Zasua 7:25 - Yálá laawoo hɛɓɛ (dc)

²⁵ Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Yálá laawoo hɛɓɛ

²⁵ Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Bible

²⁵ Dí serɛɛ naai, Zasua è mò ma ǹyɛɛi, “Yaâ kúpili mɛni kpɔ̂lu su kɛ́tɛ su. M̀ɛni ma, Yâwɛɛ a pâi sâa mɛni kpɔ̂lu su kɛ́tɛ lâai yâ.” Nya ƃe Eezuɛ-ŋai kélee dí Eekãŋ sɔ̀ɔ a kɔni da ŋɔnûai, dí dípoma kéreŋ a ŋɔŋ.

Zasua 7:25 ပူးပေါင်းရင်းမြစ်များ

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 38:24

Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Kɔlɔnikɔ Maa-ŋuŋ 2:7

Karmi lon ma a: Akarə. Akarə tii ɓə gɛ mɛ̨nį ɲąąnwąnąą yɛ laa Israɛlə ɓa. Ya ka tii li, hɛn kɛ tɔ́n dɔɔ mą ə ɉəɠə a nwɔɔ.

Hanwon 1:19

Bələ ɓə hvulu hɛn gɛli nuą di wɔ yɛnɛ̨ɛ̨ a kpɛɛ la, a diɛi tii di ɓɛlaa kwɛlin gulɔi di yəi.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Levetekɔ 20:14

«Nui a nɛ̨ɛ̨nu da nee di həɠə a nɛ̨ąni, kɛɛ kala mɛ̨nį li, mąąnɛ̨ɛ̨ di di kələn. Bələ ɓə nwɛli ɲɔ̨nwɔ̨ɔ̨ kɛɛ ti a kpɛɛ la ka lɔwai.

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Levetekɔ 21:9

«Haláá laa həli mun lon nɛ̨ɛ̨nu a gbɔwɔ kɛ a wɛli kɛmun, a gbɔwɔ ɓɛlɛ too, ɛlɛɛ aa nąn mɛlɛ too; mąąnɛ̨ɛ̨ di gələn.

Levetekɔ 24:14

«Nui tii nalan bili, ka kulɔ la daa pulu pələ, nuąi kpɔ nwoo mɛ̨n, di di yee laa nwuɔ̨, ɛlɛɛ Israɛlə nuą kəlee di ɉɔɔ a kwɛni.

Galatə 5:12

Akɛ yili kaa tii, nuąi ká nwun ɉu kɛi vuwú-vuwú, di hvo kpɛla lɔ di kpɔwɔ kɛ́nɛ̨ kɛɛ ɓa, kɛlaa di gəlee tee laa kpɔ tɛ̨ɛ̨tɛ̨ɛ̨?.

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Dutɛrɔnome 13:11

Ka ɉɔɔ a kwɛni ə haa; mąąhɔlɔɓo, ə kɛi ka mąą kwɛa pələ kwɛli Yai-Laa ka wɔ Yálái ɓa; yaa tii ka kulɔ Eziptə lɔi hu, ə ka nwun mąąɓo nuwɔ pɛlɛ́i mu.

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Zasua 6:18

Yii ɓaa ka wɛi, ka ka kpɔɔ mɛ̨i kaa daa ŋɛ̨i hu hɛnŋąą mąą mɛ̨nį ɓa. 'Ka hvo da həɠə, ə gɛ, ka nwun na hvo pa pili, ə lɛɛ, ka hvo pa Israɛlə nwɔ ɓuwui kɛ a hɛn ɲɔ̨nwɔ̨ɔ̨, kaa kpalo ɓɛla mą yili pɔ pələ.

Zasua 7:15

Nui lɔpee mɛ̨nįi tii a lɛɛ nwuɔ̨, da mąą nu kələn, yaa da ɲəi hɛnŋąą kəlee; mąąhɔlɔɓo, aa Yai-Laa woo mąą kala, aa ɓɛlɛkpɛɛ mąą túwɔ́ ɓo a Israɛlə.»

Samuɛlə dɔlɔɔ 14:29

Ɉonatan yɛ mą: «Nán a mɛ̨nį ɲąąnwąnąą laa nɔi ɓa, ka ɓɛ kaa li, ɲɛ̨i aa pɔ̨nɔ̨ nwún ma a gwɛin nwulɔ woloi ŋɛ̨i lɔ ŋą́ gɔwɔn.