Zasua 6:4 - Yálá laawoo hɛɓɛ (dc)

⁴ Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Yálá laawoo hɛɓɛ

⁴ Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.

Bible

⁴ Ka kɛ̀ tînanii daai ma, ka Gono-têe gãlai síɣe, sâla láa soŋ-ƃela lɔ́ɔlu mɛi feerɛ dí kɛ́ ƃò gãlai túɛ, ƃála-mĩla turu kɛ́ ƃò díyêei tɛi-tɛ́i. Ŋ̀ele kûui mɛi feerɛ ɣelei, ka tínaŋ daa-lêei ma gîei lɔ́ɔlu mɛi feerɛ, zâla láa soŋ-ƃelai díkɛ dúrii fɛ̀ɛ.

Zasua 6:4 ပူးပေါင်းရင်းမြစ်များ

Zɛnɛse 2:3

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Tɔɔɓɛlaa dɔlɔɔ 18:43

Yɛ bɔmun ma: «'Tɛ́, ə́ gboloyá mɛ̨i pələ kaa!» Yili ə li ə nąą kaa, kɛlaa, hvo hɛn da kaa. Eli yɛ mą: «Kɛ lii yɛ́ nąą kaa gee mɛ̨i mɛ̨ihveelɛ.»

Tɔɔɓɛlaa veelɛ 5:10

Elise ə wɛlɛɛ tɔɔ, yɛ Naaman ɓa: «'Lí ə́ ə́ waa Ɉurdɛn hu gee mɛ̨i mɛ̨ihveelɛ, ə́ kɔ́lɔ a lɛlɛ, ə́ mąą ə həɠə.»

Tɔɔɓɛlaa veelɛ 5:14

Nąąlɔwai, Naaman ə yɛɛ Ɉurdɛn hu, ə too ɲai gee mɛ̨i mɛ̨ihveelɛ, yɛ bələi tii Yálá nwɔ nui ə mo la mą. Gɔlɔ ə kɛ kpɔ mą yɛ hulɔn non, ɛlɛɛ, mąą ə həɠə.

Kɔlɔnikɔ Veerɛi 13:12

Ya ka kani, Yálá kaa ku pɔ, yɛ ɓo a ku nwun nąmu, nwɔ haláá laa həlinuąi kaa ku pɔ, di kaa pai nwɔ tulúɠaa hvɛɛi, ku wolo a kaa. Israɛlə lonnii! 'Ka hvo kɔ́ pɛlɛ Yai-Laa ka nąnni di wɔɔ Yálá ɓa, ka yee hvo pai lɔi.»

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Kɔlɔnikɔ Veerɛi 20:19

Lévi lonnii kɛ a Kehatə yəi bɛlɛ́n nu kpulu, da Kore yəi bɛlɛ́n nu kpulu, di haŋą di tɔɔ, diɛ Yai-Laa Israɛlə nwɔ Yálá mąąwiɛ kpɔ a di woo kɛnɛ̨ɛ̨.

Kɔlɔnikɔ Veerɛi 20:21

Ɉosafatə da nɔi lonnii di di nwun dɔɔ, əgɛ, di nuą tɔɔ kɔ́kuláaɠaa ɲɛ̨itɔwɔ, diɛ Yai-Laa laa tɛ, diɛ nwɔ kɛnɛ̨ laa mąąhəɠɛɛ mąątɛ̨nɛ̨ wələ tɔɔ, diɛ kɛ mą: «'Ka Yai-Laa laa tɛ, gbala ə tɔɔ, a kulɔ nwoo ɓa, ɲɛ̨n deei hvo mą!»

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Levetekɔ 14:16

ə mamįiyee kpiɛ bələ kəleen nɔ nwulɔi tii gɔɓɛ yee ɲą ɉu, ə nwulɔ taɠa a ɲeekpiɛ Yai-Laa lííla gee mɛ̨i mɛ̨ihveelɛ.

Levetekɔ 4:6

ə ɲee kpiɛ lɔ ɲąmą hu, ə daɠa gee mɛ̨i mɛ̨ihveelɛ ɉəɠə ɓɛla tii bɛlɛ́ mąąhəɠɛɛ laaləi mą, Yai-Laa lííla.

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Lonon mo 23:1

Balaamə yɛ Balakə ɓa: haláá kulɔi mɛ̨ihveelɛ tɔɔ ɓɛ mą́ą́. Ə́ nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ tɛɛ bɔ́.

Zasua 6:13

Ɉaláá laa həli nuąi mɛlaa mįnɛ̨ tulu ə kɛ di yəi, di kəlee; diɛi kɛi hiɛ Yai-Laa nwɔ mįnɛ̨ kəhi tɔwɔ. Di ɉiɛ kɔ́wɔ tɔɔ, diɛ mɛlaa mįnɛ̨ hvɛɛ. Kuláá taɠaa di ɓo hvilɛn ni Yai-Laa nwɔ mįnɛ̨ kəhi tɔwɔ, da bulu pələ, diɛ li, diɛ mɛlaa mįnɛ̨ hvɛɛ.

Zasua 6:3

Kaai ɓaa nwɔ́ kulaaɠaa, ka káá pai kɛi daa mąątinɛn ɉii. Hvóló tɔ̨nɔ̨ yee mu, ka daa mąątinɛn tɔ̨nɔ̨, bələ ɓə ka káá pai kɛi gɛi la hvóló mɛ̨ida yee mu.

Zasua 6:5

Ɓɛlɔwai mɛlaa mįnɛ̨ tulu woo a tɔɔ la, ka nwoo mɛ̨n, Israɛlə lonnii kəlee da tomą kpɔ kɛnɛ̨ a kɔ́ mɛ̨i woo, nąąlɔwai, daa mąą kpɛ hįį a pu, ɲąąɓa, nuą kəlee da tɛ daai, nu kəlee ə ɲɛ̨i haɠa dɔwɔ.»

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 10:3

Ɛlɛɛ, ə tomą kpɔ a nwoo kɛnɛ̨, yɛ yala aa kɛli huluun. Yii kɛa ə huluun tii, yələgbąnąą mɛ̨ihveelɛ di di nwoo tɛ.

M̀ɛni-lɛɛi 15:1

Ɛlɛɛ, ŋį́ laakpala mąą mɛ̨nį kɛnɛ̨ ta kaa yələ kwəi, ŋį́ malaka mɛ̨ihveelɛ kaa, mɔ̨nɔ̨ mɛ̨ihveelɛ yɛ ɓo di yəi, a gbəli-kpəli, mąąhɔlɔɓo, diɛ ɓə Yálá nwɔ lííholi naa kulɔi kaa di hu.

M̀ɛni-lɛɛi 15:7

Ɉuwɔ nąąn tii dɔ̨nɔ̨ ə hɛni kpələ-kɔ́wɔ mɛ̨ihveelɛ tɛɛ malaka mɛ̨ihveelɛi tii pɔ, naahvɛɛ a Yálái a vúlumąą ɲɛ̨n deei hvo mą, ŋą liiɲąnwąną.

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.

M̀ɛni-lɛɛi 8:6

Malaka mɛ̨ihveelɛi tii dulu mɛ̨ihveelɛ ə kɛ di yəi, di di hɛ̨ą yili, diɛ kɛ kɛa di vɛɛ.