Zasua 7:11 - Yálá laawoo hɛɓɛ (dc)

¹¹ Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.

Yálá laawoo hɛɓɛ

¹¹ Israɛlə aa nɛ̨ŋɛ̨n gɛ. Mįnɛ̨i ŋɛ̨i kwa di nąnni ku ɉəɠə, daa mąą kala a tɛ̨ą, yai wɔlɔ ŋį́ mą́ą́ pamą la, diɛ. Hɛn ŋį́ tɔ́n dɔɔ mą, daa da həɠə, yai kɛ a nwɔ́ɔ́, daa da nwuɔ̨, daa now, daa nɔ di yəi hɛnŋąą lɔwai.

Bible

¹¹ Eezuɛ-ŋai daâ sɔnyɔ̂ŋ kɛ́. Da ŋákono-têe wooi kara nyíi ŋá gɛ̀ díyêei. Da zãâi da sìɣe nyíi gáa a ḿbɔɔi. Da ŋúma kɛ́, da lɛ́ɛ kɛ́, da ŋ̀úma sãai pú díwɔ̂ sãai su.

Zasua 7:11 ပူးပေါင်းရင်းမြစ်များ

Tɔɔɓɛlaa veelɛ 18:12

Yili ə kɛ tii, mąąhɔlɔɓo, di hvo di wəli tɔɔ Yai-Laa di wɔ Yálái woo ɓa. Di Yai-Laa nwɔ mįnɛ̨i hu woo lɛɛ, mɛ̨nįi kpɔ Yai-Laa nwɔ tímun Moisə ə mo diɛ, di hvo di wəli tɔɔ mą.

Tɔɔɓɛlaa veelɛ 5:24

Həlii di mo Ofɛlə, Gehazi ə mii hveelɛi tii həɠə nuą yəi, ə li ə ɉee ɲəi bɛlɛ́n. Nu hveelɛi tii di pənə də li.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Osia 6:7

Kɛlaa di wɛi, yɛ nu kanŋaa, daa mįnɛ̨ həɠɛɛ hu kala, bələi di mówo la bələ li.

Levetekɔ 5:15

«Nu ta a Yálá laa kala nɛ̨ŋɛ̨n ɉəɠə dɛɠii, yɛ Yai-Laa kɔ́ a ɲɔ̨nwɔ̨ɔ̨; mąąnɛ̨ɛ̨ ə pa a bɔɔŋą pɛli hɛn a ɓɛlaa hilɛi kpɛɠii hvo mą, ə ɉəɠə nwɔ taatɛlɛɛ kpulu hu, diɛ ɉɔ̨nwɔ̨ laa ɓo a wali, yɛ bələi bɛlɛ́ mąąhəɠɛɛ mu wali kaa la, ə naa həli a bɔɔŋą pɛli haláá.

Habakukə 2:6

Nɔiɠaa tii da di hon diɛ ɓo di yee mu, di kaa pai yɛlɛ kulɔ ɉu wooɠaa ɓoi di laa mɛ̨i. Nɔiɠaa tii kaa pai kɛi mą: Kpalo ɓɛlaai kaa kaai nu takpɛliɠaa yəi hɛn gɔw nwuɔ̨i kaa dɛ gee ɓa kaa di yəi hɛnŋąą həɠə a tolaa. Ka káá pai lɛɛi yili kɛi tii, ə lɛɛ ɉu, mįnɛ̨ lɔwai?

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Kili-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Dutɛrɔnome 17:2

Hulɔnu ta, a wala kɛ tii, nɛ̨ɛ̨nu ta a kɛ ka lɔwai, daaɠaa tii Yai-Laa ka wɔ Yálái kaa pai dɛɛi ka pɔ da hu, mɛ̨nįi ɲɔ̨nwɔ̨ɔ̨ Yai-Laa ka wɔ Yálái ɲɛ̨i ɓa, yɛ gɛ, a nwɔ mįnɛ̨i hukala pələ,

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»

Zasua 7:1

Ɉɛnŋąą ŋɛ̨i di tɔ́n dɔɔ mą, Israɛlə lonni di kulɔ nwoo mu laa kɛ mąą mɛ̨nį ɓa. Karmi lon Akan, yai kɛ a Ɉavdi lon, yɛ ɓo a Zera lon, Ɉuda huwu hu mun da, ɉɛn ŋɛ̨i kɛ tɔ́n dɔɔ mą, ə da həɠə, Yai-Laa ə nii ɲąąnwąnąą Israɛlə lonnii diɛ.

Zasua 7:10

Yai-Laa yɛ Ɉosue ɓa: «Ə́ muhəɠə! Lə mɛ̨nį ɓa ə́ kaa pɛlɛ ni nɔi ɓa?

Nwun mąąɓo 2:20

Yai-Laa ə níiɲąnwąną Israɛlə lonnii diɛ, yɛ diɛ: «Mįnɛ̨i wɔlɔ kwa nu huwui ŋɛ̨i di nąnni ku ɉəɠə, yai ŋą́ kɛ di nąnni diɛ, ka mąąwiɛ, di wɛi daa mąą kala, di hvo nwóó hon ni.

Samuɛlə dɔlɔɔ 14:38

Saulə yɛ nɔi ɲɛ̨itɔwɔ nuą diɛ: «Ka kəlee ka lɛɠɛ ɓɛ! Ka mɛ̨nįi ŋɛ̨i hukpɛ a nɛlɛɛ, nɛ̨ŋɛ̨n nəi ɓə kələi daa ɉəɠə?