Zasua 7:21 - Yálá laawoo hɛɓɛ (dc)

²¹ Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Yálá laawoo hɛɓɛ

²¹ Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnŋąą mu nɔi mu.»

Bible

²¹ Tãi ŋá zãâi su kàa lai, ŋá Babeloŋ yokpo lɛ́lɛɛ tɔnɔ kàa zu, káne pãŋ lɔ́ɔlu da gôo pãŋ tɔnɔ. Ǹyaŋ díkɛ̀ a dílɛlɛɛ a ńîa ŋá dísiɣe. Ŋá dílòo ǹɔii mu ŋáƃûui mu. Gánei káa mù-pere.”

Zasua 7:21 ပူးပေါင်းရင်းမြစ်များ

Zɛnɛse 10:10

Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 34:27

Ɉakɔbə lon ɉinąą yiiɠaai tii, di li di too nu lɛɠɛɠaa mɛ̨i, di di mąą kpoloon, di daai hɛnŋąą kəlee həɠə. Mąąhɔlɔɓo, daa kɛ wolo di mąąhala ɓa daa gɛ a di nɛ̨ą.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Tɔɔɓɛlaa veelɛ 7:8

Volóɲɔ̨n gɛ nuą tii, də li di hiɛ gɔ́ɓuwu nąą kəlee, di lɔ ɉəɠə pɛlɛ́ tɔ̨nɔ̨ mu, di kɔ̨nɔ̨n mįi laa di di kpələ; di waliɠaa həɠə, hɛni da həɠəɠaa, də li di noo. Di pənə nwɔ̨nɔ̨ də li ɉəɠə pɛlɛ́ takpɛli mu, ɉɛnŋąą kpɔ di gaa laa, di gəlee həɠə də li la nwɔ̨nɔ̨ di noo.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Hanwon 1:19

Bələ ɓə hvulu hɛn gɛli nuą di wɔ yɛnɛ̨ɛ̨ a kpɛɛ la, a diɛi tii di ɓɛlaa kwɛlin gulɔi di yəi.

Hanwon 23:31

Nɔɔ ŋɛ̨i gɔwɔ hu yɛ nɛn, ə́ ɲɛ̨i hvo kulɔ nwɔ lɛlɛ laa pɔ, yai a hvili, yɛ pu.

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Habakukə 2:9

kpalo ɓɛlaai kaa, kaai ka hvulu hɛn gɔw hon, kaa ɲiɓɛi laahvɛɛ la. Gaa ka kwəi, kaa kɛ kɛa a nu kpɛa kpɛa yili hu, mɛ̨nį nwąnąą ŋɛ̨i pai, da hva kɛa həli kaa.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Lukə 12:2

Yiiɠaa lɔpee nooŋąai, gəlee mɛ̨i kaa pai həɠəi. Low mɛ̨nįɠaa kaa pai kulɔi pono ŋą, nu kəlee di gɔlɔn.

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Zĩi 1:15

Ɲɛ̨i kulɔbɔ a koo həɠə, ə naayɛɛ a nɛ̨ŋɛ̨n, nɛ̨ŋɛ̨n a pɔlɔ, ə naayɛɛ a haa.

Zasua 7:20

Akan yɛ Ɉosue ɓa: «A tɛ̨ą leelee, ɲą́ą́ ɓə ŋą́ą́ nɛ̨ŋɛ̨n ɉəɠə Yai-Laa ɓa, yai gaa a Israɛlə nwɔ Yálá, bələi ŋį́ túwɔ́ la, bələ ka.

Zasua 7:22

Ɉosue ə nuą tɔɔ, di gilɛ həgə, di li Akan yəi ɉəɠə pɛlɛ́ mu; pələ kpɔlɔ ɓə di gaa la, nwali laai kɛɛ ɉɛnŋąą mu bɛlɛ́ hąąi, nɔi mu.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.