Zasua 7:26 - Yálá laawoo hɛɓɛ (dc)

²⁶ Gwɛni hįį kɛnɛ̨ɛ̨ tii di dɔɔ di mɛ̨i, gaa lɔ nii laa háákələi. Yili ɓə gɛ Yai-Laa nwɔ liiɲąnwąną ɲąą ə yɛɛ. Mɛ̨nįi gɛ di gɛɛnąąi tii laa hee a Akɔrə ɓoloon ɉu yaa li. Háá ɓaa háá, naai tii ɓə mą.

Yálá laawoo hɛɓɛ

²⁶ Gwɛni hįį kɛnɛ̨ɛ̨ tii di dɔɔ di mɛ̨i, gaa lɔ nii laa háákələi. Yili ɓə gɛ Yai-Laa nwɔ liiɲąnwąną ɲąą ə yɛɛ. Mɛ̨nįi gɛ di gɛɛnąąi tii laa hee a Akɔrə ɓoloon ɉu yaa li. Háá ɓaa háá, naai tii ɓə mą.

Bible

²⁶ Dí kɔni támaa pù Eekãŋ-ni luu mɛi. M̀aa kɔni-ŋai káa naa é tóo sâa ma. Eekãŋ paá pôlu ma, Yâwɛɛ è ǹíi ŋáa yèŋ Eezuɛ-ŋai dîa. M̀ɛni ma dí gwaai ŋí ma láa sèe a Eekɔɔ Potoi ǹyaŋ ǹaa láa káa tí é tóo sâai ŋí ma.

Zasua 7:26 ပူးပေါင်းရင်းမြစ်များ

Samia Veerɛi 18:17

Di Absalɔn powa həɠə, di bili ɓoloon gɛnɛ̨ ta hu nwɛla hu, di kwɛni hįi kɛnɛ̨ ta tɔɔ mɛ̨i a kili lɛɛ ɉu hɛn. Israɛlə nuą kəlee di pu, nu kəlee ə li bɔɔli.

Samia Veerɛi 21:14

Di Saulə da non Ɉonatan di kɔ́wɠaa tii loo Sela daai Bɛnɉamɛn lɔi hu, Saulə nąn Kisə kámą hu. Bələi kpɔ tii tɔɔmun ə mo la di gɛ kpɔlɔɔ tii. Yili pulu, Yálá ə ɲɛ̨i lɛlɛɛ hee nɔi ɓa.

Kɔlɔnikɔ Veerɛi 29:10

Gáá bɔ, gua Yai-Laa, Israɛlə nwɔ Yálái ni, gu mįnɛ̨ həɠə yiihu, Ə líiholi kpəiɛi tii həɠə gu pulu.

Ɛsdrasə 10:14

Ku ɲɛ̨itɔwɔ nuą di lɛɛ kani ɓɛ gbɔn gəlee laa hu, ɛlɛɛ, nuąi kpɔ nwɛ̨ą nɛ̨ą həɠə ku pɔ taaɠaa, taa tɛitɛi nwɔ kalanɉonŋąą da nwɔ kiti tee nuą di kuu hee diɛ; diɛ pa a volóɠaa tii, ə lɛɛ ɉu, gu wɔ Yálái nwɔ liiholi ə həɠə gu mɛ̨i mɛ̨nįi ŋɛ̨i hu.»

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 65:10

Sarɔn a kɛ a ɓɛlaaɠaa da ɓoluɠaa di pɛlɛi, Akɔrə yɛakɔwɔ yɛ lɛɛ a niŋɛ̨ɠaa laa mįi, gəlee di ɓo a nwɔ nuąi gwɛlii di wɔɔ.

Woolaa 3:53

Daa nɛ́ɛ́ a vúlú, daa doo lɔwai, daa kwɛni kpuwulu laa nowa la.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Osia 2:17

Yili pulu, gɛ́ pənə gɛ́ nwɔ tíiɠaai tɛɛ bɔ, gɛ́ Akɔrə lɔi kɛ a kilitɔɔmąą kpala tɔɔ lɔi. Gaa pai pənəi yɛ nwóó pulu pənə, yɛ bələi ə kɛli gɛ la a gbəla yələ, a ɓɛlɔwai ə kulɔ la Eziptə lɔi hu.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Zooɛ 2:18

Yai-Laa nwɔ lɔi wɛli kaa mą, a nwɔ nu huwui ɲɛ̨imąąwɛli kaa,

Zôna 1:15

Di Ɉonasə hon, di bili ɲai, vaŋą kɔ́lɔ ə haa mą.

Zakari 6:8

Nąąlɔwai, Yai-Laa ə də́li, yɛ mą́ą́: «Ɓɛ kaa li, yiiɠaai tii lii ɲələi pələ, di kaa lii di nwɔ́ Kilii tɛɛi ɲələi pələ lɔi pɔ.»

Lonon mo 25:8

ə lɔ la Israɛlə mun tii pɔ bɛlɛ́n, ə ɓɔ la di nu hveelɛi di hu, ɉulɔnu mąn nɛ̨ɛ̨nu mąn. Nɔi kala ɲɔ̨n tii kɛi Israɛlə lonnii paa, ə kpəla kɛa mą.

Dutɛrɔnome 13:17

Hɛn kpɔ a kulɔ ɉu, ka gəlee ɲąą kpɔn gwəli hąąi, ka daa kələn da ɉɛnŋąą tii kəlee. Ka gulɔ tii a haláá Yai-Laa ka wɔ Yálái ɓa; nąą ə lɛɛ a taa kpoloon nąą hva kɛa pənə hvo tɔɔ.

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.

Zasua 10:27

Hvóló kɛɛ laai kpɔlɔ ŋą, Ɉosue ə mo di di kulɔ nwuluɠaa diɛ, ɛlɛɛ, di di pili gwɛni woloi tii di di loo laa, ɉu. Di kwɛni kpuwulu kpɛa kpɛa laa gwɛni wolo laaləi, di kaa ni laa yiihu.

Zasua 7:24

Ɉosue ə nɛɛ mą ə Zera lon Akan hon, ə bɛlɛ nwali ɓa, da həɠə ə mą kɛ ɉɛni kpuwulu, ə bɛlɛ Akan lon ɉinąą da non nɛ̨ąą diɛ, da nwɔ nįŋɛ̨ɠaai, nwɔ hoohvaalənŋąą, da ɲəi taatɛlɛɛ pɛlɛɛɠaa kəlee, ə mą kɛ nwɔ həɠə pɛ́lɛ́i da yii kpɔ kɛ a Akan nwɔɔ. Da Israɛlə nuą kəlee di bɛlɛ gee ɓa di li Akɔrə ɓoloon ɉu.

Zasua 8:29

Yii ɓaa Ai tɔɔmun nwɛi, di ɉɛlɛn wulu ta ɓa, ə lɛɛ laa hɛlɛn ni, ə lɛɛ la ɉu, yələ ə wulu, ɓɛlɔwai hvóló ə laa la kpɔlɔ ŋą, Ɉosue ə mo, di bowa kulɔ nwulu ɓa, di doo Ai daa mąąkpɛ hį́i gbon na, di kwɛni hį́i tɔɔ mɛ̨i, gaa laa háá ɓa háá.