Zasua 6:23 - Yálá laawoo hɛɓɛ (dc)

²³ Gɔ nɛ̨lɛ̨ɛ̨naa kɛ nuąi tii di lɔ Rahabə yəi bɛlɛ́n, di Rahabə, nąn, nee, gaayɔwɔɠaa, da hɛn kpɔ kɛ a nwɔɔ, di gəlee kulɔ, di bɛlɛ ɉuwu hu nuą diɛ, di li a diɛ, di di hee Israɛlə nwɔ ɓuwui kwɛlɛ.

Yálá laawoo hɛɓɛ

²³ Gɔ nɛ̨lɛ̨ɛ̨naa kɛ nuąi tii di lɔ Rahabə yəi bɛlɛ́n, di Rahabə, nąn, nee, gaayɔwɔɠaa, da hɛn kpɔ kɛ a nwɔɔ, di gəlee kulɔ, di bɛlɛ ɉuwu hu nuą diɛ, di li a diɛ, di di hee Israɛlə nwɔ ɓuwui kwɛlɛ.

Bible

²³ Nya ƃe gbakolo feerɛi dí lì Leea ŋɔpɛ́rɛi mu dí pá la, ǹâŋ, ǹee, zaaƃɔlɔ da ǹûai kélee kɛ̀ ŋɔpɛ́rɛi mui. Dí lì a Leea da ŋɔpɛ́rɛi mu-ƃelai kélee Eezuɛ-ŋai dí ƃûui kɔlɛ ma.

Zasua 6:23 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 18:24

Akɛ gbəli hu, tələnmo nuą da kɛ Sodomə daai a nu pow lɔɔli, hvá mɔɔ pɛli daai tii mąąhvaalɛɛi nu pow lɔɔli tii mąą mɛ̨nį ɓa?

Zɛnɛse 19:29

Ɓɛi ŋɛ̨i Lɔtə ə kɛ laa kɛ nɔi, ɓɛlɔwai Yálá ə kɛi nɔi tii da ɉu taɠaa kəlee kala la, ə giliŋąhiɛ Abrahamə ɓa, ə Lɔtə kulɔ nwun na pili tii hu.

Lonon mo 31:19

Ɛlɛɛ, kaa kpinįi ka lɛɛ daa kpala hvóló mɛ̨ihveelɛ yee mu; kaai kpɔ tii nu paa, a wala kɛ tii kaai tunwɔ̨n nu powa ɓa, mąąnɛ̨ɛ̨ ka ka mąąhəɠə a voló ɉaaɓa yələ da voló mɛ̨ihveelɛ yələ. Kaa kpinįi, da ka wɔ luwɔ nɛ̨ąąi.

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Korɛntə dɔlɔɔ 5:12

Nuąi di hvo Yálá ŋą kpɔn hu, ɲą́ą́ ɓə mɔ̨ɔ̨ ŋą́ li tɔɔi gɛ́ di kiti tee, lə laa hu? Kɛlɛi bɛlɛ́n nuą ɓə káá ŋɛ̨i mąąnɛ̨ɛ̨ ká di kiti tee.

Ifisiɛŋ 2:12

'ká ká kiliŋąhiɛ, nąąlɔwai, Kristə hvo kɛ ká yəi, ká laa hvo kɛ mɛ̨nį ta hu Israɛlə lɔi hu, ká kɛ a nwɛ̨ąą mɛ̨nįɠaai Yálá ə naakwɛlanmo nwɔ nuą diɛ, ɉu; ká kilitɔɔi hvo kɛ káá, Yálá hvo kɛ ká yəi ɓɛ yɛnɛ̨ɛ̨.

Hebreu 11:31

Laa na laa háálai, Rahabə kɛ a wɛlikɛnɛ̨ɛ̨nu, da kwɛli tee nuąi di nwun na hvo pili a gee; mąąhɔlɔɓo, ə ɲee hee gɔ́ nɛ̨lɛ̨ɛ̨nŋaa mu a nɛlɛɛ.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Zasua 2:13

yii a nɛ yɛ diɛ ka káá pai ną́n, néé, néé lonnii hinąą da néé lonnii nɛ̨ą lɛɛi a di húlu, da di yəi hɛnŋąą kəlee.»

Zasua 2:16

Yɛ diɛ: «'Ka li, ka ka loo ɲee koo mu, ka lɛɛ laa hvóló haaɓa yee mu, ə lɛɛ ɉu nuąi li ka kwɛlii di di pulu pənə, ka pɛli kɛa kulɔi ka li.»

Zasua 2:18

Ɓɛlɔwai ku kaa pai lɔi la nɔi ŋɛ̨i hu, ɲee kali kpɔlui ŋɛ̨i ə́ gbulɔn ə́ wɔ finɛɛtɛlɛ ɓa, ɓɛi ə́ ku yɛɛ laa. Yili pulu, ə́ nąn, ə́ lee, ə́ lee lonnii ɉinąą mąn da nɛ̨ąą mąn, ə́ di lɔ ɓɛ ə́ yəi bɛlɛ́n.

Nwun mąąɓo 1:25

Bələi nu a tɛɛ la ə lɔ daai, ə nɛ diɛ. Di daai tii hu nuą kəlee paa, kɛlaa, di nui tii lɛɛ a vulú, da ɲəi gwəlii nuą kəlee.