Zasua 8:28 - Yálá laawoo hɛɓɛ (dc)

²⁸ Ɉosue ə Ai taa kələn, ə nąą lɛɛ a taa kpoloon, ə nąą kɛ a kɛɛnąą yii nu hva pɛli heei laa, háá ɓa háá nąą kaa tii.

Yálá laawoo hɛɓɛ

²⁸ Ɉosue ə Ai taa kələn, ə nąą lɛɛ a taa kpoloon, ə nąą kɛ a kɛɛnąą yii nu hva pɛli heei laa, háá ɓa háá nąą kaa tii.

Bible

²⁸ Nya ƃe Zasua-ni dí Eea kèreŋ. Naa káa a pilêŋ ŋá é tóo sâa ŋí ma.

Zasua 8:28 ပူးပေါင်းရင်းမြစ်များ

Tɔɔɓɛlaa veelɛ 19:25

Gbaɠala hvo yɛ́, yɛ́ ŋą́ą́ mɛ̨nįɠaa tii mąą kiliŋąhiɛ kɛ a ɉukwɛa? Hvo gɔlɔn ŋą́ą́ wɔlɔ ɉeekpəlin na kɛ a ɉukwɛa? Yii hu kɛa, mɛ̨nįɠaa tii, gáá bɔ mɛ̨nį kɛi. Mąą laa kaa ə́ yəi, ə́ pɛli taa kpɛa kpɛaa hu ɓuwɔi yɛ kwɛni.

Azaya 17:1

Mɛ̨nįi kponąą di mo yɛ hvilɛn na Damasə, ɓa ya ka: Damasə hvo kɛa pai lɛɛi a taa, gaa pai lɛɛi a taa kpoloon.

Azaya 25:2

Yáá daa kɛ a taa kpoloon, daa yii kɛ mąątínɛ̨n ŋąą a hįį, Yáá nɛɛ a lɔi pun, Túwɔ́ pələ ɲɔ̨n gulɔ nuą, di wɔ taai, hvo kɛa a taa, hva kɛa pənə hvo tɔɔ kpɔ tanɔ̨n gbɛli.

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Ɉeremi 50:26

'Ka həɠə lɔi kpon ɉeei ka pa, 'ka pa bɔ, 'ka nwɔ kɔ̨nɔ̨n gələɠaai laa ɓo, 'ka bu gee mɛ̨i, 'ka naa həli Yai-Laa ɓa. 'Ka hvo da lɔpee lɛɛ pulu.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Dutɛrɔnome 13:16

mąąnɛ̨ɛ̨ ka daa tii hu nuą kəlee paa a ɓɔwa kwɛa, ka daa tii hu kala da ɉu hɛnŋąą kəlee, ə mą kɛ daatɛlɛɛɠaa, ka gəlee paa a ɓɔwa kwɛaa.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Zasua 4:9

Ɉosue ə kwɛni kpuwulu pow kɔ́w hveelɛ kpɔn gee ɓa Ɉurdɛn hąąi ɓɛi tii mįnɛ̨ kəhi həɠə nuą kɔ́wɔ ə kɛ laa hvilɛn ni, háá ɓaa háá, di kaa ni laa.

Zasua 8:29

Yii ɓaa Ai tɔɔmun nwɛi, di ɉɛlɛn wulu ta ɓa, ə lɛɛ laa hɛlɛn ni, ə lɛɛ la ɉu, yələ ə wulu, ɓɛlɔwai hvóló ə laa la kpɔlɔ ŋą, Ɉosue ə mo, di bowa kulɔ nwulu ɓa, di doo Ai daa mąąkpɛ hį́i gbon na, di kwɛni hį́i tɔɔ mɛ̨i, gaa laa háá ɓa háá.