ɓa; yɛ bələi Yai-Laa nwɔ tímun Moisə ə mo la diɛ, ə gɛ, di lúwɔ́ too tɔlɔɔ Israɛlə nuą diɛ.

Bible

³³ Eezuɛ-ŋai kélee, díŋuŋ túɛ-ƃelai, díkɔ kuluƃa-ŋai láa túɛ-ƃelai, dímɛni ŋáa tée-ƃelai da ŋɔ̃ya-ŋai kɛ̀ dísamai dí díŋaa kɔ̀lɛ a núu kpûlu feerɛ. Zâla láa soŋ-ƃelai díkɛ ǹúu-kpûlu feerɛi ŋí loai dí kɛ́ lì a Yâwɛɛ ŋɔkono-têe gãlai. Ǹúu kpului dɔnɔ è kɛ̀ a bôlu féɛɛ Gɛriziŋ Yeei ma, gbélii pôlu féɛɛ Ibaa Yeei ma pere yɛ̂ɛ berei Yâwɛɛ ŋɔyée mu-nuui Mose è mò la dîa a gɛ́ɛ dí tɔ́ɔ lai dí Yâwɛɛ ŋɔlûwai sɔlɔ ƃói.

Zasua 8:33 ပူးပေါင်းရင်းမြစ်များ

Lɛɛ gbɔwɔ ɓa 12:49

«‹Dɔ́n dɔ̨nɔ̨ ti kaa lɔ tii nɔi lonnii mɛ̨i, da nwɛ̨ąi heeni ka kɔ́wɔ mɛ̨i.›»

Levetekɔ 24:22

«Nɔi mąą tɔ́n gaa lɔ pai kɛi tɔ̨nɔ̨ nu kəlee mąą mɛ̨nį hu, yɛ ə kɛ a nwɛ̨ą, yɛ ə kɛ a nɔi lon, Mąąhɔlɔɓo, ɲą́ą́ ɓə gáá a Yai-Laa ka wɔ Yálá,»

Lonon mo 15:15

Yɛ bələi ka káá la kɛa a kpulu tɔ̨nɔ̨, ɉɛnŋąą laakwɛlanmo pələ kaa lɔ tanɔ̨n ka yəi, ə kɛ a nwɛ̨ą, ə kɛ a taa hee. Ka wɔ yii pələ ta li hva ɉəɠə mą, ə mą kɛ ka mąą nwɛ̨ąą.

Lonon mo 15:16

Tɔ́n dɔ̨nɔ̨ gbən lɔ ɓə a kɛ ka yəi, da ɉon bələ tanɔ̨n; Kaa, ə mą kɛ ka mąą nwɛ̨ąi heeni ka kɔ́wɔ mɛ̨i.»

Lonon mo 15:29

Ə kɛ a Israɛlə lon da, awala kɛ tii nwɛ̨ąi gaa ka kɔ́wɔ mɛ̨i, a nɛ̨ŋɛ̨n daaləi tii ta həɠə, mąą tɔɔ ɓo pələ kaa lɔ tanɔ̨n.

Ɉaan 4:20

Ɲee ŋɛ̨i ɓa ɓɛ, ku nąnni di kɛi kwɛli hvilɛn naa Yálá ɓa. Kɛlaa, kaa ŋɛ̨i a Ɉuifəɠaa, ka kɛ diɛ: Ɉerusalɛmə daai ɓə mąąnɛ̨ɛ̨ nuą di kwɛli hvilɛn naa Yálá ɓa.»

Dutɛrɔnome 11:29

Nɔi tii ka káá lii ɉu, Yai-Laa ka wɔ Yálái a pa ka lɔi ɉu, kaa hee laa, volói tii, lúwɔ́ kaa pai kɛi Garizimə yee nwuɔ̨, nɛ̨ŋɛ̨n naa yɛ ɓo Ebalə yee nwuɔ̨.

Dutɛrɔnome 31:12

Ka nuą kəlee ɲąąkpɔn, hulɔnu mąn, nɛ̨ɛ̨nu mąn, lokolo mąn, ə mą kɛ, nwɛ̨ąi di kaa ka kɔ́wɔ mɛ̨i ka wɔ taaɠaa hu, ə gɛ, di mɛ̨nį ta mąąkwɛli bɔ, diɛ ɲɔw la Yai-Laa ka wɔ Yálái ɓa; di dɔ́n nwooɠaa ŋɛ̨i kəlee pɔ mɛ̨nį kɛ.

Dutɛrɔnome 31:25

Levi lonnii ŋɛ̨i da kɛ Yai-Laa nwɔ mįnɛ̨ kon həɠəi, Moisə ə mo diɛ, yɛ diɛ:

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Zasua 23:2

nąąlɔwai ɓə ə Israɛlə lonnii kəlee ɲąąkpɔn na; nwɔ kalanɉonŋąą, ɲɛ̨itɔwɔ nuą, nwɔ kiti tee nuą, ə mą kɛ, nwɔ hɛɓɛ́ kɛ nuą, yɛ diɛ: «Ŋą́ą́ pɔlɔ kɛa,

Zasua 24:1

Ɉosue ə Israɛlə lonnii kəlee təli, di di ɲąąkpɔn Sisɛmə daai, ə mą kɛ, Israɛlə kalanɉonŋąą, da nɔi ɲąąwooɓo nuą, bɛlɛɛ, giti tee nuą diɛ, da ɉɛɓɛ́ kɛ nuą. Di pa di tɔɔ Yálá lííla.

Zasua 3:14

Ɓɛlɔwai Israɛlə lonnii di kulɔ la di wɔ həɠə pɛlɛ́ɠaa mu, əgɛ di ɲá teen, ɉaláá laa həli nuąi ŋɛ̨i mįnɛ̨ kəhi ə kɛ di yəi, di kɛ nuą tɔwɔ.

Zasua 3:3

diɛ di liɛwoo ɓo, diɛ kɛ diɛ: «Ɓɛlɔwai ka káá pai Yai-Laa gu wɔ Yálá nwɔ mįnɛ̨ kəhi kaai la, ɉaláá laa həli nuą a Levi lonnii di nwuɔ̨, ka ka muhəɠə nąąlɔwai ka hvilɛn di pulu.

Zasua 3:6

Ɉosue ə mo ɉaláá laa həli nuą diɛ, yɛ diɛ: «Ka mįnɛ̨ kəhi həɠə, ka tɛɛ la nuą tɔwɔ. Di mįnɛ̨ kəhi həɠə, di tɛɛ la nuą tɔwɔ.»

Zasua 4:10

Ɉaláá laa həli nuąi ŋɛ̨i mįnɛ̨ kəhi ə kɛ di yəi, di tɔɔ Ɉurdɛn yá hąą, mɛ̨nį ŋɛ̨i Yai-Laa ə mo Ɉosue ɓa, yɛ mo Israɛlə nuą diɛ, di nąą hvɛɛ. Yɛ bələi Moisə ə mo la Ɉosue ɓa; Israɛlə nuą kəlee di di mąąhulɔ, di ɲá teen.

Zasua 4:18

Ɓɛlɔwai ɉaláá laa həli nuąi ŋɛ̨i kɛi Yai-Laa nwɔ mįnɛ̨ kəhi həɠə di kulɔ la ɲái, Ɉurdɛn ə pənə ə laa naai. Ɛlɛɛ yɛ tɛɛ, yɛ bələi ə kɛi tɛɛ la a bɔlɔ.

Zasua 6:6

Nąąlɔwai, Nun lon Ɉosue ə ɉaláá laa həli nuą təli, yɛ diɛ: «Ka taɠaa di Yai-Laa nwɔ mįnɛ̨ kəhi həɠə, nu mɛ̨ihveelɛ di tɛɛ dɔwɔ, ɓɛlaa mįnɛ̨ tulu ə ɓo di yəi.»